EKSODOS 38:26 - KA BAIBL

²⁶ Shi bekah ïa uwei uwei baroh, kata ka long, shiteng shekel katba kum ka shekel ka jaka kyntang, na ka bynta uwei uwei baroh uba la hap kheiñ ïa u, naduh arphew snem ka rta bad ba tam, na ka bynta hynriewspah lai hajar bad sanspah sanphew ki briew.

Khasi CL Bible (BSI)

²⁶ Kane ka jingkheiñ ka ïabiang bad kata baroh kaba la ai da kito ki briew kiba la shah ñiew khlieh kat kumba la mang ïa ki, bad kiba la thew da ka jingthew jong ki bor pynïaid. Ki rangbah kiba la shah ñiew khlieh kiba naduh arphew snem shaneng, ki don hynriew lakh lai hajar sanspah sanphew ngut.

EKSODOS 38:26 ပူးပေါင်းရင်းမြစ်များ

EKSODOS 12:37

Te ki khun Israel ki la ïaleit mih noh na Rameses sha Sukkoth da ka kjat, kumba hynriewspah hajar ki rangbah, nalor ki khynnah.

EKSODOS 30:12

“Haba me ñiew ïa kita kiba dei ban ñiew na ki khun Israel, te kin sa ai uwei baroh na ka bynta la ka mynsiem ïa ka kuna ha U Trai, haba me ñiew keiñ ïa ki; ba kan ym long ka jingïapthem hapdeng jong ki, haba me ñiew ïa ki.

EKSODOS 30:13

Ïa kane kin sa ai, uwei uwei baroh hapdeng jong kita ba la hap ñiew, shiteng shekel katba kum ka shekel ka jaka kyntang: (ka shekel ka long arphew gerah) ka shiteng shekel kan long kata ka jingainguh ïa U Trai.

EKSODOS 38:27

Bad na kita ki shispah ki talent rupa la saiñ ïa kita ki thliew tnaw kata ka jaka kyntang, bad ïa ki thliew tnaw jong kata ka jingkah pdeng; shispah ki thliew tnaw da kita ki shispah talent, shi talent talent keiñ ïa kawei kawei ka thliew tnaw.

JINGKHEIÑ 1:2

“To phin shim ka jingkheiñ ïa u paidlang ki khun Israel baroh, katba kum ki kur jong ki, na ka ïing ki kpa jong ki, lem bad ka jingkheiñ ki kyrteng, u shynrang baroh uwei pa uwei;

JINGKHEIÑ 1:3

naduh kiba arphew snem ka rta bad tam, baroh kat kiba lah ïaleit mih ban ïaleh thma ha Israel, ma me bad u Aaron phin ïakheiñ ïa ki katba kum ki paidïapom jong ki.

JINGKHEIÑ 1:46

kita keiñ ïa kiba la kheiñ baroh ki la long hynriewspah lai hajar bad sanspah sanphew.

JINGKHEIÑ 2:32

Kine, ki long kiba la kheiñ lang na ki khun Israel, katba kum ki ïing ki kpa jong ki: baroh, kat kiba la kheiñ lang ha ki paidlang jong ki, ha ki paidïapom jong ki, baroh keiñ, ki la long hynriewspah lai hajar bad sanspah sanphew.

JINGKHEIÑ 26:2

“To shim ïa ka jingkheiñ ïa u paidbah baroh ki khun Israel, naduh uba arphew snem ka rta bad tam, ha ka ïing ki kpa jong ki, uwei uwei baroh kat uba lah ban leit ïaleh thma ha Israel.”

JINGKHEIÑ 26:51

Kine keiñ ki la long ïa kiba la ñiew na ki khun Israel, hynriewspah hajar bad shi hajar hynñiewspah laiphew.

MATHAÏOS 17:24

Te haba ki la poi ha Kapernam, kita kiba ïakhrong ïa ki shiteng shekel ki la ïawan ha u Petros, bad ki la ïakylli, “U Nonghikai jong phi um ju siew ïa ki shiteng shekel?”