EKSODOS 36:2 - KA BAIBL

² Te u Moses u la khot ïa u Besalil bad ïa u Aholiab, bad ïa u briew u bastad ka dohnud baroh, ha kiba U Trai u la lah buh ka jingstad, uwei uwei baroh keiñ uba ka dohnud jong u ka la kyntu eh ïa u ban wan trei ïa kata ka kam;

Khasi CL Bible (BSI)

² U Moses u la khot ïa u Besalel, ïa u Oholiab, bad ïa baroh ki rangbah kiba tbit ha kiba U Trai u la ai ïa ka jingnang bad kiba kloi mon sngewbha ban ïarap, bad u ong ïa ki ban sdang trei noh ïa kata ka kam.

EKSODOS 36:2 ပူးပေါင်းရင်းမြစ်များ

1 KHRONIKL 28:21

Bad ha khmih, don ki jingïakylliang ki lyngdoh bad ki Lebi, ïa ka jingshakri baroh jong ka ïing U Blei: bad un don lem bad me ha kano kano ka kam baroh uwei uwei baroh u briew uba mon sngewbha, uba don ka jingnang na ka bynta kano kano ka jingshakri; ki kaptan ruh bad ki paidbah baroh kin long shitylli hapoh ka hukum jong me.”

1 KHRONIKL 29:5

ka ksiar ïa kiei kiei kiba da ka ksiar, bad ka rupa ïa kiei kiei kiba da ka rupa, bad ïa ki kynja kam baroh ïa kiba yn trei da ki kti ki nongtrei bastad buit. Uei te u ban aiti sngewbha ban pynkyntang ïa lade ha kane ka sngi sha U Trai?”

EKSODOS 25:2

“To kren ha ki khun Israel, ba kin wallam ha nga ïa ka jingainguh: na u briew baroh uba ai sngewbha na la ka dohnud keiñ phin shim ïa kita ki jingainguh jong nga.

EKSODOS 25:40

Te men sumar ba men thaw ïa ki keiñ ha la ka dur ka dur, ïa kaba la pyni ha me ha uta u lum.

EKSODOS 28:3

Men kren ruh ha kita baroh kat ki bastad ka dohnud, ïa kiba nga la pyndap da ka mynsiem ka jingstad, ba kin ïathain ïa ki jaiñkup ïa u Aaron ïa ka ban pynkyntang ïa u, ban kam ïa ka kam lyngdoh ïa nga.

EKSODOS 31:6

Ha khmih te, ma nga, nga la ai lem bad u ïa u Aholiab, u khun u Ahisamakh, na ka jaid Dan; bad ha ka dohnud jong kita ki bastad dohnud baroh nga la buh ïa ka jingstad, ïa ka ban thaw ïa kita baroh ïa kiba nga la hukum ïa me:

EKSODOS 35:10

“Bad uwei uwei baroh u bastad buit hapdeng jong phi un sa wan, bad un thaw ruh ïa kita baroh ïa kiba U Trai u la hukum;

EKSODOS 35:2

Hynriew sngi ka dei ban trei jingtrei, hynrei, ha ka sngi ka bahynñiew kan long ïa phi ka sngi bakhuid, ka Sabbaton keiñ ka jingshongthait ïa U Trai: jar uba trei jingtrei ha ka, yn pynïap noh ïa u.

EKSODOS 36:1

“Ynda kumta, ki la ïatrei u Besalil bad u Aholiab, bad u briew baroh u bastad ka dohnud, ha kiba U Trai u la buh ka jingstad bad ka jingshemphang ban nang ban trei ïa ki kynja jingtrei baroh jong ki kam ka jaka kyntang, katba kum ïa kita baroh ba U Trai u la lah hukum.”

EKSODOS 36:3

bad ki la shim na u Moses ïa kita ki jingainguh baroh, ïa kiba la lah wallam ki khun Israel ïa ka ban trei ïa ka kam ka jaka kyntang, ban thaw ïa ka. Ki la ïa nang wallam shuh ha u ïa ki jingainguh basngewmon bha hi man ka step,

KI KAM 14:23

Te ynda ki la thung ha ki, ki tymmen basan ha la ka balang balang baroh, bad ba ki la ïaduwai lem bad ka jingshah jingit, ki la ïa-aiti ïa ki ha U Trai ha uba ki la lah ngeit.

KOLOSSAI 4:17

Bad to ong ha u Arkhippos, “To men sumar ïa kata ka kam ïathuhkhana ïa kaba me la pdiang ha U Trai, ba men pyndep ïa ka.”

HEBRU 5:4

Bad ym don uno uno ruh uba shim ha lade ïa kane ka burom, hynrei, tang haba la khot da U Blei ïa u, kumba la long u Aaron.