EKSODOS 34:6 - KA BAIBL

⁶ Te U Trai u la ïaid lait ha shuwa jong u, bad u la pynbna, “U Trai, U Trai, U Blei uba isynei bad ba aiei, uba ïaishah slem, bad uba kynrei ha ka jingbha bad ka jingshisha;

Khasi CL Bible (BSI)

⁶ U Trai u ïaid na khmat jong u, bad u pynbna, “Ma nga, U Trai, nga long U Blei uba dap da ka jinglehsbun bad jinglehisynei, uba suki ban bitar bad uba pyn-i ïa ka jingieit bakhraw bad ïa ka jingïaineh skhem.

EKSODOS 34:6 ပူးပေါင်းရင်းမြစ်များ

JENESIS 24:27

Bad u la ong, “To long ba la kyrkhu ïa U Trai uba U Blei u Abraham u kynrad jong nga, u bym shym la shim noh khoit ïa la ka jingleh isynei bad ïa la ka jingneh shisha na u kynrad jong nga: mynba nga dang long keiñ ha ka lynti, U Trai u la ïalam ïa nga sha ka ïing ki hynmen hynbew u kynrad jong nga.”

2 SAMUEL 24:14

Te u Dabid u la ong ha u Gad, “Nga pisa eh: to ngin ïahap te ha ka kti U Trai: naba ki jingisynei jong u kiba khraw; te wat ai ngan hap ha ka kti u briew.”

1 SYIEM 19:11

Bad u la ong, “Mih noh, bad leit ïeng halor u lum ha khmat U Trai.” Te, ha khmih, U Trai u la ïaid nangta, bad ka 'erïong bakhraw bad bajur ka la kad ïa ki lum, bad ka la pynpait lyngkhot lyngkhai ïa ki mawsiang ha khmat U Trai; hynrei, U Trai um shym don ha kata ka lyer: te hadien kata ka lyer, sa kaba khynñiuh jumai; hynrei, U Trai um shym don ha kata kaba khynñiuh jumai:

1 SYIEM 8:30

Bad to sngew ïa ka jingkyrpad u shakri jong me, bad ki jong ki briew jong me ki Israel, haba kin duwai sha kane ka jaka: to men sngew ruh ha bneng ka jaka shongneh jong me; bad haba me sngew, to map.

2 KHRONIKL 30:9

Namar lada phin phai pat sha U Trai, ki para jong phi bad ki khun jong phi kin shem ka jingsngewsynei na kita kiba la ring mraw ïa ki, bad kin ïoh wan pat sha kane ka ri: naba U Trai U Blei jong phi u long uba aiei bad uba isynei, bad un ym phai noh la ka khmat na phi, lada phi phai sha u.”

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

SALM 108:4

Naba kaba khraw ka jingisynei jong me kham ha khlieh ïa ki bneng, bad ka jingshisha jong me ka kot haduh ka sahit bneng.

SALM 111:4

U la pynlong ïa la ki jingleh kiba phylla ba yn kynmaw ïa ki: U Trai u long uba aiei bad uba dap ka jingisynei.

SALM 111:8

La pynskhem ïa ki junom junom, la pynlong ïa ki ha ka jingshisha bad ka hok.

SALM 112:4

Ha u bahok ka mih ka jingshai ha ka ba-dum: u long uba aiei, bad uba dap ka jingisynei, bad u bahok.

SALM 116:5

U Trai u long uba aiei, bad u bahok: bad U Blei jong ngi u long uba isynei.

SALM 138:2

Ngan mane dem sha ka templ ka bakhuid jong me, bad ngan ainguh ïa ka kyrteng jong me namar ka jingleh isynei jong me bad namar ka jingshisha jong me: naba me la pynkhraw ïa la ka ktien ha khlieh ïa la ka kyrteng baroh.

SALM 145:8

U Trai uba aiei, bad uba dap ka jingsngewsynei; uba tud ïa ka jingbitar, bad u bakhraw ka jingisynei.

SALM 146:6

uba la thaw ïa ka bneng bad ïa ka khyndew, ïa ka duriaw, bad baroh katba don ha ki; uba bat ïa ka jingshisha junom:

SALM 31:19

A katno kaba khraw ka jingbha jong me, kaba me la buh tyngkai ïa kita kiba sheptieng ïa me; kaba me la leh ha kita kiba shaniah ha me, ha khmat ki khun shynrang ki briew!

SALM 57:10

Namar ka jingisynei jong me ka khraw haduh ki bneng, bad ka jingshisha jong me haduh ka suiñbneng.

SALM 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

SALM 86:5

Naba me, A Trai, me long u babha, bad uba kloi ban map, bad uba kyrhai ka jingisynei ïa kita baroh kiba khot kyrpad ïa me.

SALM 91:4

Un tap ïa me da la ki sner, bad hapoh ki thapniang jong u men ïoh rieh ïa lade: ka jingshisha jong u ka long ka stieh bad ka 'tiehbah.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

EKSODOS 22:27

naba kata hi ka long ïa ka ban tap ïa u, ka long ka jaiñkup ïa ka snieh jong u: un kup thiah da ei? kan jia te, haba u kyrpad ha nga, ba ngan sngap; naba nga uba isynei.

