EKSODOS 4:10 - KA BAIBL

¹⁰ Te u Moses u la ong ha U Trai, “A Trai jong nga, ngam long uba pnah ka shyntur, lymne mynno mynno, lymne naduh ba me la kren bad la u shakri: hynrei, nga long uba thlun ka jingkren, bad uba thlun u thylliej.”

Khasi CL Bible (BSI)

¹⁰ Hynrei u Moses u ong, “Em, ko Trai, wat phah ïa nga. Ngam ju long u nongkren ba-pnah, bad ngam shym long kum uwei na kita naduh ba me la sdang ban kren ïa nga. Nga long u bym pnah ban kren, uba suki bad uba thlun.”

EKSODOS 4:10 ပူးပေါင်းရင်းမြစ်များ

Ka Kitab U Job 12:2

“Shisha keiñ, phi long rangbah ma phi, bad ryngkat bad phi ka jingstad kan ïap noh.

EKSODOS 3:11

Hynrei, u Moses u la ong ha U Blei, “Nga, nga long uei, ba ngan leit sha u Pharaoh, bad ba ngan ïalam noh ïa ki khun Israel na ka ri Ijipt?”

EKSODOS 4:1

Te u Moses u la ïathuh pat bad u la ong, “Hynrei, ha khmih, kin ym ïangeit ïa nga, lymne sngap ïa ka ktien jong nga: naba kin ong, ‘U Trai um shym la mihpaw ha me.’ ”

EKSODOS 6:12

Bad u Moses u la kren ha khmat U Trai, u da ong, “Ha khmih, ki khun Israel kim shym la shahshkor ïa nga; kumno te un sngap u Pharaoh ïa nga uba khlem otsher ki rmiang shyntur?”

EKSODOS 6:30

Bad u Moses u la ïathuh ha khmat U Trai, “Ha khmih, nga uba khlem otsher ki rmiang shyntur, kumno te un shahshkor u Pharaoh ïa nga?”

JEREMAÏAH 1:6

Nga te nga la ong, “A Trai U Blei! Ha khmih, ngam nang kren: naba nga dang khynnah.”

MIKAH 6:4

Naba nga la wallam ïa me na ka ri Ijipt, bad nga la pyllait ïa me na ka ïing ka jinglongmraw; bad nga la phah ïa u Moses, u Aaron, bad ka Miriam ha shuwa jong me.

KI KAM 7:22

Te la hikai ïa u Moses ha ka jingstad ki Ijipt baroh; bad u la long uba don bor ha ki ktien bad ha ki kam jong u.

2 KORINTH 10:10

“Naba, ki shithi jong u”, ki ong, “kiba khia bad kiba jur, hynrei, kata ka jingdon jong u ha khmat ka long ka batlot, bad ka jingkren jong u kaba la ñiewbeiñ.”

2 KORINTH 11:6

Hynrei, la nga long ruh u bymnang ha ka ktien, hynrei, pynban, ngam long kumta ha ka jingtip; hynrei, ha kaei kaei baroh ngi da pynpaw bha ïa ka hapdeng jong phi ha kiei kiei baroh.