EKSODOS 39:42 - KA BAIBL

⁴² Katba kum ïa kata baroh ba U Trai u la hukum ïa u Moses, kumta keiñ, ki khun Israel ki la trei ïa kata ka kam baroh.

Khasi CL Bible (BSI)

⁴² Ki Israel ki trei ïa kane ka kam baroh kumba U Trai u la hukum ïa u Moses.

EKSODOS 39:42 ပူးပေါင်းရင်းမြစ်များ

1 SYIEM 6:38

Bad ha ka snem ka bakhatwei, ha u 'nai Bul, uba long u bnai u baphra, ïa ka ïing la pyndep ha ki bynta baroh jong ka, bad katba kum ka dur jong ka baroh. Kumta, u la long hynñiew snem ha kaba tei ïa ka.

2 KHRONIKL 8:15

Te kim shym la kynriah noh na ka hukum jong u syiem ïa ki lyngdoh bad ki Lebi shaphang kano kano ka kam, lane shaphang ki jingkynshew.

EKSODOS 12:28

Te ki khun Israel ki la ïaleit noh bad ki la leh kumta; kumba U Trai u la lah hukum ïa u Moses bad ïa u Aaron, kumta ki la leh keiñ.

EKSODOS 35:10

“Bad uwei uwei baroh u bastad buit hapdeng jong phi un sa wan, bad un thaw ruh ïa kita baroh ïa kiba U Trai u la hukum;

EKSODOS 39:32

Kumta la pyndep ïa ka kam baroh Ka Tabernakl, kata ka ïingjaiñ jong ka jingïaseng keiñ: ki khun Israel ki la leh ruh katba kum ïa kata baroh ba U Trai u la hukum ïa u Moses, kumta keiñ ki la leh.

EKSODOS 39:41

ïa ki jaiñ ban kam jingkam, ïa ka ban trei ha ka jaka bakyntang, bad ïa kita ki jaiñ bakyntang de ïa u Aaron lyngdoh, bad ïa ki jaiñkup ki khun shynrang jong u, ïa ka ban kam ha ka kam lyngdoh.

EKSODOS 39:43

Bad u Moses u la khmih ïa kata ka kam baroh, te, ha khmih, ki la lah leh ïa ka kumba U Trai u la lah hukum, kumta hi keiñ, ki la leh ïa ka: bad u Moses u la kyrkhu ïa ki.

JEREMAÏAH 13:5

Kumta nga la leit, bad nga la buhrieh ïa ka hajan ka Ïuphratis, kumba U Trai u la hukum ïa nga.

JINGKHEIÑ 9:22

Lane la uta u lyoh u la sah noh ar sngi, lane shi bnai, lane shi snem halor Ka Tabernakl, katba u shong sah halor jong ka, ki khun Israel ki la ju shong sah ha ki ïing dara jong ki, kim ju leit mih noh ruh: hynrei, haba u la kyntiew, ki la ju leit mih noh.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.

2 TIMOTHI 2:15

To pyrshang smat ban aiti ïa lade ba la pdiang hun da U Blei, kum u nongtrei u bymdonkam ban lehrain, uba ïasam beit ïa ka ktien ka jingshisha.

2 TIMOTHI 4:7

Nga la ïaleh ïa kata ka jingïaleh babha, nga la pyndep ïa la ka jingphet, nga la ri ïa ka jingngeit.