EKSODOS 33:19

Te u la ong, “Ïa ka jingbha jong nga baroh ngan pynïaid ha shuwa jong me, bad ngan pynbna ïa ka kyrteng jong U Trai ha shuwa jong me; bad ngan ai ei ha uba ngan ai ei, bad ngan isynei ïa uba ngan isynei.”

PROBERB 3:3

Wat ai ba ka jingisynei bad ka jingshisha kin iehnoh noh ïa me: to teh ïa ki ha ka ryndang jong me; to thoh ïa ki ha u maw lyngkniap ka dohnud jong me:

EKLESIASTIS 8:11

Namar ba ïa ka jingrai ïa ka kam bymman ym pyndep shen, namar kata, ka dohnud ki khun bynriew ka thew bha ha ki ban leh bymman.

ISAÏAH 12:4

Bad ha kata ka sngi phin ong, “To ainguh ïa U Trai, to khot kyrpad ïa ka kyrteng jong u, to pynbna ïa ki jingleh jong u hapdeng ki kynja bynriew, to pynkynmaw ba ïa ka kyrteng jong u la pynkyntiew.

ISAÏAH 65:16

katba uta uba kyrkhu ïa lade ha ka khyndew un kyrkhu ïa lade ha U Blei ka jingshisha; bad ba uta uba smai ha ka khyndew un smai da U Blei ka jingshisha; namar ïa ki jingkhuslai bamynshuwa la klet noh, bad namar ba la buhrieh ïa ki na khmat jong nga.”

JEREMAÏAH 32:18

uba leh ïa ka jingisynei ha ki hajar, bad uba siew bainong ïa ka pop ki kpa ha ka shadem ki khun jong ki, hadien jong ki: U Blei bakhraw, bad badonbor, ‘U Trai ki paid’ long ka kyrteng jong u:

JEREMAÏAH 9:24

hynrei, uta uba sngewsarong to un sngewsarong ha kane, ba u shemphang, bad ba u ithuh ïa nga, ba nga long U Trai uba leh ïa ka jingleh ieit, ïa ka jingbishar, bad ïa ka hok, ha ka khyndew: naba ha kine kiei kiei nga sngewbha keiñ,” ong U Trai.

SNGEWSYNEI 3:23

Ki long ki bathymmai man ka step; kaba khraw ka jingïaineh jong me.

JOEL 2:13

bad to kad ïa la ka dohnud, te ym ïa la ki jaiñkup,” bad to phai sha U Trai U Blei jong phi: naba u long uba aiei bad uba isynei lem, uba suki ban bitar, bad uba kynrei ha ka jingisynei, bad uba kylla-ka-bamut na ka jingpynsniew.

JONAH 4:2

Bad u la duwai ha U Trai, bad u la ong, “Nga kyrpad ïa me, A Trai, kane kam shym long ka ktien jong nga, mynba nga dang don ha la ka ri? Namar kata, nga la pynkloi ban phet noh sha Tarshish: naba nga la tip keiñ ba me long U Blei uba aiei, bad uba dap ka jingisynei lem, uba tud ïa ka ban bitar, bad uba kynrei ha ka jingisynei, bad me kylla-ka-bamut namar ka jingsniew.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

MIKAH 7:20

Men pyndep ïa ka jingshisha ha u Jakob, bad ïa ka jingisynei ha u Abraham, kumba me la smai ha ki kpa jong ngi naduh ki sngi mynbarim.

NAHUM 1:3

U Trai u long uba tud ban bitar, bad uba khraw ka bor, bad un ym pynksan ïa u bymman da lei lei: U Trai u don la ka lynti ha ka lyer langthari bad ha ka 'erïong, bad ki lyoh ki long ka 'dewmet ki sla'jat jong u.

JINGKHEIÑ 12:8

Ha u ngan kren markhmat, da kaba paw shynna ym ha ka pharshi; bad ha ka dur un ïoh khmih ïa U Trai: namar kata, balei phim shym la sheptieng ïa ka ban kren pyrshah ïa u shakri jong nga, ïa u Moses keiñ?”

ÏOANNIS 1:17

Naba ïa Ka Hukum la ai da u Moses; hynrei, ka jingaiei bad ka jingshisha ki la wan da U Jisu Khrist.

Ka Shithi U Paul Sha Ki Nong Rom 2:4

Ne me ñiewbeiñ ïa ka jingkynrei ka jingsbun, bad ka jingïaishah, bad ka jingshahslem ruh ka jong u, khlem da pyrkhat satia ba kata ka jingsbun ka jong U Blei ka thew ïalam ïa me sha ka jingkylla-ka-bamut?

DEUTERONOMI 32:3

Namar ngan pynbna ïa ka kyrteng U Trai: to pynkhraw phi ïa U Blei jong ngi.

DEUTERONOMI 4:31

naba U Trai uba U Blei jong me, u long U Blei uba isynei keiñ; un ym iehnoh ïa me, lymne pynjot ïa me, lymne klet ïa ka jutang jong ki kpa jong me ïa kaba u la smai ha ki.

DEUTERONOMI 5:10

uba leh isynei ruh ïa ki hajar jong kiba ieit ïa nga, bad ba sumar ïa ki hukum jong nga.

JAKOB 5:11

Ha khmih, ngi ñiew suk ïa kita kiba ïaishah: phi la ïohsngew shaphang ka jingïaishah u Job, bad phi la ïohi ïa kata ka jingpynkut U Trai, ba U Trai u long uba dap da ka jingisynei, bad uba leh isynei thoiñ.