EKSODOS 32:5 - KA BAIBL

⁵ Te haba u Aaron u la ïohi ïa kane, u la tei ïa ka duwan ha khmat jong u: bad u Aaron u la pynbna, u da ong, “Lashai kan long ka jingkhawai ha U Trai.”

Khasi CL Bible (BSI)

⁵ Nangta u Aaron u tei ïa ka duwan ha khmat jong uta u khun masi ksiar, bad u la pynbna, “Lashai kan don ka jingkhawai niam ban pyndonburom ïa U Trai.”

EKSODOS 32:5 ပူးပေါင်းရင်းမြစ်များ

1 SYIEM 21:9

Bad ka la thoh ha kita ki shithi, ka da ong, “Pynbna ïa ka jingshah jingit, bad to buh ïa u Naboth ha kaba kham jrong hapdeng u paidbah:

2 SYIEM 10:20

Bad u Jehu u la ong, “To pynkyntang ïa ka jingïaseng bakhuid ïa u Baal.” Bad ki la pynbna ïa ka.

2 SYIEM 16:11

Te u Urijah lyngdoh u la tei ïa ka duwan: kat kum kata baroh ba la phah u syiem Ahas na Damaskos, kumta, u Urijah lyngdoh u la thaw hamar kaba u la wan u syiem Ahas na Damaskos.

2 KHRONIKL 30:5

Kumta, ki la pynskhem ïa ka rai ban pynbna ha Israel baroh, naduh Beer-sheba haduh Dan, ba kin wan ban rakhe ïa Ka Niam Ka Jinglait ha U Trai, U Blei ki Israel, ha Jerusalem: namar kim shym la rakhe la slem eh ha ka rukom kumba la thoh.

EKSODOS 10:9

Te u Moses u la ïathuh, “Ngin ïaleit bad ki samla bad ki tymmen jong ngi, lem bad ki khun jong ngi ruh shynrang bad kynthei, lem bad ki langbrot bad ki masi jong ngi ruh de ngin leit; naba ngi donkam ban rakhe Ka Jingkhawai Niam ïa U Trai.”

EKSODOS 12:14

“ ‘Kane ka sngi ruh kan long ïa phi ka jingpynkynmaw, bad phin rakhe ruh ïa ka kum Ka Jingkhawai Niam ïa U Trai: ha ki pateng la pateng jong phi phin rakhe ïa ka keiñ kum Ka Jingkhawai Niam da ka hukum kaba ha la ka rta.

EKSODOS 17:15

Bad u Moses u la tei ïa ka duwan, bad u la khot ïa ka kyrteng jong ka “Jehobah-nissi”,

EKSODOS 32:4

Haba u la pdiang te ïa ki na ki kti jong ki, u la pynlong dur da ka atiar, bad u la thaw khun masi da kaba shu saiñ: ki la ïa-ong te, “Une u long u blei jong me, A Israel, uba la wallam artet ïa me na ka ri Ijipt.”

EKSODOS 32:6

Te la dang step ki la ïakhie, bad ki la kñia ïa ki jingkñia thang, bad ki la ïawallam ïa ki jingkñia bapynïasuk; ynda kumta, kita ki paidlang ki la ïashong ban bam bad ban dih, bad ki la ïaïeng joit ban ïalehkai.

HOSIA 8:11

“Namar ba u Ephraim u la pynroi ïa ki duwan ïa ka ban leh pop, ki duwan ki la long ha u ban leh pop.

HOSIA 8:14

Namar u Israel u la klet ïa la U Nongthaw, bad u la tei ki ïingpaki baheh; u Judah ruh, u la pynroi ïa ki shnong ba la ker: hynrei, ngan phah ïa ka ding halor ki shnong jong u, te kan bam duh ïa ki kut jong ki.”

LEBITIKOS 23:2

‘Kita ki Jingkhawai Niam U Trai, ïa kiba phin pynbna ba kin long ki jingïaseng bakhuid, kine ki long ki Jingkhawai Niam jong nga.

LEBITIKOS 23:21

Bad ha kata ka sngi hi phin pynbna ba kan long ka jingïaseng bakhuid ïa phi; phin ym trei jingtrei da lei lei ruh: ka long ka hukum bajunom ha ki ïing jong phi baroh ha ki pateng la pateng jong phi.

LEBITIKOS 23:37

“Kine ki long ki Jingkhawai Niam ba la buh ki jong U Trai, ïa kiba phin pynbna ba kin long ki jingïaseng bakhuid, ïa ka ban ainguh ha U Trai da ka jingkñia da ka ding, kata ka long ka jingkñia ainguh thang, bad ka jingainguh bam, ka jingkñia, bad ki jingainguh dih, kaei kaei baroh ha ka sngi la ka jong la ka jong hi:

LEBITIKOS 23:4

“ ‘Kine ki long ki Jingkhawai Niam ki jong U Trai, ki jingïaseng bakhuid keiñ, ïa kiba phin pynbna ha la ki aïom aïom.

1 KORINTH 5:8

Kumta te, to ngin ïakhawai, ym da u thiat u barim, lymne da u thiat ka jingbishni bad ka jingbymman, hynrei, da u kpu bakhlem thiat jong ka jingsngur bad ka jingshisha.

1 SAMUEL 14:35

Bad u Saul u la tei ïa ka duwan ha U Trai: kata ka la long ka duwan ka banyngkong ba u la tei ha U Trai.