EKSODOS 38:17 - KA BAIBL

¹⁷ Bad ki thliew tnaw jong kita ki rishot ki la long da ka tama; ki bnoh jong ki rishot bad ki shrong jong ki da ka rupa; bad ïa ki khlieh jong ki la suit rupa; bad ïa ki rishot baroh kata ka phyllaw la thaw shrong da ka rupa.

Khasi CL Bible (BSI)

¹⁷ Ïa ki thliew tnaw ha kiba la thep ïa ki rishot la shna da ka rnong, hynrei ïa ki bnoh jong kita ki rishot bad ki shrong jong ki, bad ïa ki khlieh jong ki ruh la shna da ka rupa. Ïa ki rishot baroh sawdong kata ka phyllaw la pynïasoh da ki rod rupa.

EKSODOS 38:17 ပူးပေါင်းရင်းမြစ်များ

1 SYIEM 7:16

Bad u la thaw ar tylli ki khlieh da ka tama ba la saiñ, ïa ka ban buh halor ki kliar kita ki rishot: ka jingjrong kawei ka khlieh ka la long san pruh, bad ka jingjrong kata kawei ka khlieh, san pruh.

EKSODOS 27:10

bad kita arphew tylli ki rishot jong ka, bad kita arphew tylli ki thliew tnaw jong ki, kin long da ka tama; ki bnoh jong kita ki rishot bad ki shrong jong ki, kin long da ka rupa.

EKSODOS 38:16

Baroh ki pyrda jong kata ka phyllaw baroh sawdong ki la long da ka linen bani ba la thir.

EKSODOS 38:18

Bad ka pyrda jong ka khyrdop kata ka phyllaw ka la long da kaba suh, da ka babyrïong, bad ka basaw bthuh, bad ka basaw syng-iang ruh, bad ka linen bani ba la thir: bad ka lynter, arphew pruh; bad ka jingjrong ha ka pyngkiang, san pruh; ban ïabiang bad ki pyrda jong kata ka phyllaw.

JINGKHEIÑ 3:36

Bad hapoh ka jingsumar jong kita ki khun shynrang u Merari, kin long ki lyntang jong Ka Tabernakl, bad ki dieng pynthap jong ka, bad ki rijied jong ka, bad ki thliew tnaw jong ka, bad ki pliang jong ka baroh, bad kiei kiei baroh kat kiba dei ha ka;

JINGKHEIÑ 4:32

ïa kita ki rijied jong ka phyllaw ruh baroh sawdong, bad ïa ki thliew tnaw jong ki, bad ki prek jong ki, bad ki tyllai jong ki, lem bad ki atiar jong ki baroh, lem bad kiei kiei baroh kiba donkam jong ki: te da kaba buh ïa la ki kyrteng, phin kheiñ ïa ki atiar ba kin ïasumar, bad ba kin ïabah ma ki.