EKSODOS 4:11 - KA BAIBL

¹¹ Te U Trai u la kylli ïa u, “Uei ba la thaw ïa ka shyntur u briew? Lane uei ba la thaw ïa u bymnangkren, lane u bakyllut, lane u bapeit, lane u bamatlah? Ym long ma nga U Trai?

Khasi CL Bible (BSI)

¹¹ U Trai u la ong ha u, “Uei uba ai ha u briew ïa ka shyntur? Uei uba pynlong ïa u uba kyllut ne u bymnang kren? Uei uba ai ha u ïa ka jingïohi ne pynlong ïa u, uba matlah? Dei ma nga, U Trai.

EKSODOS 4:11 ပူးပေါင်းရင်းမြစ်များ

JENESIS 11:7

Ïa, ngin ïaleit hiar, bad ngin ïa-pynbakla ïa ka ktien jong ki hangta, ba kin ym ïasngewthuh shuh ïa ka ktien paralok hi.”

JENESIS 18:14

Don kaei kaei ruh ïa kaba um lah U Trai? Ha kata ka Ïa ba la lah buh ngan wan phai pat keiñ sha me, hamar kaba ka aïom ka jingim, te ka Sara kan ïoh u khun.”

SALM 146:8

U Trai u pynpeit ïa ki bamatlah; U Trai u kyntiew ïa kiba la pynpoh; U Trai u ieit ïa ki bahok;

SALM 51:15

A Trai, to plie ma me ïa ki rmiang shyntur jong nga; te ka shyntur jong nga kan pyni paw ïa ka jingïaroh jong me.

SALM 94:9

Uta uba la thung ïa ka shkor, un ym ïohsngew? Uta uba la thaw dur ïa ka khmat, un ym ïohi?

PROBERB 20:12

Ka shkor kaba ïohsngew, bad ka khmat kaba ïohi, U Trai uba la thaw ïa ki baroh ar.

ISAÏAH 42:7

ban pynpeit ïa ki khmat bamatlah, ban pyllait noh ïa ki nongsah byndi na ka byndi pohkhrum, bad ïa kita kiba shong ha ka jingdum na ka ïing byndi.

ISAÏAH 6:7

bad u la ktah ïa ka shyntur jong nga da u, u la ong ruh, “Ha khmih, kane ka la ktah ïa ki rmiang shyntur jong me; te ïa ka jingbymhok jong me la weng noh, bad ïa ka pop jong me la pynkhuid noh.”

JEREMAÏAH 1:6

Nga te nga la ong, “A Trai U Blei! Ha khmih, ngam nang kren: naba nga dang khynnah.”

JEREMAÏAH 1:9

Ynda kumta, U Trai u la sei ïa la ka kti, bad u la ktah ïa ka shyntur jong nga; bad U Trai u la ong ha nga, “Ha khmih, nga la buh ïa ki ktien jong nga ha ka shyntur jong me:

ESEKIEL 33:22

Te ka kti U Trai ka la long ha nga mynmiet, shuwa ba wan uta uba la ïohlait; bad u la plie ïa ka shyntur jong nga, haduh ba uta u la wan ha nga ha kaba mynstep; te la plie ïa ka shyntur jong nga, bad ngam shym la long shuh u bymnangkren.

AMOS 3:6

Hato yn put ïa ka ronsing ha nongbah, bad ki briew kin ym sheptieng? Hato ka jingsniew kan ngat ha ka shnong, haba U Trai um leh ïa kata?

MATHAÏOS 11:5

Ki bamatlah ki peit pat, ki ba-dkoh ruh ki ïaid, la pynkhuid ïa ki bapang 'ñiangthohlieh, ki bakyllut ruh ki ïohsngew, la pynim pat ïa ki nongïap, bad la ïalap ïa ka gospel ha ki baduk ruh:

LOUKAS 1:20

Te ha khmih, men sngap jar, bad men ym lah ban kren, tad ynda kata ka sngi ba yn pynlong ïa kine kiei kiei ruh; namar ba mem shym la ngeit ïa ki ktien jong nga, ïa kiba yn pyndep ha ka Ïa jong ki.”

LOUKAS 1:64

La plie te ïa ka shyntur jong u kumne kumne ruh, bad ïa u thylliej jong u la pyllait, bad u la kren, u da ïaroh ïa U Blei.

ÏOANNIS 10:21

Kiwei ki la ïa-ong, “Kine kim long ki jingong jong uba don u ksuid: u ksuid u lah ban pynpeit ïa ki khmat jong ki bamatlah?”