EKSODOS 34:16 - KA BAIBL

¹⁶ bad men shim ruh na ki khun kynthei jong ki ha ki khun shynrang jong me, bad ki khun kynthei jong ki kin ïaleit klim bad ki blei jong ki, bad kin pynklim ruh ïa ki khun shynrang jong me bad ki blei jong ki.

Khasi CL Bible (BSI)

¹⁶ Ki khun shynrang jong phi kin lah ban ïashongkurim bad ki khun kynthei jong ki, ki ban ïalam ïa ki ban ym ïaineh shuh ha nga bad ban mane ïa ki blei thala jong ki.

EKSODOS 34:16 ပူးပေါင်းရင်းမြစ်များ

JENESIS 24:3

bad ngan pynsmai ïa me da U Trai uba U Blei jong ka bneng, bad U Blei jong ka khyndew, ba men ym shim ka tnga ïa u khun jong nga na ki khun kynthei jong ki kynja Kanaan, kiba nga shong sah hapdeng jong ki:

1 SYIEM 11:1

Te u syiem Solomon u la ieit shibun ki kynthei nongwei, nalor ka khun u Pharaoh, ki kynthei ki Moab, ki Ammon, ki Edom, ki Sidon, bad ki Hit;

1 SYIEM 21:25

(Hynrei, ym shym don uno uno uba kum u Ahab, uba la die ïa lade ban leh ïa kata ka basniew ha khmat U Trai, ïa uba ka Jesebel ka tnga jong u ka la pynkhih.

2 KHRONIKL 21:11

Nalor kata, u la thaw ki jaka bajrong ha ki lum Judah, bad u la pynleh ïa kiba shong ha Jerusalem ban klim noh, bad u la ïalam bakla ïa ki Judah.

ESRA 9:12

Namar kata te, wat ai ïa ki khun kynthei jong phi ha ki khun shynrang jong ki, lymne wat shim ïa ki khun kynthei jong ki ha ki khun shynrang jong phi, lymne wat wad ïa ka jingsuk jong ki lymne ïa ka jingmanbha jong ki lano lano ruh: ba phin long ki bakhlaiñ, bad phin bam ïa ka jingbha ka ri, bad ba phin iehnoh ïa ka kum ka jingïoh pateng ha ki khun jong phi junom la junom.’

ESRA 9:2

Namar ki la shim na ki khun kynthei jong ki ïa lade bad ïa ki khun shynrang jong ki; ba kumta u symbai bakyntang u la pynïakhleh ïa lade bad ki briew kita ki ri: ho-oid keiñ, ka kti ki rangbah bad ki nongsynshar ka la long ka banyngkong ha kane ka jingpalat.”

NEHEMAÏAH 10:30

bad ba ngin ym ai ïa la ki khun kynthei ha ki kynja bynriew jong kane ka ri, lymne shim ïa ki khun kynthei jong ki ha ki khun shynrang jong ngi:

NEHEMAÏAH 10:31

bad lada ki kynja bynriew jong kane ka ri kin wallam ïa ki jingbuh jingsat lane ki kynja jingbam ha ka sngi Sabbaton ban die, ba ngin ym thied na ki ha ka Sabbaton, lymne ha ka sngi bakyntang: bad ba ngin iehnoh noh ïa ka snem ka bahynñiew, bad ïa kaba pan la ka ram baroh.

NEHEMAÏAH 13:23

Ha kita ki sngi, nga la ïohi ïa kita ki Jiw kiba la shongkurim ïa ki kynthei Ashdod, Ammon, bad Moab:

NEHEMAÏAH 13:25

Te nga la ïaleh ïa ki, bad nga la tim ïa ki, bad nga la shoh kiba na ki, bad nga la phut noh ïa u shñiuh jong ki, bad nga la pynsmai ïa ki da U Blei, nga da ong, “Phin ym ai kurim ïa ki khun kynthei jong phi ha ki khun shynrang jong ki, lymne phin ym shim kurim na ki khun kynthei jong ki ha ki khun shynrang jong phi, lymne ha lade hi.

SALM 106:39

Kumta la pyntngit ïa ki da la ki jong ki kam, bad ki la ïaklim noh ha la ki jingleh.

HOSIA 1:2

Haba U Trai u la kren ha kaba nyngkong bad u Hosia, U Trai u la ong ha u Hosia, “Khie leit, shim ha me ka tnga ki jingklim bad ki khun ki jingklim: namar ka ri ka klim shibun eh, ka da iehnoh ïa U Trai.”

LEBITIKOS 21:15

Bad wat ai ba un pyntngit ïa la ki khun ki ksiew hapdeng u paidbah jong u: naba nga long U Trai uba pynkyntang ïa u.’ ”

JOSHUA 23:12

Lymda kumta, lada phin phai kumno kumno ruh, bad phin snoh ha kita kiba dang sah na kine ki jaid bynriew, kine kiba dang sah hapdeng jong phi keiñ, bad phin ïashongkurim bad ki, bad phin ïaleit shapoh sha ki, bad ki sha phi:

JOSHUA 23:13

to tip da shisha ba U Trai U Blei jong phi un ym beh shuh ïa kine ki jaid bynriew na khmat jong phi; hynrei, kin long ki shangkhawiah bad ki jingriam ïa phi, bad ki jingsympat ha ki krung jong phi, bad ki shiah ha ki khmat jong phi, ha ban da phin duh noh na kane ka ri ka babha kaba U Trai U Blei jong phi u la ai ha phi.”

NONGBISHAR 14:3

U kpa bad ka kmie jong u te ki la ong ha u, “Hato ym don kynthei hapdeng ki khun kynthei ki para jong me, lane hapdeng ki briew jong nga baroh, ba men shu leit ïoh tnga na ki Philistia kiba khlem otsher?” Te u Samson u la ong ha la u kpa, “Pynïoh ïa ka ha nga; naba nga ibha eh ïa ka.”

NONGBISHAR 3:5

Bad ki khun Israel ki la shong hapdeng ki Kanaan; ki Hit, bad ki Amor, bad ki Peris, bad ki Hib, bad ki Jebus:

NONGBISHAR 3:6

bad ki la shim ïa ki khun kynthei jong ki ban long ki tnga jong ki, ki la ai ruh ïa la ki khun kynthei ha ki khun shynrang jong ki, bad ki la shakri ïa ki blei jong ki.

NONGBISHAR 8:27

Te u Gideon u la shna ka ephod da ki, bad u la buh ïa ka ha la ka shnong, ha Ophrah keiñ: bad ki Israel baroh ki la leit ïaklim ïa ka hangta: kata te, ka la long ka jingriam ïa u Gideon, bad ïa ka ïing jong u.