EKSODOS 37:9 - KA BAIBL

⁹ Bad kita ki Kherub da kaba pyiar ïa la ki thapniang sha jrong, ki la kah da la ki thapniang ïa kata ka jingtap-isynei, bad ki la phai markhmat; shaphang kata ka jingtap-isynei keiñ ki la ïa-peit ki khmat jong kita ki Kherub.

Khasi CL Bible (BSI)

⁹ Kita ki Kherub ki ïaphai markhmat halor kata ka jingtap, bad ki thapniang ba-pyiar jong ki, ki kah ïa ka.

EKSODOS 37:9 ပူးပေါင်းရင်းမြစ်များ

JENESIS 28:12

Bad u la phohsniew ruh, bad ha khmih ka jingkieng ba la thung ha ka khyndew, kaba ka khlieh jong ka, ka da kot haduh ka bneng: bad ha khmih ruh ki angel U Blei ki da ïakiew bad ïahiar ha ka.

JENESIS 3:24

Kumta keiñ u la beh noh ïa uta u briew; bad u la buh ïa ki Kherub shaphang mihngi ka kper Eden, bad ïa kaba kum ka waitlam baphyrnai, kaba da khih talain baroh sawdong, ïa ka ban sumar ïa ka lynti sha uta u dieng ka jingim.

1 SYIEM 6:27

Bad u la buh ïa kita ki Kherub hapoh ka ïing kaba kham shapoh: te kita ki Kherub ki la pyiar ïa la ki thapniang, ba kumta ka thapniang jong uwei ka kynduh ha kawei ka kynroh, bad ka thapniang jong uwei pat u Kherub ka kynduh ha kawei pat ka kynroh; bad ki thapniang jong ki, ki ïakynduh hapdeng kata ka ïing.

EKSODOS 25:20

Kita ki Kherub te kin pynïar ïa la ki thapniang sha jrong, ki da kah ïa kata ka jingtap-isynei da la ki thapniang, bad kin ïaphai markhmat; shaphang kata ka jingtap-isynei kita ki Kherub kin ïa-peit.

EKSODOS 37:10

U la thaw ruh ïa kata ka miej da u dieng Shittim: ar pruh, ka lynter jong ka, bad ka pyngkiang jong ka, shi pruh; bad shi pruh shiteng, ka jingjrong jong ka;

EKSODOS 37:8

ïa uwei u Kherub na ka tduh kaba shaphang shane, bad uwei u Kherub na kata ka tduh kaba shaphang shatei: na kata ka jingtap-isynei hi keiñ u la thaw ïa kita ki Kherub na ki tduh jong ka baroh ar.

ISAÏAH 6:2

Ki Seraph ki la ïeng haneng jong u: uwei uwei u la don hynriew tylli ki thapniang: da ki ar tylli u tap la ka khmat, da ki ar tylli ruh u tap la ki kjat, bad da ki ar tylli u her.

ÏOANNIS 1:51

U ong ruh ha u, “Shisha, shisha nga ong ha phi: phin sa ïohi ïa ka bneng ba la plie, bad ïa ki angel U Blei ba ki ïakiew bad ki ïahiar ha U Khun u briew.”

2 KORINTH 3:18

Hynrei, ma ngi baroh da ka khmat khlem da kah noh, da kaba ngi khmih shai kumba ha ka ïit ïa ka burom U Trai, la nang pynkylla nang pynkylla dur ïa ngi sha kata kajuh hi ka dur na ka burom sha ka burom, kumba na U Trai uba U Mynsiem.

EPHESOS 3:10

khnang ban ïoh pyntip mynta ha ki jingsynshar bad ha ki bor ha ki jaka bneng, da ka balang, ïa ka jingstad babun syrtap ka jong U Blei;

PHILIPPI 3:8

Ho-oid, shisha keiñ, bad nga ñiew ïa kiei kiei baroh ba ki long ka jingduh na ka bynta ka jingbha kor tam jong ka jingtip ïa U Khrist Jisu uba U Trai jong nga; na ka bynta jong u, nga la duh noh ïa kiei kiei baroh, bad nga ñiew synrum ïa ki, khnang ba ngan ïoh ïa U Khrist,

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

HEBRU 1:14

Hato kita baroh kim long ki mynsiem bashakri, ïa kiba la phah noh ïa ka ban shakri na ka bynta kita ki ban sa ïoh ïa ka jingpynim?

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.