EKSODOS 34:7 - KA BAIBL

⁷ uba bat ka jingisynei ïa ki hajar, uba map ïa ka jingpalat, bad ïa ka jingryngkang, bad ïa ka pop: bad un ym pynksan da lei lei ïa u bymman; uba pynwan ïa ka jingpalat jong ki kpa ha ki khun, bad ha ki khun jong ki khun, haduh ka balai bad ka basaw pateng bynriew.”

Khasi CL Bible (BSI)

⁷ Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

EKSODOS 34:7 ပူးပေါင်းရင်းမြစ်များ

JENESIS 19:16

Te katba u la leh tud, kita ki briew ki la bat skhem ïa ka kti jong u, bad ïa ka kti ka tnga jong u, bad ïa ka kti ki khun kynthei jong u ar ngut; naba U Trai u leh isynei ïa u: bad ki la ïalam noh shabar ïa u, bad ki la ïabuh biang ïa u shabar kata ka nongbah.

1 SYIEM 8:30

Bad to sngew ïa ka jingkyrpad u shakri jong me, bad ki jong ki briew jong me ki Israel, haba kin duwai sha kane ka jaka: to men sngew ruh ha bneng ka jaka shongneh jong me; bad haba me sngew, to map.

1 SYIEM 8:32

ynda kumta, to sngew ma me ha bneng, bad to leh, bad to bishar ïa la ki shakri, da pynrem ïa u bymman, ban pynhap ïa ka lynti jong u ha ka khlieh jong u hi; da pynksan de ïa u bahok, ban ai ha u katba kum ka hok jong u.

2 KHRONIKL 30:9

Namar lada phin phai pat sha U Trai, ki para jong phi bad ki khun jong phi kin shem ka jingsngewsynei na kita kiba la ring mraw ïa ki, bad kin ïoh wan pat sha kane ka ri: naba U Trai U Blei jong phi u long uba aiei bad uba isynei, bad un ym phai noh la ka khmat na phi, lada phi phai sha u.”

NEHEMAÏAH 1:5

bad nga la ong, “Nga kyrpad ïa me, A Trai, U Blei ka bneng, U Blei u bakhraw bad ba-itieng, uba sumar ïa ka jutang bad ïa ka jingisynei bad kita kiba ieit ïa u bad kiba sumar ïa ki hukum jong u:

NEHEMAÏAH 9:32

“Mynta, namar kata, U Blei jong ngi, uba khraw, uba don bor, bad uba itieng, uba sumar ïa ka jutang bad ïa ka jingisynei, wat ai ba kane ka jingshitom baroh kan i rit ha khmat jong me, kaba la jia ïa ngi, ïa ki syiem jong ngi, ïa ki rangbah jong ngi, bad ïa ki lyngdoh jong ngi, bad ïa ki nongïathuhlypa jong ngi, bad ïa ki kpa jong ngi, bad u paidbah jong me baroh, naduh ki sngi ki syiem ka Assyria haduh kane ka sngi.

Ka Kitab U Job 10:14

Lada nga leh pop, hangta me khmih thuh ïa nga, bad men ym pyllait ïa nga na ka jingleh bymhok jong nga.

SALM 103:3

uba map ïa ki jingleh bymman jong pha baroh, uba shna ïa ki jingpang jong pha baroh;

SALM 109:14

Ai ban sah jingkynmaw ha U Trai ïa ka jingleh bymman ki kpa jong u; bad wat ai ban dam noh ka pop ka kmie jong u.

SALM 130:4

Hynrei, ha me don ka jingmap, khnang ban ïoh sheptieng ïa me.

SALM 136:10

Ïa uba la shoh ïa ka Ijipt ha uba la kha nyngkong jong ki: naba ka jingisynei jong u ka bymjukut:

SALM 136:15

hynrei, u la pynkyllon ïa u Pharaoh bad u paid jong u ha ka Duriaw Basaw: naba ka jingisynei jong u ka bymjukut.

SALM 25:11

Na ka bynta ka kyrteng jong me, A Trai, to map noh ïa ka jingbymman jong nga, namar ka long kaba khraw.

SALM 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

SALM 99:8

Me la phai ktien ïa ki, A Trai U Blei jong ngi: me la long U Blei uba map ïa ki, la me la pynhiar kput halor ki jinglehmon jong ki.

EKSODOS 23:21

To burom ïa u, bad to kohnguh ïa ka ktien jong u; wat pynbitar ïa u: namar un ym map ïa ki jingpalat jong phi; naba ka kyrteng jong nga ka don ha u.

EKSODOS 23:7

To men kiar jngai na ka kam ka bashukor; lymne wat pynïap ïa uba lui lui bad u bahok: naba nga ngan ym pynksan ïa u bymman.

EKSODOS 33:19

Te u la ong, “Ïa ka jingbha jong nga baroh ngan pynïaid ha shuwa jong me, bad ngan pynbna ïa ka kyrteng jong U Trai ha shuwa jong me; bad ngan ai ei ha uba ngan ai ei, bad ngan isynei ïa uba ngan isynei.”

EKSODOS 34:9

Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

ISAÏAH 45:21

To pynbna, bad to sei noh ïa ka; ho-oid, to kin ïasylla lang: uei ba la pyni ïa kane naduh mynhyndai? Uei ba la pynbna ïa ka naduh mynbarim? Ym ma nga U Trai? Te ym don shuh U Blei nalor jong nga; U Blei bahok bad u nongpynim; ym don nalor jong nga.

