EKSODOS 33:12 - KA BAIBL

¹² Te u Moses u la ong ha U Trai, “Ha khmih, me la ong ha nga, ‘To ïalam artet ïa une u paidbah:’ bad mem shym la pyntip ïa nga ïano men phah ryngkat bad nga. Pynban me la ong, ‘Nga ithuh ïa me da ka kyrteng, bad me la shem ruh ka jingsngewbha ha khmat jong nga.’

Khasi CL Bible (BSI)

¹² U Moses u la ong ha U Trai, “Ka long kaba shisha ba me la ong ïa nga ban ïalam ïa kine ki briew sha kata ka ri; hynrei mem pat shym ïathuh ha nga ïano men phah ryngkat bad nga. Me la ong ba me tip bha shaphang jong nga, bad me sngewbha eh ruh ïa nga.

EKSODOS 33:12 ပူးပေါင်းရင်းမြစ်များ

JENESIS 18:19

Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.”

2 SAMUEL 15:25

U syiem te u la ong ïa u Sadok, “To leit lam noh pat ïa kata ka synduk U Blei sha shnong: lada ngan shem ka jingsngewbha ha khmat U Trai, un pynphai pat ïa nga, bad un pyni ha nga ïa ka ruh, bad ïa ka jaka shong jong u:

SALM 1:6

Naba U Trai u ithuh ïa ka lynti ki bahok: hynrei, ka lynti ki bymman kan duh noh.

EKSODOS 3:10

Namar kata, ale mynta te, ngan phah ïa me sha u Pharaoh, ba men ïoh ïalam noh ïa ki briew jong nga ki khun Israel keiñ, na ka ri Ijipt.”

EKSODOS 3:4

Te mynba U Trai u la ïohi ba u la phai kyrpang ban jngoh, U Blei u la khot ïa u napdeng kata ka 'law lynnong, bad u da ong, “Ko Moses, Ko Moses.” U te u la ïathuh, “Ha khmih ma nga.”

EKSODOS 32:34

Namar kata, to khie leit mynta, to ïalam ma me ïa uta u paidbah sha kata ka jaka ïa kaba nga la ong ha me; ha khmih, u angel jong nga un ïaid ha shuwa jong me: hynrei, ha kata ka sngi ba ngan da wan khmih, ngan pynwan keiñ ïa ka pop jong ki halor jong ki hi.”

EKSODOS 33:1

Te U Trai u la ong ha u Moses, “To ïeng, to leit noh nangne, ma me bad uta u paidlang ïa uba me la wallam artet na ka ri Ijipt, sha kata ka ri ïa kaba nga la smai ha u Abraham, ha u Isaak, bad ha u Jakob, da kaba ong, ‘Ha u symbai jong me ngan ai ïa ka.’

EKSODOS 33:17

Te U Trai u la ong ha u Moses, “Ngan leh ïa kane ruh ïa kaba me la kren: naba me la ïoh shem ka jingsngewbha ha khmat jong nga, bad nga ithuh ïa me da ka kyrteng.”

EKSODOS 33:2

Bad ngan phah ïa u angel jong nga ha shuwa jong me; bad ngan beh noh ma nga ïa ki Kanaan, ïa ki Amor, bad ïa ki Hit, bad ïa ki Peris, ïa ki Hib, bad ïa ki Jebus:

EKSODOS 34:9

Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

ISAÏAH 43:1

Hynrei, kumne u ong U Trai uba la thaw ïa me, ko Jakob, bad uta uba la thaw dur ïa me, ko Israel: “Wat sheptieng, namar nga la siewspah ïa me; nga la khot ïa me da ka kyrteng, me long u jong nga.

ISAÏAH 45:3

bad ngan ai ha me ïa ki jingkynshew ka jingdum, bad ïa ki spah ba la buhrieh jong ki jaka rieh, ba men tip ba ma nga, nga long U Trai, uba khot ïa me da ka kyrteng, U Blei ki Israel keiñ.

JEREMAÏAH 1:5

“Haba ngam pat pynlong ïa me ha ka kpoh nga la ithuh ïa me, bad haba mem pat mih na ka kpoh nga la pynkyntang ïa me; nga la thung ïa me ban long u nongïathuhlypa ïa ki jaid bynriew.”

HAGGAI 2:5

‘katba kum kata ka ktien ïa kaba nga la teh jutang bad phi mynba phi la mih noh na Ijipt, bad ka mynsiem jong nga ka shong hapdeng jong phi: wat sheptieng phi.’

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”