EKSODOS 39:32 - KA BAIBL

³² Kumta la pyndep ïa ka kam baroh Ka Tabernakl, kata ka ïingjaiñ jong ka jingïaseng keiñ: ki khun Israel ki la leh ruh katba kum ïa kata baroh ba U Trai u la hukum ïa u Moses, kumta keiñ ki la leh.

Khasi CL Bible (BSI)

³² Kumta keiñ la pyndep ïa ka jingtrei baroh ha ka Ïingjaiñ ka Jingdon Ryngkat U Trai. Ki Israel ki la thaw ïa kata baroh kumba U Trai u la hukum ïa u Moses.

EKSODOS 39:32 ပူးပေါင်းရင်းမြစ်များ

1 SYIEM 6:38

Bad ha ka snem ka bakhatwei, ha u 'nai Bul, uba long u bnai u baphra, ïa ka ïing la pyndep ha ki bynta baroh jong ka, bad katba kum ka dur jong ka baroh. Kumta, u la long hynñiew snem ha kaba tei ïa ka.

1 SYIEM 7:40

Bad u Hiram u la thaw ïa ki dabor, bad ïa ki siang, bad ïa ki khuri. Kumta, u Hiram u la pyndep ïa kaba trei ka kam baroh kaba u la trei na ka bynta u syiem Solomon ha ka ïing U Trai:

1 KHRONIKL 28:19

“Ïa kane baroh,” ong u Dabid, “la pynsngewthuh ïa nga ha ka jingthoh na ka kti U Trai, ïa ki kam baroh jong kane ka nuksa.”

EKSODOS 12:28

Te ki khun Israel ki la ïaleit noh bad ki la leh kumta; kumba U Trai u la lah hukum ïa u Moses bad ïa u Aaron, kumta ki la leh keiñ.

EKSODOS 25:40

Te men sumar ba men thaw ïa ki keiñ ha la ka dur ka dur, ïa kaba la pyni ha me ha uta u lum.

EKSODOS 31:7

ïa Ka Tabernakl ka jingïaseng, bad ïa ka synduk ka jingphla, bad ïa ka jingtap-isynei kaba halor jong ka, bad ïa ki jingbuh Ka Tabernakl baroh,

EKSODOS 39:31

Bad ki la teh ha ka da u ksai babyrïong, ban pynneh ïa ka haneng halor kata ka meitr; kumba U Trai u la hukum ïa u Moses.

EKSODOS 39:33

Ki la ïawallam te ïa kata Ka Tabernakl ha u Moses, ïa kata ka ïingjaiñ keiñ, bad ïa ki jingbuh jong ka baroh, ïa ki jingpyndait jong ka, ïa ki lyntang jong ka, ïa ki dieng khap jong ka, bad ïa ki rishot jong ka ruh, bad ïa ki thliew tnaw jong ka;

EKSODOS 40:1

Te U Trai u la kren ha u Moses, u da ong,

EKSODOS 40:3

Men buh ruh hangta ïa ka synduk ka jingphla, bad to tap ïa kata ka synduk da kata ka jingkah.

EKSODOS 40:32

haba ki la ïaleit hapoh kata ka ïingjaiñ ka jingïaseng, bad haba ki la ïawan hajan kata ka duwan, ki la ju sait, ki la ju thet keiñ: kumba U Trai u la hukum ïa u Moses.

JINGKHEIÑ 3:31

Ka jingsumar jong ki te kan long ïa kata ka synduk, bad ka miej, bad ka dieng pynïeng sharak, bad kita ki duwan, bad ki pliang jong kata ka ïing kyntang da kiba ki ju treikam, bad kata ka jingkah ruh de, bad kiei kiei baroh kiba dei ha ka.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.

HEBRU 3:2

uba long uba ngeit ha uta uba la thung ïa u, kumba u Moses ruh u la long ha ka ïing jong u baroh.

HEBRU 8:5

kiba shakri niam ïa ka dur bad ka syrngiew kita kiei kiei bakynja bneng, kumba la maham ïa u Moses da U Blei, haba un sa thaw ïa kata Ka Tabernakl: namar, “To sumar”, U ong, “ba men thaw ïa kiei kiei baroh katba kum kata ka nuksa ïa kaba la pyni ha me ha uta u lum.”

1 SAMUEL 15:22

Te u Samuel u la ong, “U Trai u sngewbha ma ha ki jingainguh thang bad ha ki jingkñia kumba ha kaba kohnguh ïa ka ktien U Trai? Ha khmih, kaba kohnguh ka kham bha ban ïa ka jingkñia, bad kaba shahshkor ban ïa ka khleiñ ki 'lang sohmoh.