EKSODOS 34:12 - KA BAIBL

¹² To sumar ïa lade, ba men ym thaw ïa ka jutang bad ki trai-shnong jong kata ka ri sha kaba me leit, ïoh ba kan long ka jingriam hapdeng jong me.

Khasi CL Bible (BSI)

¹² Wat ïateh jutang bad ki briew jong kata ka ri sha kaba phi leit, namar kata ka lah ban long ka jingriam ka ban pynïap ïa phi.

EKSODOS 34:12 ပူးပေါင်းရင်းမြစ်များ

1 SYIEM 11:2

na kita ki jaid bynriew shaphang kiba U Trai u la ong ha ki khun Israel, “Phin ym leit hapdeng jong ki, lymne kin ym wan hapdeng jong phi: naba shisha kin pynphai noh ïa ki dohnud jong phi sha ki blei jong ki”: ha kine, u Solomon u la snoh ka jingieit.

2 SYIEM 17:10

Bad ki la pynïeng ha ki, ïa ki durblei bad ki Asherah halor u lum bajrong baroh, bad hapoh u dieng bajyrngam baroh:

2 KHRONIKL 24:18

Bad ki la kyntait ïa ka ïing U Trai, U Blei ki kpa jong ki, bad ki la shakri ïa ki Asherah bad ïa ki bleithaw: te ka jingbitar ka la hap halor ka Judah bad ka Jerusalem namar kane ka jingbit pop jong ki.

SALM 106:36

bad ki la shakri ïa ki durblei jong ki; kiba la jia long ka jingriam ïa ki:

JINGKHEIÑ 33:52

te phin ïabeh noh ïa ki trai-shnong jong ka ri baroh ha shuwa jong phi, te phin ïa-pynjot noh ruh ïa ki dur baroh jong ki, bad ïa ki bleithaw ba la saiñ jong ki baroh ruh phin pynjot noh, bad phin ïa-pynduh noh khoit ïa kiei kiei ha ki jaka lum jong ki baroh:

DEUTERONOMI 20:18

ba kin ym hikai ïa phi ban leh katba kum ki jingijli jong ki baroh, ïa kiba ki la leh ha la ki blei; kumta ba phin leh pop pyrshah ïa U Trai uba U Blei jong phi.

DEUTERONOMI 31:5

Bad U Trai un aiti noh ïa ki ha khmat jong phi, ba phin ïoh leh ïa ki katba kum kita ki hukum baroh kiba nga la hukum ïa phi.

DEUTERONOMI 7:16

To men pynduh noh, namar kata, ïa kita ki jaid bynriew baroh kiba U Trai uba U Blei jong me un sa aiti ha me; ka khmat jong me kan ym isynei ïa ki: lymne men ym shakri ïa ki blei jong ki; namar kata, kan long ka jingriam ïa me.

DEUTERONOMI 7:2

bad ba U Trai uba U Blei jong me u la aiti ïa ki ha khmat jong me, bad ba me la jop ïa ki; men pynjot noh khoit ïa ki; men ym pynlong ka jutang bad ki, lymne leh isynei ïa ki:

JOSHUA 9:7

Te u paidbah Israel u la ong ha ki Hib, “Lehse phi shong hapdeng jong ngi: namar kata, ngin ïateh jutang kumno bad phi?”

NONGBISHAR 6:10

nga la ong de ha phi: ‘Nga long U Trai uba U Blei jong phi; phin ym sheptieng ïa ki blei ki Amor, ha ka ri jong kiba phi shong’; hynrei, phim shym la shahshkor ïa ka ktien jong nga.”

NONGBISHAR 8:27

Te u Gideon u la shna ka ephod da ki, bad u la buh ïa ka ha la ka shnong, ha Ophrah keiñ: bad ki Israel baroh ki la leit ïaklim ïa ka hangta: kata te, ka la long ka jingriam ïa u Gideon, bad ïa ka ïing jong u.