EKSODOS 39:43 - KA BAIBL

⁴³ Bad u Moses u la khmih ïa kata ka kam baroh, te, ha khmih, ki la lah leh ïa ka kumba U Trai u la lah hukum, kumta hi keiñ, ki la leh ïa ka: bad u Moses u la kyrkhu ïa ki.

Khasi CL Bible (BSI)

⁴³ U Moses u bishar bniah ïa ka kam baroh bad u ïohi ba ki la leh ïa ka kumba U Trai u la hukum. Kumta u Moses u kyrkhu ïa ki.

EKSODOS 39:43 ပူးပေါင်းရင်းမြစ်များ

JENESIS 1:31

Hadien kata, U Blei u la ïohi ïa kiei kiei baroh ba u la lah thaw, ha khmih ruh, ka la bha eh. Te kaba la janmiet ka la long, bad kaba mynstep ruh ka la long, ha ka sngi ka bahynriew.

JENESIS 14:19

Te u la kyrkhu ïa u, bad u da ong, “To long ba la kyrkhu ïa u Abram na U Blei U Bahalor Tam Eh, U Trai ka bneng bad ka khyndew:

2 SAMUEL 6:18

Bad ynda u Dabid u la pyndep ban kñia ainguh ïa kita ki jingainguh thang bad ïa kita ki jingainguh bapynïasuk, u la kyrkhu keiñ ïa uta u paidbah ha ka kyrteng U Trai ki paid.

1 SYIEM 6:38

Bad ha ka snem ka bakhatwei, ha u 'nai Bul, uba long u bnai u baphra, ïa ka ïing la pyndep ha ki bynta baroh jong ka, bad katba kum ka dur jong ka baroh. Kumta, u la long hynñiew snem ha kaba tei ïa ka.

1 SYIEM 8:14

Te u syiem u la phai la ka khmat sawdong, bad u la kyrkhu ïa uta u paidbah ki Israel baroh: bad u paidbah ki Israel baroh u ïeng.

1 SYIEM 8:55

Te u la ïeng, bad u la kyrkhu ïa ka jingïaseng ki Israel baroh da ka ktien bajam, u da ong,

1 KHRONIKL 16:2

Te haba u Dabid u la pyndep kaba ainguh ïa ka jingainguh thang bad ki jingainguh pynïasuk, u la kyrkhu ïa u paidbah ha ka kyrteng U Trai.

2 KHRONIKL 30:27

Te ki lyngdoh ki Lebi ki la ïeng bad ki la kyrkhu ïa ki paidbah: bad la ïohsngew ïa ka ktien jong ki, bad ka jingduwai jong ki ka la kiew haduh ka jaka shong bakhuid jong u, shaduh bneng keiñ.

2 KHRONIKL 6:3

Bad u Syiem u la phai la ka khmat, bad u la kyrkhu ïa u paidbah Israel baroh: bad u paidbah Israel baroh u ïeng.

NEHEMAÏAH 11:2

Bad u paidbah u la kyrkhu ïa kita ki briew baroh kiba la tyrwa sngewbha ïa lade ban shong duh ha Jerusalem:

SALM 104:31

To ai ba kan neh ka burom U Trai junom; ai ba U Trai un leh kmen ha la ka kam:

SALM 19:11

Ruh putet ha ki la maham ïa u shakri jong me: ha kaba sumar ïa ki ka don ka nong ka bakhraw.

EKSODOS 12:28

Te ki khun Israel ki la ïaleit noh bad ki la leh kumta; kumba U Trai u la lah hukum ïa u Moses bad ïa u Aaron, kumta ki la leh keiñ.

EKSODOS 25:9

Katba kum kita baroh ïa kiba nga la pyni ha me, ïa kata ka dur Ka Tabernakl, bad ki dur ki jingbuh jong ka baroh, kumta keiñ phin thaw ïa ka.

EKSODOS 39:42

Katba kum ïa kata baroh ba U Trai u la hukum ïa u Moses, kumta keiñ, ki khun Israel ki la trei ïa kata ka kam baroh.

EKSODOS 40:1

Te U Trai u la kren ha u Moses, u da ong,

EKSODOS 40:25

Bad u la tbeh ïa kita ki sharak ha khmat U Trai; kumba U Trai u la hukum ïa u Moses.

EKSODOS 7:6

Te u Moses bad u Aaron ki la leh kumta kumba U Trai u la hukum ïa ki, kumta keiñ ki la leh.

JEREMAÏAH 13:5

Kumta nga la leit, bad nga la buhrieh ïa ka hajan ka Ïuphratis, kumba U Trai u la hukum ïa nga.

LEBITIKOS 16:34

Kane ruh kan long ka hukum ba-neh junom ïa phi, ïa ka ban pynlong ka jingpynïasuk na ka bynta ki khun Israel namar ki pop jong ki baroh shi sien shi snem.” Bad u la leh kumba U Trai u la hukum ïa u Moses.

JOSHUA 22:6

Kumta, u Joshua u la kyrkhu ïa ki, bad u la phah noh ïa ki: te ki la leit sha la ki ïingjaiñ.

JOSHUA 22:7

Te ha ka shiteng ka jaid u Manasseh, u Moses u la ai ka bynta ha Bashan: hynrei, ha kata kawei pat ka shiteng, u Joshua u la ai hapdeng ki para jong ki ha kane ka liang ka Jordan shaphang sepngi. Bad haba u Joshua u la phah noh ïa ki ha la ki ïingjaiñ, u la kyrkhu ïa ki,