EKSODOS 37:20 - KA BAIBL

²⁰ Bad ha kata ka dieng pynïeng sharak la don ruh saw tylli ki khiew ba la thaw kum ki soh Khyllam, ki shrong jong ka bad ki syntiew jong ka ruh,

Khasi CL Bible (BSI)

²⁰ Ka ktang jong uta u diengpynïeng sharak ka don saw tylli ki khuri kiba kum ka dur ki syntiew soh almond lem bad ki shata syntiew ba la oh-shrong itynnat.

EKSODOS 37:20 ပူးပေါင်းရင်းမြစ်များ

EKSODOS 25:31

“Men thaw ruh ïa ka dieng pynïeng sharak da ka ksiar banylla: ba la shoh tylli men thaw ïa kata ka dieng pynïeng sharak, ka met jong ka, bad ki tnat jong ka, ki shata sharak jong ka, bad ki shrong jong ka, bad ki syntiew jong ka ruh de, kin long na kata kajuh;

EKSODOS 25:33

lai tylli ki shata sharak ba la thaw kum ki soh Khyllam, bad ka shrong bad u syntiew, ha kawei ka tnat; bad lai tylli ki shata sharak ba la thaw kum ki soh Khyllam ha kata kawei pat ka tnat, bad ka shrong bad u syntiew; kumjuh ha kita ki hynriew tylli ki tnat kiba mih na kata ka dieng pynïeng sharak;

EKSODOS 25:34

bad ha kata ka dieng pynïeng sharak kin long saw tylli ki shata sharak ba la thaw kum ki soh Khyllam, lem bad ki shrong bad ki syntiew jong ki:

EKSODOS 37:19

ha kawei ka tnat lai tylli ki khiew ba la thaw kum ki soh Khyllam, ka shrong bad u syntiew; bad ha kawei pat ka tnat lai tylli ki khiew ba la thaw kum ki soh Khyllam, ka shrong bad u syntiew: kumjuh ruh ha kita ki hynriew tylli ki tnat ba-mih noh na kata ka dieng pynïeng sharak.

EKSODOS 37:21

bad ka shrong hapoh ar tylli na ki tnat jong ka, bad ka shrong hapoh ar tylli na ki tnat jong ka, bad ka shrong hapoh ar tylli na ki tnat jong ka, katba kum kita ki hynriew ki tnat ba-mih noh na ka keiñ.

EKLESIASTIS 12:5

shisha kin sheptieng ïa kata kaba jrong, bad ki jingshyrkhei kin long ha ka lynti; bad u dieng soh Khyllam un phuh, bad u puit hi un long ka jingkit khia, bad u soh Ri un duh noh: namar u briew u leit sha la ka ïing shongneh, bad ki nongïambriew ki leit kylleng kylleng ïa ki lynti shnong:

JEREMAÏAH 1:11

Ka ktien U Trai ka la wan ruh ha nga, kaba ong, “Ko Jeremaïah, me ïohi aïu?” Nga te nga la ong, “Nga ïohi u diengduh uba da u dieng soh Khyllam.”

JINGKHEIÑ 17:8

Te ha kaba lashai, u Moses u la leit hapoh Ka Tabernakl ka jingphla; bad ha khmih, u diengduh u Aaron uba na ka bynta ka ïing u Lebi u la phuh, bad u la mih shylluit, bad u la phuh syntiew, u la sei ruh da ki soh Khyllam.