EKSODOS 4:17 - KA BAIBL

¹⁷ Men shim ruh ïa une u diengduh ha ka kti jong me, da uba men sa leh ïa ki dak phylla.”

Khasi CL Bible (BSI)

¹⁷ Shim ïa une u diengduh bad me, namar da u men sa leh ïa ki kambah.”

EKSODOS 4:17 ပူးပေါင်းရင်းမြစ်များ

2 SYIEM 4:29

Ynda kumta, u la ong ha u Gehasi, “To panpoh ïa ka syngkai, bad to rah ïa u diengduh jong nga ha la ka kti, bad leit noh: lada me ïashem badno badno, wat ïakhublei ïa u; bad lada uno uno u khublei ïa me, wat phai ktien ïa u: bad to buh ïa u diengduh jong nga halor ka khmat uta u khynnah.”

EKSODOS 14:16

Bad to rah ma me ïa la u diengduh, bad to kner ruh ïa la ka kti halor ka duriaw, to pynïakhlad ruh ïa ka: te ki khun Israel kin ïoh ïaid ryngkew lyngba ïa ka duriaw.

EKSODOS 17:9

Te u Moses u la ong ha u Joshua, “To jied ha ngi ïa ki rangbah, bad to mih noh ban ïaleh thma ïa ki Amalek: lashai ngan ïeng ha khlieh uta u lum bad u diengduh jong U Blei ha ka kti jong nga.”

EKSODOS 4:2

Te U Trai u la kylli ïa u, “Kaei kata kaba ha ka kti jong me?” U te u la ïathuh, “U diengduh.”

EKSODOS 4:20

Bad u Moses u la shim ïa la ka tnga bad ïa la ki khun shynrang, bad u la buh ïa ki halor ki kadda, bad u la leit phai pat sha ka ri Ijipt: bad u Moses u la shim ïa u diengduh jong U Blei ha la ka kti.

JINGKHEIÑ 20:8

“To shim ïa uta u diengduh, to lum lang ruh ïa uta u paidlang, ma me, bad u Aaron u para jong me, to kren ruh ha uta u mawsiang ha khmat jong ki, te un ai noh ïa ka um jong u; bad to pynmih noh ma me ruh ha ki, ïa ka um na uta u mawsiang: kumta men ai dih ha uta u paidlang, bad ha ki jingri jong ki de.”

1 KORINTH 1:27

hynrei, U Blei u la jied ïa kita kiei kiei ruh ki babieit jong ka pyrthei, ba un pynlehrain khop ïa kita ki bastad; bad U Blei u la jied ïa kita kiei kiei ruh ki batlot jong ka pyrthei, ba un pynlehrain khop ïa kita kiei kiei ruh kiba don bor;