EKSODOS 32:7 - KA BAIBL

⁷ Te U Trai u la ong ha u Moses, “To khie leit da hiar noh; naba uta u paidbah jong me, ïa uba me la wallam noh artet na ka ri Ijipt, u la pynsniew ïa lade;

Khasi CL Bible (BSI)

⁷ Te U Trai u ong ha u Moses, “Khie, leit hiar noh shisyndon, naba ki briew jong me kiba me la ïalam na ka ri Ijipt, ki la ïaleh pop bad ki la kyntait ïa nga.

EKSODOS 32:7 ပူးပေါင်းရင်းမြစ်များ

2 KHRONIKL 27:2

Bad u la leh ïa kata kaba dei ha khmat U Trai, katba kum kata baroh ba u kpa jong u, u Ussiah u la leh: hynrei, um shym la leit rung ha ka ïing U Trai. Te ki paidbah ki shu dang leh sniew.

SALM 78:36

Hynrei, ki la kren arsap ïa u da la ka shyntur, bad ki la lamler ha u da la u thylliej.

EKSODOS 19:24

Bad U Trai u la ong ha u, “To khie, to hiar ruh; bad men wan kiew, ma me, bad u Aaron lem bad me: hynrei, wat ai ba kita ki lyngdoh bad uta u paidbah kin wan tur lyngba sha U Trai, ïoh ba u un kyntur ha ki keiñ.”

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

EKSODOS 32:11

Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

EKSODOS 32:4

Haba u la pdiang te ïa ki na ki kti jong ki, u la pynlong dur da ka atiar, bad u la thaw khun masi da kaba shu saiñ: ki la ïa-ong te, “Une u long u blei jong me, A Israel, uba la wallam artet ïa me na ka ri Ijipt.”

EKSODOS 33:1

Te U Trai u la ong ha u Moses, “To ïeng, to leit noh nangne, ma me bad uta u paidlang ïa uba me la wallam artet na ka ri Ijipt, sha kata ka ri ïa kaba nga la smai ha u Abraham, ha u Isaak, bad ha u Jakob, da kaba ong, ‘Ha u symbai jong me ngan ai ïa ka.’

ISAÏAH 1:4

A ka jaid bynriew bapop, u paidlang ba la kit khia da ka bymhok, u symbai ki nongleh sniew, ki khun kiba pynsniew: ki la iehnoh ïa U Trai, ki la ibeiñ ïa uta u Bakhuid jong ki Israel, ki la ïakhlad noh shadien.

DANIEL 9:24

“Hynñiewphew taïew la pynkut halor ki briew jong me bad halor kata ka nongbah bakhuid jong me, ïa ka ban pyndep ïa ka jingpalat, bad ban pynwai noh ïa ki pop, bad ban pynlong ka jingpynïasuk na ka bynta ka jingbymhok, bad ban wallam noh ïa ka hok bymjukut, bad ïa ka ban pyndait laha ïa ka jingithuhpaw bad ïa ka jingïathuhlypa, bad ban pynsleh ïa U Bakhuid Tam Eh.

HOSIA 9:9

Ki la pynsniew jur eh ïa lade, kum ha ki sngi Gibeah: un kynmaw ïa ka jingbymhok jong ki, un wan sneng ïa ki pop jong ki.

DEUTERONOMI 31:29

Namar nga tip, ba ynda nga la ïap, phin pynsniew khoit ïa lade, bad phin ïaphai noh lyndet na kata ka lynti ïa kaba nga la hukum ïa phi; ka jingpynsniew te kan ngat ha phi ha kita ki sngi ki bakhatduh; namar phin leh pop ha khmat U Trai, ïa ka ban pynbitar ïa u da ki kam ki kti jong phi.”

DEUTERONOMI 32:5

Ki la pynsniew ïa lade, ba kim long ki khun jong u, kata ka long ka pop jong ki; ki long ka pateng bynriew bamutlop bad bakynriang.

DEUTERONOMI 4:16

ba ïoh phin pynsniew ïa lade, bad ba phin ïathaw bleithaw ïa lade ba la mutdur ha ka jingsyriem ka dur kaei kaei ruh, ka dur u shynrang, ne ka kynthei,

DEUTERONOMI 9:12

Bad U Trai u la kren ha nga, ‘To ïeng, to hiar noh kloi nangne; namar une u paidbah jong me, ïa uba me la wallam noh na ka ri Ijipt, u la pynsniew ïa lade; ki la ïaphai noh kloi na kata ka lynti ïa kaba nga la hukum ïa ki; ki la ïathaw ha lade ïa ka durblei ba la saiñ.’

DEUTERONOMI 9:8

Ha Horeb ruh, phi la ïa-pynbitar ïa U Trai, kumta, U Trai u la bitar lep ïa phi ïa ka ban pynjot noh ïa phi.

NONGBISHAR 2:19

Hynrei, haba uta u nongbishar u la ïap, ki la phai dien, bad ki la nang kham leh sniew ban ïa ki kpa jong ki, ha kaba bud ïa kiwei pat ki blei ban leit shakri ïa ki, bad ban dem ngon ha ki; kim shym la phai noh na la ki jingleh, lymne na ka lynti bamutlop jong ki.