EKSODOS 36:8 - KA BAIBL

⁸ Bad u briew baroh u bastad hapdeng kita kiba trei ïa ka kam Ka Tabernakl u la thaw shiphew tylli ki jingkah da ka linen bani ba la thir; bad ka babyrïong, bad ka basaw bthuh, bad ka basaw syng-iang, lem bad ki Kherub da ka kam bastad ki la thaw ïa ki.

Khasi CL Bible (BSI)

⁸ Ki briew kiba tbit tam napdeng kita kiba trei ki shna ïa ka Ïingjaiñ ka Jingdon Ryngkat U Trai. Ki shna ïa ka na ki shiphew tylli ki lyngkhot jaiñ kiba da ka linen bani, ba la thain da u 'saiwul uba jngum, uba sawbthuh, bad uba rong saw, ha kiba la suh pynpur itynnat da ki dur jong ki Kherub.

EKSODOS 36:8 ပူးပေါင်းရင်းမြစ်များ

1 SYIEM 6:23

Ha ka orakl te u la thaw ar tylli ki Kherub da u dieng Olib, uwei uwei shiphew pruh ka jingjrong.

1 KHRONIKL 15:1

Bad u Dabid u la thaw ki ïing ïa lade ha ka shnong u Dabid; bad u la khreh ka jaka ïa ka synduk U Blei, bad u la pynïeng ka ïingjaiñ na ka bynta jong ka.

2 KHRONIKL 1:3

Kumta, u Solomon, bad baroh u paidlang lem bad u, ki la ïaleit sha ka jaka bajrong kaba la don ha Gibeon; naba hangta ka la don Ka Ïingjaiñ Ka Jingïaseng ka jong U Blei, ïa kaba u Moses u shakri jong U Trai u la thaw ha ka ri khlaw.

2 KHRONIKL 3:10

Bad hapoh ka jaka bakyntang tam, u la thaw ar tylli ki Kherub da ka jingthaw dur; bad u la suit ïa ki, da ka ksiar.

EKSODOS 25:18

Bad men thaw ar tylli ki Kherub da ka ksiar, da kaba shoh tylli men thaw ïa ki, na ki baroh ar ki tduh jong kata ka jingtap-isynei.

EKSODOS 25:22

Te hangta ngan ïashem bad me, bad nalor kata ka jingtap-isynei, napdeng kita ki ar tylli ki Kherub kiba halor kata ka synduk ka jingphla, ngan ïathuh ha me ïa kiei kiei baroh ïa kiba ngan hukum ïa ki khun Israel.

EKSODOS 31:6

Ha khmih te, ma nga, nga la ai lem bad u ïa u Aholiab, u khun u Ahisamakh, na ka jaid Dan; bad ha ka dohnud jong kita ki bastad dohnud baroh nga la buh ïa ka jingstad, ïa ka ban thaw ïa kita baroh ïa kiba nga la hukum ïa me:

EKSODOS 31:7

ïa Ka Tabernakl ka jingïaseng, bad ïa ka synduk ka jingphla, bad ïa ka jingtap-isynei kaba halor jong ka, bad ïa ki jingbuh Ka Tabernakl baroh,

EKSODOS 35:10

“Bad uwei uwei baroh u bastad buit hapdeng jong phi un sa wan, bad un thaw ruh ïa kita baroh ïa kiba U Trai u la hukum;

EKSODOS 36:9

Arphew phra pruh ka lynter kawei ka jingkah, bad saw pruh ka pyngkiang kawei ka jingkah: ki jingkah baroh ki la don kajuh ka jingthew keiñ.

EKSODOS 39:3

Bad ki la shoh stang kum ki sla ïa kata ka ksiar, bad ki la ot ksai ksiar ïa ka, ïa ka ban suh ha kata ka babyrïong, bad ha kata ka basaw bthuh, bad ha kata ka basaw syng-iang, bad ha kata ka linen bani, da ka jingtrei bastad.