EKSODOS 34:10 - KA BAIBL

¹⁰ U la ong te, “Ha khmih, nga thaw ïa ka jutang: ha khmat u paidlang jong me baroh ngan leh ïa ki jingkhyllah, kat kiba ym shym la leh ha ka pyrthei baroh, lymne ha kano kano ka jaid bynriew: bad uta u paidbah baroh ruh hapdeng kiba me don kin ïohi ïa ka kam U Trai, namar kata, ïa kaba ngan leh ïa me ka long kaba shyrkhei keiñ.

Khasi CL Bible (BSI)

¹⁰ Te U Trai u ong ha u Moses, “Mynta nga pynlong ka jutang bad ki paid Israel. Ha khmat jong ki ngan leh ïa kiei kiei kiba khraw, ïa kiba ym pat ju leh mynno mynno ha ka pyrthei hapdeng kano kano ka jaitbynriew. Baroh ki jaitbynriew kin ïohi ïa ki kam kiba khraw kiba ma nga, U Trai nga lah ban leh, namar ngan leh ïa kaei kaei kaba khraw na ka bynta jong phi.

EKSODOS 34:10 ပူးပေါင်းရင်းမြစ်များ

DEUTERONOMI 10:21

U ruh u long ka jingïaroh jong me, bad u long U Blei jong me, uba na ka bynta jong me u la leh ïa kine kiei kiei kiba khraw bad ba-itieng, ïa kiba me la ïohi da la ki khmat.

SALM 77:14

Me la long U Blei uba leh ïa ki jingphylla: me la pynbna ïa la ka bor hapdeng ki jaid bynriew.

ISAÏAH 64:3

Mynba me la leh ïa kiei kiei kiba shyrkhei kiba ngim shym la khmih lynti, me la wan hiar, ki lum ki la tuid noh ha khmat jong me.

SALM 66:5

Ale, bad to khmih ïa ki kam U Blei; u long uba itriem ha la ka jingleh sha u khun bynriew.

JEREMAÏAH 32:21

bad uba la ïalam noh ïa la ki briew ki Israel na ka ri Ijipt da ki dak, bad da ki jingphylla, bad da ka kti bakhlaiñ, bad da ka ksang'ti ba la kner, bad da ka jingitieng bakhraw;

2 SAMUEL 7:23

Bad kano ka jaid bynriew kawei ha ka khyndew kaba kum u paidlang jong me, kum ki Israel keiñ, ïa kaba U Blei u la leit ban pynim, ba kin long u paidlang ïa u hi, bad ban pynlong ïa lade ka nam, bad ban leh na ka bynta jong phi ïa kiei kiei ki bakhraw, bad ïa kiei kiei kiba itriem na ka bynta ka ri jong me, ha khmat u paidlang jong me, kiba me la pynim na ka ri Ijipt na ka bynta ïa lade, na kita ki jaid bynriew bad na ki blei jong ki?

SALM 78:12

U la leh ïa kiei kiei kiba khyllah ha khmat ki kpa jong ki, ha ri Ijipt, ha ka madan Soan.

SALM 66:3

To ong ha U Blei, “Katno kiba itriem ki long ki kam jong me! Namar ka jingkhraw ka bor jong me, ki nongshun jong me kin pynkohnguh ïa lade ha me.

DEUTERONOMI 32:30

Kumno uwei un beh ïa ki shi hajar, bad ar ngut kin ïa-pynphet ïap ïa ki shiphew hajar, lymda U Mawsiang jong ki u la die noh ïa ki, bad U Trai u la aiti noh ïa ki?

JOSHUA 6:20

Kumta, uta u paidbah u la risa, bad kita ki lyngdoh ki la put da kita ki turoi: te haba uta u paidbah u la ïohsngew ïa ka jingsawa kata ka turoi, kumta, uta u paidbah u la risa da ka jingrisa bajam, te kata ka kynroh ka la kyllon kram, ba kumta uta u paidbah u la kiew sha shnong, uwei uwei baroh keiñ marpyrshah beit ïa u, bad ki la jop ïa kata ka shnong.

EKSODOS 34:27

Bad U Trai u la ong ha u Moses, “To men thoh ïa kine ki ktien: namar katba kum kine ki ktien, nga la pynlong ïa ka jutang bad me bad u Israel ruh.”

SALM 145:6

Te ki briew kin kren ïa ka bor ki jingleh ba-itieng jong me; nga ruh ngan pynbna ïa ka jingkhraw jong me.

SALM 106:22

ki kam kiba phylla ha ka ri u Ham, bad kiei kiei kiba itieng ha ka Duriaw Basaw.

SALM 76:12

Un ot noh ïa ka mynsiem jong ki myntri: u long uba itieng ïa ki syiem jong ka khyndew.

SALM 65:5

Da kiei kiei kiba itieng men phai ktien ïa ngi ha ka hok, A U Blei ka jingpynim jong ngi; me uba long ka jingshaniah ki bakut ka khyndew baroh, bad ka jong kita kiba sha jngai halor ka duriaw:

SALM 147:20

Um shym leh kumta bad kano kano ka jaid bynriew: bad ïa ki jingbishar jong u, kim shym la ithuh ïa ki. To ïaroh ïa U Trai.

DEUTERONOMI 4:13

Bad u la pyntip ha phi ïa ka jutang jong u, ïa kaba u la hukum ïa phi ban leh, ïa kita ki shiphew hukum keiñ; bad u la thoh ïa ki ha ki ar tylli ki maw lyngkniap.

SALM 68:35

A U Blei, me long uba itriem na la ki jaka kyntang: U Blei u Israel, u ai ka bor bad ka jingkhlaiñ ha la ki briew. To long ba la kyrkhu ïa U Blei.

EKSODOS 34:28

Te u la don hangta lem bad U Trai sawphew sngi bad sawphew miet; um shym la bam ïa u kpu, lymne dih ïa ka um. Te u la thoh halor kita ki maw lyngkniap ïa ki ktien kata ka jutang, ïa kita ki shiphew hukum keiñ.

DEUTERONOMI 9:19

Namar nga la sheptieng ïa ka jingbitar, bad ïa ka jingsngewsih sat, da kiba U Trai u la bitar pyrshah ïa phi ïa ka ban pynjot noh ïa phi. Hynrei, U Trai u la shahshkor ïa nga ha kata ka por ruh.

SALM 72:18

To long ba la kyrkhu ïa U Trai U Blei, U Blei u Israel, uba tang ma u, uba leh ïa kiei kiei ki baphylla:

SALM 136:4

Ïa uta uba tang ma u hi uba leh ïa ki jingphylla kiba khraw: naba ka jingisynei jong u ka bymjukut:

MIKAH 7:15

Kum ha kita ki sngi ka jingwan mih jong me na ka ri Ijipt, ngan pyni ha u ïa kiei kiei kiba phylla.