EKSODOS 4:1 - KA BAIBL

¹ Te u Moses u la ïathuh pat bad u la ong, “Hynrei, ha khmih, kin ym ïangeit ïa nga, lymne sngap ïa ka ktien jong nga: naba kin ong, ‘U Trai um shym la mihpaw ha me.’ ”

Khasi CL Bible (BSI)

¹ Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

EKSODOS 4:1 ပူးပေါင်းရင်းမြစ်များ

1 SYIEM 13:3

Bad u la ai ka dak ha kata kajuh ka sngi, u da ong, “Kane ka long ka dak kaba U Trai u la kren: ‘Ha khmih, yn pynkad ïa ka duwan, bad ïa ka dpei kaba halor jong ka yn theh noh.’ ”

EKSODOS 2:14

U te u la ong, “Uei ba la pynlong syiem bad nongbishar ïa me halor jong ngi? Me mut ma me ban pynïap ïa nga, kumba me la pynïap ïa uta u Ijipt?” Te u Moses u la sheptieng, bad u la ong ruh, “Shisha ïa kane la bna.”

EKSODOS 3:15

Nalor kane U Blei u la ong ruh ha u Moses, “Kumne men ong ha ki khun Israel, ‘U Trai uba U Blei ki kpa jong phi, U Blei u Abraham, U Blei u Isaak, bad U Blei u Jakob ruh, u la phah ïa nga ha phi’: kane ka long ka kyrteng jong nga ha la ka rta, bad kane ka long ka jingpynkynmaw ïa nga sha ki pateng bynriew baroh.

EKSODOS 3:16

To leit, to ïalum lang ruh ïa ki tymmen basan jong ki Israel, bad to ong ruh ha ki, ‘U Trai uba U Blei ki kpa jong phi, U Blei u Abraham, u Isaak, bad u Jakob de, u la mihpaw ha nga, u da ong, “Shisha nga la wan jngoh ïa phi, bad nga la ïohi ïa kaba la leh ïa phi ha ka ri Ijipt;

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 4:10

Te u Moses u la ong ha U Trai, “A Trai jong nga, ngam long uba pnah ka shyntur, lymne mynno mynno, lymne naduh ba me la kren bad la u shakri: hynrei, nga long uba thlun ka jingkren, bad uba thlun u thylliej.”

EKSODOS 4:30

Bad u Aaron u la kren ïa kita ki ktien baroh ïa kiba U Trai u la lah kren ha u Moses, bad u la leh ruh ïa kita ki dak phylla ha khmat u paidbah.

EKSODOS 4:31

Bad uta u paidbah u la ngeit: te mynba ki la ïohsngew ba U Trai u la wan-i ïa ki khun Israel, bad ba u la khmih ruh de ïa ka jingshitom jong ki, ynda kumta, ki la dem ïa la ki khlieh bad ki la ïamane ruh.

EKSODOS 6:12

Bad u Moses u la kren ha khmat U Trai, u da ong, “Ha khmih, ki khun Israel kim shym la shahshkor ïa nga; kumno te un sngap u Pharaoh ïa nga uba khlem otsher ki rmiang shyntur?”

EKSODOS 6:30

Bad u Moses u la ïathuh ha khmat U Trai, “Ha khmih, nga uba khlem otsher ki rmiang shyntur, kumno te un shahshkor u Pharaoh ïa nga?”

JEREMAÏAH 1:6

Nga te nga la ong, “A Trai U Blei! Ha khmih, ngam nang kren: naba nga dang khynnah.”

ESEKIEL 3:14

Kumta, U Mynsiem u la kyntiew noh ïa nga, bad u la shim noh ïa nga: te nga la leit ha ka jingkthang, ha ka jingshit ka mynsiem jong nga, ka kti U Trai ruh ka la long jur halor jong nga.

KI KAM 7:25

naba u la mut ba ki para jong u, ki la sngewthuh kumno ba U Blei un sa ai ha ki, ïa ka jingïohlait da ka kti jong u, hynrei ki, kim shym la sngewthuh.

NONGBISHAR 6:17

U la ong te ha U, “Lada kumta nga la shem sngewbha ha khmat jong me, to men pyni ka dak ha nga ba long ma me uba kren bad nga.