EKSODOS 34:4 - KA BAIBL

⁴ Te u la shtah ar tylli ki maw lyngkniap kum kita ki banyngkong; kumta, u Moses u la khie la dang step, bad u la leit kiew sha u lum Sinai, kumba U Trai u la lah hukum ïa u, bad u la leit lam ha la ka kti ïa kita ar tylli ki maw lyngkniap.

Khasi CL Bible (BSI)

⁴ Kumta u Moses u shtah ar tylli ki mawlyngkniap kum kita kiba mynshuwa. Dang step phyrngab u leit kiew ïa u Lum Sinai, u da rah ïa kita ki mawlyngkniap, kumba U Trai u la hukum ïa u.

EKSODOS 34:4 ပူးပေါင်းရင်းမြစ်များ

EKSODOS 19:20

U Trai te u la wan hiar halor u lum Sinai, halor ka khlieh uta u lum: te U Trai u la khot ïa u Moses sha khlieh uta u lum; u Moses u la leit kiew ruh.

EKSODOS 19:3

Bad u Moses u la leit kiew sha U Blei, te U Trai u la khot ïa u na uta u lum, u da ong, “Kumne men ong ha ka ïing u Jakob, bad men ïathuh ha ki khun Israel:

EKSODOS 32:16

Bad kita ki maw lyngkniap ki la long ka jingthaw jong U Blei, bad ka jingthoh ruh ka la long ka jingthoh jong U Blei, ïa kaba la mut halor kita ki maw lyngkniap.

EKSODOS 34:1

Te U Trai u la ong ha u Moses, “To men shtah ar tylli ki maw lyngkniap kum kita ki banyngkong: bad ngan sa thoh halor kine ki maw lyngkniap ïa kita ki ktien kiba la don ha kita ki maw lyngkniap ki banyngkong, ïa kiba me la pynpait.

DEUTERONOMI 10:1

“Ha kata ka por, U Trai u la ong ha nga, ‘To shtah ar tylli ki maw lyngkniap kum kita ki banyngkong; ynda kumta, to wan kiew sha nga ha uta u lum, bad to thaw ha me ïa ka synduk dieng.

DEUTERONOMI 10:3

Kumta te, nga la thaw ïa ka synduk da u dieng Shittim, bad nga la shtah ruh ar tylli ki maw lyngkniap kum ki banyngkong, bad nga la leit kiew sha uta u lum, bad kita ki ar tylli ki maw lyngkniap ha ka kti jong nga.