EKSODOS 33:9 - KA BAIBL

⁹ Te haba u Moses u la leit bsut ha kata Ka Tabernakl, uta u rishot lyoh u la hiar bad u la ïeng hajan ka jingkhang kata Ka Tabernakl: bad U Trai u la kren ha u Moses.

Khasi CL Bible (BSI)

⁹ Ynda u Moses u la rung shapoh jong ka, u rishot lyoh u wan hiar bad u ïeng ha ka jingkhang jong ka Ïingjaiñ, bad U Trai u kren ha u Moses na uta u lyoh.

EKSODOS 33:9 ပူးပေါင်းရင်းမြစ်များ

JENESIS 17:22

Ynda kumta, U Blei u la wai noh ban kren ha u, bad U Blei u la leit kiew noh na u Abraham.

JENESIS 18:33

Hadien kata, U Trai u la leit noh haba u tang shu la lah wai ïakren bad u Abraham: bad u Abraham ruh u la leit phai noh sha la ka jaka.

SALM 99:7

U la kren ha ki ha uta u rishot lyoh: ki la sumar ïa ki jingphla jong u, bad ïa ka aiñ kaba u la ai ha ki.

EKSODOS 25:22

Te hangta ngan ïashem bad me, bad nalor kata ka jingtap-isynei, napdeng kita ki ar tylli ki Kherub kiba halor kata ka synduk ka jingphla, ngan ïathuh ha me ïa kiei kiei baroh ïa kiba ngan hukum ïa ki khun Israel.

EKSODOS 31:18

Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

EKSODOS 33:10

Bad uta u paidbah baroh u la ïohi ïa uta u rishot lyoh ba u ïeng ha ka jingkhang Ka Tabernakl; bad uta u paidbah u la ïakhie buk bad ki la ïamane uwei pa uwei keiñ, ha ka jingkhang la ka ïingjaiñ.

EKSODOS 33:11

Te U Trai u la ïakren markhmat bad u Moses, kumba u briew u ju kren bad la u lok. Te u la leit phai noh pat sha kata ka dara; hynrei, u shakri jong u, u Joshua, u khun u Nun, u samla, um shym la kynriah shuh na kata Ka Tabernakl.

EKSODOS 33:8

Te ka la jia, mynba u Moses u la leit ha kata Ka Tabernakl, ba baroh uta u paidbah u la ïakhie buk, bad ki la ïaïeng ruh, uwei uwei baroh ha la ka jong ka jong ka jingkhang jong ka ïingjaiñ, bad ki la ïakhmih ïa u Moses, haduh ba u la leit hapoh kata Ka Tabernakl.

EKSODOS 34:3

Wat ai ba uno uno u briew ruh un wan kiew ryngkat bad me, lymne wat shah ba yn ïohi ïa uno uno u briew halor uta u lum baroh; lymne wat shah ïa ki kynhun langbrot lymne ïa ki jingri ban bam phlang ha khmat uta u lum.”

EKSODOS 34:5

Bad U Trai u la wan hiar ha u lyoh, bad u la ïeng hajan jong u hangta, bad u la pynbna ïa ka kyrteng U Trai.

EKSODOS 34:9

Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

ESEKIEL 3:22

Te ka kti U Trai ka la long hangta halor jong nga; bad u la ong ha nga, “To ïeng, khie leit noh sha kata ka them, te hangta ngan kren bad me.”

JINGKHEIÑ 11:17

Naba ngan wan hiar, bad ngan kren ha me hangta: bad ngan shim na kata ka mynsiem kaba don ha me, bad ngan buh ïa ka ha ki: kumta kin ïabah lem bad me, ïa ka jingkit jong kine ki briew, ba men ym bah marwei ïa ka.

JINGKHEIÑ 7:89

Te haba u Moses u da leit hapoh Ka Tabernakl ka jingïaseng ïa ka ban kren ha U Blei, u la ïohsngew ïa ka jingsawa ktien kaba kren ha u nalor kata ka jaka-isynei kaba halor kata ka synduk ka jingphla, napdeng kita ki ar tylli ki Kherub: U la kren ruh ha u.

DEUTERONOMI 31:14

Bad U Trai u la ong ha u Moses, “Ha khmih, ki sngi ki la wan ba me la dei ban ïap: to khot ïa u Joshua, bad phin ïaïeng ha khmat ha Ka Tabernakl ka jingïaseng, ba ngan ïoh ai hukum ïa u.” Te u Moses, bad u Joshua, ki la ïaleit, bad ki la ïaïeng ha khmat ha Ka Tabernakl ka jingïaseng.

DEUTERONOMI 31:15

Te U Trai u la mihpaw ha kata Ka Tabernakl ha u rishot lyoh: bad uta u rishot lyoh u la ïeng halor ka jingkhang Ka Tabernakl.