EKSODOS 34:9 - KA BAIBL

⁹ Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

Khasi CL Bible (BSI)

⁹ U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

EKSODOS 34:9 ပူးပေါင်းရင်းမြစ်များ

SALM 135:4

Namar U Trai u la jied ïa u Jakob ha lade, bad ïa u Israel ban long uba dei eh la u jong hi.

SALM 25:11

Na ka bynta ka kyrteng jong me, A Trai, to map noh ïa ka jingbymman jong nga, namar ka long kaba khraw.

SALM 28:9

To pynim ïa la ki briew, bad to kyrkhu ïa la ka jingïoh kynti: to bsa ïa ki ruh, bad to rah sha jrong ïa ki junom.

SALM 33:12

Suk kata ka jaid bynriew kaba U Trai u long U Blei jong ka; bad kita ki briew kiba u la jied ban long ka jingïoh kynti jong u.

SALM 78:62

U la ai noh ïa la ki briew ha ka waitlam ruh; bad u la bitar ïa la ka jingïoh kynti.

SALM 94:14

Naba U Trai un ym kyntait ïa la ki briew, lymne un ym iehnoh ïa la ka jingïoh kynti.

EKSODOS 19:5

Te namar kata, lada shisha phin kohnguh ïa ka ktien jong nga, bad sumar ïa ka jutang jong nga, te phin long ka jingkynshew kaba dei ka jong nga hi nalor ki briew baroh: naba ka pyrthei baroh ka jong nga keiñ:

EKSODOS 32:9

Bad U Trai u la ong ruh ha u Moses, “Nga la ïohi ïa une u paidlang, bad ha khmih, u long u paidlang uba eh ryndang;

EKSODOS 33:12

Te u Moses u la ong ha U Trai, “Ha khmih, me la ong ha nga, ‘To ïalam artet ïa une u paidbah:’ bad mem shym la pyntip ïa nga ïano men phah ryngkat bad nga. Pynban me la ong, ‘Nga ithuh ïa me da ka kyrteng, bad me la shem ruh ka jingsngewbha ha khmat jong nga.’

EKSODOS 34:7

uba bat ka jingisynei ïa ki hajar, uba map ïa ka jingpalat, bad ïa ka jingryngkang, bad ïa ka pop: bad un ym pynksan da lei lei ïa u bymman; uba pynwan ïa ka jingpalat jong ki kpa ha ki khun, bad ha ki khun jong ki khun, haduh ka balai bad ka basaw pateng bynriew.”

ISAÏAH 48:4

Namar nga la tip ba me long uba mutlop, bad ka ryndang jong me u thied nar, bad ka shyllangmat jong me ka rnong;

JEREMAÏAH 10:16

Uba ka bynta u Jakob um long kum kine; naba u long u banyngkong na kiei kiei baroh; bad u Israel u long ka jaid ka jingïoh kynti jong u: “U Trai ki paid” long ka kyrteng jong u.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

SEKHARAÏAH 2:12

Bad U Trai un shim kynti ïa ka Judah kum la ka bynta ha ka ri bakhuid, bad un jied pat ïa ka Jerusalem.

JINGKHEIÑ 14:19

Te nga kyrpad ïa me, to map ïa ka pop jong kine ki briew, katba kum ka jingisynei ka bakhraw jong me, bad kumba me la map ïa kine ki briew, naduh ka ri Ijipt jin haduh mynta.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

DEUTERONOMI 32:9

Namar ka bynta jong U Trai long u paidlang jong u; u Jakob ruh u long ka pakai jong U.

DEUTERONOMI 4:20

Hynrei, U Trai u la shim ïa phi, bad u la wallam noh ïa phi na kata ka lawar ding saiñ nar, na ka ri Ijipt keiñ, khnang ba phin long u paidlang ha u, ka bynta trai keiñ, kumba phi long ha kane ka sngi.

DEUTERONOMI 9:18

Te nga la dem ngon ha khmat U Trai, kum ha ka banyngkong, sawphew sngi bad sawphew miet; ngam shym la bam kpu, lymne dih um; namar ki pop jong phi baroh ïa kiba phi la lah leh, da kaba leh bymman ha khmat U Trai, ïa ka ban pynbitar ïa u.

DEUTERONOMI 9:26

Nga la duwai te ha U Trai, nga la ong, ‘A Trai uba U Blei, wat pynjot noh ïa la u paidlang, bad ïa la ka bynta pateng, ïa kiba me la siewspah da ka bor khraw jong me, ïa kiba me la wallam noh na ka ri Ijipt da ka kti badonbor.

DEUTERONOMI 9:29

Pynban, ki long u paidlang jong me, bad ka bynta pateng jong me, ïa kiba me la wallam noh da ka borbah jong me, bad da la ka ksang'ti ba la kner.’