EKSODOS 38:1 - KA BAIBL

¹ Bad u la thaw ïa ka duwan ka jingainguh thang da u dieng Shittim: ka lynter jong ka, san pruh; bad ka pyngkiang jong ka, san pruh; kaba sawdong keiñ; bad ka jingjrong jong ka, lai pruh.

Khasi CL Bible (BSI)

¹ Na ka bynta ban thang ïa ki jingainguh, u thaw ïa ka duwan da ka dieng akasia. Ka long kaba sawdong, ka don 2.2 mitar ka lynter, 2.2 mitar ka jingïar bad 1.3 mitar ka jingjrong.

EKSODOS 38:1 ပူးပေါင်းရင်းမြစ်များ

2 KHRONIKL 1:5

Ïa ka duwan rnong ruh, kaba la thaw u Besalil u khun u Uri, u khun u Hur, ka la don hangta ha khmat Ka Tabernakl jong U Trai: bad u Solomon bad u paidlang ki la ïawad sha ka.

2 KHRONIKL 4:1

U la thaw ruh ka duwan rnong, arphew pruh ka lynter jong ka, bad arphew pruh ka pyngkiang jong ka, bad shiphew pruh ka jingjrong jong ka.

EKSODOS 25:5

bad ïa ki snieh ki langbrot shynrang ba la suit rong saw, bad ïa ki snieh takash, bad ïa u dieng Shittim;

EKSODOS 30:17

Bad U Trai u la kren ha u Moses, u da ong,

EKSODOS 31:9

bad ïa ka duwan ka jingainguh thang lem bad ki jingbuh jong ka baroh, bad ïa ka dabor bad ïa ka sla'jat jong ka,

EKSODOS 38:2

Bad u la thaw ïa ki reng jong ka ha ki saw ki dong jong ka; kita ki reng jong ka ki la long na kajuh: bad u la suit da ka tama ïa ka.

EKSODOS 40:29

Bad u la buh ïa ka duwan ka jingainguh thang hajan ka jingkhang Ka Tabernakl, ka ïingjaiñ ka jingïaseng keiñ, bad u la kñia halor jong ka ïa ka jingainguh thang bad ïa ka jingainguh bam; kumba U Trai u la hukum ïa u Moses.

EKSODOS 40:6

To men buh ruh ïa ka duwan ka jingainguh thang ha khmat ka jingkhang Ka Tabernakl jong ka ïingjaiñ ka jingïaseng,

ÏOANNIS 6:37

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

Ka Shithi U Paul Sha Ki Nong Rom 12:1

Namar kata, nga kyrpad ïa phi, ko parabangeit, na kita ki jingisynei ki jong U Blei, ban aiti noh ïa ki met jong phi kum ka jingkñia ba-im, bakhuid, bad ba pynsngewbha eh ïa U Blei, kaba long keiñ ka jingshakri bakynja mynsiem jong phi.

HEBRU 13:10

Ngi don ka duwan na kaba kita kiba shakri ïa kata Ka Tabernakl kim don hok ban bam.

HEBRU 13:8

U Jisu Khrist u long ujuh mynhynnin, bad mynta, bad sha bymjukut.

HEBRU 3:1

Naba kumta, ko parabangeit bakhuid, ki nongïoh bynta na ka jingkhot bakynja bneng, to phin pyrkhat ïa u Apostol bad U Rangbah lyngdoh ka jingphla jong ngi, U Jisu keiñ;

HEBRU 9:14

da katno tam ka snam U Khrist, uba da U Mynsiem bymjukut u la ainguh ïa lade ba khlem jingduna ha U Blei, kan pynkhuid ïa ka jingïatiplem jong phi na ki jingleh baïap, ïa ka ban shakri ïa U Blei ba-im?

1 PETROS 2:5

ïa phi ruh, kum ki maw ba-im la tei, ban long ka ïing bakynja mynsiem, ka jinglong lyngdoh bakhuid, ban kñia ïa ki jingkñia bakynja mynsiem, ïa kiba pdiang hun ha U Blei da U Jisu Khrist.

JINGPYNPAW 21:16

Bad ïa kata ka nongbah la pynlong kaba sawdong, te ka lynter jong ka, ka long kat ka pyngkiang: bad u la thew ïa kata ka nongbah da uta u stew, jin khatsan spah mail: ka lynter bad ka pyngkiang bad ka jingjrong jong ka, ki ïalong marryngkat.