EKSODOS 34:1 - KA BAIBL

¹ Te U Trai u la ong ha u Moses, “To men shtah ar tylli ki maw lyngkniap kum kita ki banyngkong: bad ngan sa thoh halor kine ki maw lyngkniap ïa kita ki ktien kiba la don ha kita ki maw lyngkniap ki banyngkong, ïa kiba me la pynpait.

Khasi CL Bible (BSI)

¹ U Trai u ong ha u Moses, “Shtah ar tylli ki mawlyngkniap kum kito kiba mynshuwa, bad ngan sa thoh ha ki ïa ki ktien kiba la don ha ki mawlyngkniap kiba nyngkong, ïa kiba me la pynpait.

EKSODOS 34:1 ပူးပေါင်းရင်းမြစ်များ

SALM 119:89

Junom, A Trai, la pynskhem ïa ka ktien jong me ha bneng.

EKSODOS 24:12

Bad U Trai u la ong ha u Moses, “To wan kiew sha nga ha une u lum, to sah hangta ruh: bad ngan ai ha me ïa ki maw lyngkniap, bad ïa ki hukum bad ïa ki adong ïa kiba nga la thoh, ba men ïoh hikai ïa ki.”

EKSODOS 31:18

Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

EKSODOS 32:16

Bad kita ki maw lyngkniap ki la long ka jingthaw jong U Blei, bad ka jingthoh ruh ka la long ka jingthoh jong U Blei, ïa kaba la mut halor kita ki maw lyngkniap.

EKSODOS 32:19

Ka la jia te, katba u la wan hajan ka jaka shong dara, u la ïohi ïa uta u khun masi bad ïa kata ka jingshad; te ka jingbitar u Moses ka la khie buk, bad u la bred noh dak ïa kita ki maw lyngkniap na ka kti jong u, bad u la lympat ïa ki ha trai uta u lum.

EKSODOS 34:28

Te u la don hangta lem bad U Trai sawphew sngi bad sawphew miet; um shym la bam ïa u kpu, lymne dih ïa ka um. Te u la thoh halor kita ki maw lyngkniap ïa ki ktien kata ka jutang, ïa kita ki shiphew hukum keiñ.

EKSODOS 34:4

Te u la shtah ar tylli ki maw lyngkniap kum kita ki banyngkong; kumta, u Moses u la khie la dang step, bad u la leit kiew sha u lum Sinai, kumba U Trai u la lah hukum ïa u, bad u la leit lam ha la ka kti ïa kita ar tylli ki maw lyngkniap.

JEREMAÏAH 36:32

Te u Jeremaïah u la shim ïa kawei pat ka kot bakli, bad u la ai ïa ka ha u Baruk u nongthoh, u khun u Neraïah; uba la thoh ha ka na ka shyntur u Jeremaïah ïa baroh ki ktien jong kata ka kitab kaba u Jehoïakim u syiem ka Judah u la thang ha ding: bad la pynlang shuh ruh ha ki, shibun kum kita ki ktien.

DEUTERONOMI 4:13

Bad u la pyntip ha phi ïa ka jutang jong u, ïa kaba u la hukum ïa phi ban leh, ïa kita ki shiphew hukum keiñ; bad u la thoh ïa ki ha ki ar tylli ki maw lyngkniap.