EKSODOS 33:16 - KA BAIBL

¹⁶ Naba da kumno yn tip hangne ba ma nga bad u paidlang jong me, ngi la shem ïa ka jingsngewbha ha khmat jong me? ym dei da kaba leit ma me ryngkat bad ngi, ba kumta, ma nga bad u paidlang jong me ngin sa long kiba la kyrpang na ki briew baroh kiba ha ka khmat ka pyrthei.”

Khasi CL Bible (BSI)

¹⁶ Naba da kumno ki briew kin tip ba me sngewbha ïa une u paidlang bad ïa nga lada me men ym leit ryngkat bad ngi? Ka jingdon ryngkat jong me bad ngi kan pyn-i ba ngi long kiba pher na kiwei pat ki jaitbynriew ha ka pyrthei.”

EKSODOS 33:16 ပူးပေါင်းရင်းမြစ်များ

2 SAMUEL 7:23

Bad kano ka jaid bynriew kawei ha ka khyndew kaba kum u paidlang jong me, kum ki Israel keiñ, ïa kaba U Blei u la leit ban pynim, ba kin long u paidlang ïa u hi, bad ban pynlong ïa lade ka nam, bad ban leh na ka bynta jong phi ïa kiei kiei ki bakhraw, bad ïa kiei kiei kiba itriem na ka bynta ka ri jong me, ha khmat u paidlang jong me, kiba me la pynim na ka ri Ijipt na ka bynta ïa lade, na kita ki jaid bynriew bad na ki blei jong ki?

1 SYIEM 8:53

Naba me la pynkyrpang ïa ki napdeng ki briew ka pyrthei baroh ban long ka bynta jong me, kumba me la kren da ka kti u Moses u shakri jong me, mynba me la wallam ïa ki kpa jong ngi na Ijipt, A Trai uba U Blei.”

SALM 147:20

Um shym leh kumta bad kano kano ka jaid bynriew: bad ïa ki jingbishar jong u, kim shym la ithuh ïa ki. To ïaroh ïa U Trai.

EKSODOS 34:10

U la ong te, “Ha khmih, nga thaw ïa ka jutang: ha khmat u paidlang jong me baroh ngan leh ïa ki jingkhyllah, kat kiba ym shym la leh ha ka pyrthei baroh, lymne ha kano kano ka jaid bynriew: bad uta u paidbah baroh ruh hapdeng kiba me don kin ïohi ïa ka kam U Trai, namar kata, ïa kaba ngan leh ïa me ka long kaba shyrkhei keiñ.

EKSODOS 34:9

Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

EKSODOS 8:22

Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

LEBITIKOS 20:24

Hynrei, nga la ong ha phi, “Phin ïoh pateng ma phi ïa ka ri jong ki, bad ngan ai ïa ka ha phi keiñ ba phin ïoh ma phi ïa ka, ka ri kaba tuid da ka dud bad ka ngap: nga long U Trai U Blei jong phi, uba la pynkyrpang ïa phi na ki jaid bynriew.

LEBITIKOS 20:26

Phin long ki bakhuid ïa nga: naba ma nga U Trai nga long u bakhuid, bad nga la pynkyrpang ïa phi na ki jaid bynriew, ïa ka ban long ki jong nga hi.”

JINGKHEIÑ 14:14

Kin ïathuh ruh ha ki trai-shnong kane ka ri: namar ki la ïohsngew ba me U Trai, me long hapdeng kine ki briew; bad ba me U Trai, me paw markhmat markhmat, bad ba u lyoh jong me, u sah halor jong ki, bad ba me leit ha shuwa jong ki ha u rishot lyoh mynsngi, bad ha u rishot ding mynmiet.

JINGKHEIÑ 23:9

Naba na khlieh ki mawsiang nga ïohi ïa u, bad nalor ki lum nga khmih ïa u: ha khmih, ki briew kiba ïashong sah kyrpang hi, ïa ki ban ym ñiew lang ruh bad ki jaid bynriew.

MATHAÏOS 1:23

“Ha khmih, kata ka theisotti kan punkhun, kan kha ruh ïa u khun, bad kin ïakhot ïa ka kyrteng jong u, ‘U Emmanuel,’ ” kaba long, haba la batai, “U Blei lem bad ngi”.

2 KORINTH 6:17

Naba kumta, to ïamih noh phi napdeng jong ki, bad to pynïakhlad noh ïa lade phi,” ong U Trai, “bad to wat ktah shuh ïa ka bymkhuid; te nga ngan pdiang ïa phi ha lade,

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

DEUTERONOMI 4:7

Naba kano ka jaid bynriew kaba khraw, kaba don U Blei hajan katta ïa ka, kumba U Trai uba U Blei jong ngi u long ha kiei kiei baroh katba ngi kyrpad ïa u?