EKSODOS 39:5 - KA BAIBL

⁵ Bad kata ka jingpanpoh baphylla ka ephod jong u, kaba halor jong ka, ka la long na kajuh ha ka jingtrei jong ka; da ka ksiar, da ka babyrïong, bad ka basaw bthuh, bad ka basaw syng-iang, bad ka linen bani ba la thir; kumba U Trai u la hukum ïa u Moses.

Khasi CL Bible (BSI)

⁵ Ïa u panpoh ba la thain itynnat bha da kijuh ki tiar la pyndait lang ha ka ephod kumba U Trai U la hukum ïa u Moses.

EKSODOS 39:5 ပူးပေါင်းရင်းမြစ်များ

EKSODOS 25:4

bad ïa ka jaiñ babyrïong, bad ïa ka basaw bthuh, bad ïa ka basaw syng-iang, bad ïa ka jaiñ linen bani, bad ïa u shñiuh blang;

EKSODOS 28:8

Te kata ka jingpanpoh ba la pynpur jong ka ephod kaba halor jong ka, kan long da kajuh, ba la thaw da kajuh hi keiñ; da ka ksiar keiñ, ka babyrïong, bad ka basaw bthuh, bad ka basaw syng-iang, bad ka linen bani ba la thir.

EKSODOS 29:5

Bad men shim ïa kita ki jaiñkup, bad pynphong ha u Aaron ïa kata ka sopti, bad ïa kata ka barandi jong ka ephod, bad ïa kata ka ephod, bad ïa kata ka jingdeng shadem, bad to pynpanpoh ïa u da ka jingpanpoh ba la pynpur jong ka ephod;

EKSODOS 39:4

Ki la thaw ïa ki tyrpeng ïa ka, ban pynïasoh lang ïa ka: na ki baroh ar ki rmiang la pynïasoh lang ïa ka keiñ.

EKSODOS 39:6

Bad ki la shna ïa ki maw Oniks ba la thep ha ki shrong ksiar, ba la pruid kum ka jingpynpruid ïa ka mohor, da ki kyrteng ki khun Israel.

ISAÏAH 11:5

Bad ka hok kan long ka panpoh ka syngkai jong u, bad ka jingïaineh, ka panpoh ki khyllai jong u.

LEBITIKOS 8:7

Ynda kumta, u la pynphong ïa ka sopti ha u, bad u la pynpanpoh ïa u da ka jingpanpoh, bad u la pynphong ïa ka barandi ha u, bad u la buh ïa ka ephod ha u, bad u la pynpanpoh da ka jingpanpoh ba-iphylla kata ka ephod, ïa kaba u la teh ha u da ka.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

1 KORINTH 11:23

Naba nga la pdiang na U Trai ïa kaba nga la aiti pateng ruh ha phi, ba U Jisu uba U Trai, ha kata ka miet ha kaba la die noh ïa u, u la shim ïa u kpu;

JINGPYNPAW 1:13

bad hapdeng kita ki hynñiew ki dieng pynïeng sharak, ïa uwei uba kum U Khun u briew, uba la kup jaiñkup haduh ki kjat, bad uba la panpoh ka jingpanpoh ksiar ha ki jymbuiñ.