JEREMAÏAH 30:11

Namar nga long lem bad me,” ong U Trai, “ban pynim ïa me: namar ngan pynduh khoit ïa ki jaid bynriew baroh sha kiba nga la pynphriang ïa me, hynrei, ngan ym pynduh khoit ïa me; hynrei, ngan sneng pynbeit ïa me da ka jingbishar, bad haba da lei lei ngan ym iehnoh ïa me khlem da pynshitom.”

JEREMAÏAH 32:18

uba leh ïa ka jingisynei ha ki hajar, bad uba siew bainong ïa ka pop ki kpa ha ka shadem ki khun jong ki, hadien jong ki: U Blei bakhraw, bad badonbor, ‘U Trai ki paid’ long ka kyrteng jong u:

JEREMAÏAH 9:24

hynrei, uta uba sngewsarong to un sngewsarong ha kane, ba u shemphang, bad ba u ithuh ïa nga, ba nga long U Trai uba leh ïa ka jingleh ieit, ïa ka jingbishar, bad ïa ka hok, ha ka khyndew: naba ha kine kiei kiei nga sngewbha keiñ,” ong U Trai.

DANIEL 9:4

Bad nga la duwai ha U Trai U Blei jong nga, bad nga la phla, bad nga la ong, “A Trai, U Blei u bakhraw bad uba itieng, uba bat ïa ka jutang bad ïa ka jingisynei bad kita kiba ieit ïa u bad kiba sumar ïa ki hukum jong u;

DANIEL 9:9

Ïa U Trai U Blei jong ngi ki dei ki jingisynei bad ki jingmap; namar ngi la ïaleh pyrshah ïa u;

MIKAH 6:11

Hato ngan long khuid bad ki tarajur ki bymhok, bad lem bad ka pla ki mawser kiba lamler?

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

NAHUM 1:6

Uei uba lah ban ïeng ha khmat ka jingotshla jong u? Bad uei uba lah ban shah ïa ka jingmeh ka jingbitar jong u? Ïa ka jingotshla jong u la theh noh kum ka ding, bad ïa ki mawsiang la pynpait ar liang da u.

MATHAÏOS 12:31

Namar kata, nga ong ha phi, ba yn map ïa ki briew ïa ka pop baroh bad ïa kaba krenbeiñ blei: tang ïa kaba krenbeiñ ïa U Mynsiem Bakhuid, yn ym map shuh.

MATHAÏOS 6:12

To map ruh ïa ngi ïa ki ryngkang jong ngi, kumba ngi ruh ngi map ïa kiba leh sniew ïa ngi.

LOUKAS 7:42

te haba kim don ei ei ruh ban siew, u la map ei ïa ki baroh ar ngut. Namar kata, to ong, uno na kita u ban kham ieit tam ïa u?”

LOUKAS 7:48

U la ong te ha ka, “La map ïa ki pop jong pha.”

KI KAM 13:38

Namar kata, to tip phi, A ki para, ba da une u briew keiñ, ïa kaba map ki pop la ïalap ha phi:

KI KAM 5:31

Ïa une, U Blei u la kyntiew sha ka kti kamon jong u, ban long U Syiem bad U Nongpynim, ïa ka ban ai ka jingkylla-ka-bamut ha u Israel, bad ka jingmap ki pop.

EPHESOS 1:7

ha uba ngi ïoh ka jingsiewspah da ka snam jong u, ka jingmap ïa ki jingpalat jong ngi, katba kum ka jingkynrei ka jingaiei jong u;

EPHESOS 4:32

bad to phin long ruh kiba leh sbun paralok, kiba jemnud, kiba ïamap paralok, kumba U Blei ruh ha U Khrist u la map ïa phi.

DEUTERONOMI 32:35

Ka jingpynhiar kput ka long ka jong nga, bad ka jingleh kylliang ruh, ka sla'jat jong ki kan tyrsiang ha ka Ïa kaba dei: namar ka sngi ka jingjynjar jong ki ka la jan, bad kita kiei kiei ruh ki ban ngat ha ki, ki nang stet nang stet.

DEUTERONOMI 7:10

bad u pynhiar kput pyrshah khmat ïa kiba shun ïa u, ïa ka ban pynjot noh ïa ki: un ym tud slem ïa uta uba shun ïa u, un pynhiar kput keiñ pyrshah khmat ïa u.

DEUTERONOMI 7:9

To tip, namar kata, ba U Trai uba U Blei jong me, ma u, uba long U Blei; U Blei uba ïaineh keiñ, uba ïaisumar ïa ka jutang, bad ïa ka jingisynei, bad kita kiba ieit ïa u, bad kiba sumar ïa ki hukum jong u haduh shi hajar ki pateng bynriew;

HEBRU 12:29

namar U Blei jong ngi u long ka ding kaba bam duh noh.

JOSHUA 24:19

Te u Joshua u la ong ha uta u paidbah, “Phi phim lah ban shakri ïa U Trai; namar u long U Blei u bakhuid; u long U Blei u bathut shen; un ym map ïa ki jingpalat lymne ïa ki pop jong phi.

1 ÏOANNIS 1:9

Lada ngi phla ïa ki pop jong ngi, u long uba ïaineh bad u bahok, ban map noh ïa kita ki pop jong ngi bad ban pynkhuid ïa ngi na ka bymhok baroh.

JINGPYNPAW 20:15

Te jar ïa uba ym shym la shem ba la thoh ha kata ka kitab ka jingim, la bred ïa u sha kata ka pung ka ding.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”