EKSODOS 32:4 - KA BAIBL

⁴ Haba u la pdiang te ïa ki na ki kti jong ki, u la pynlong dur da ka atiar, bad u la thaw khun masi da kaba shu saiñ: ki la ïa-ong te, “Une u long u blei jong me, A Israel, uba la wallam artet ïa me na ka ri Ijipt.”

Khasi CL Bible (BSI)

⁴ U la shim ïa kita ki sohshkor, u thang pynum ïa ki, u theh ïa ka ksiar ha ka tiar saiñdur, bad u thaw ïa ka dur u khun masi. Ki paidbah ki ïa-ong, “Ko Israel, une u long u blei jong ngi, uba la ïalam noh ïa ngi na ka ri Ijipt!”

EKSODOS 32:4 ပူးပေါင်းရင်းမြစ်များ

1 SYIEM 12:28

Namar kata, u syiem u la ïapyrkhat, bad u la thaw ar tylli ki khun masi ksiar; bad u la ong ha ki, “Ka shitom eh ba phi leit kiew sha Jerusalem; ha khmih ki blei jong me, ko Israel, kiba la wallam ïa me na ka ri Ijipt.”

1 SYIEM 12:32

Bad u Jeroboam u la pynlong Ka Jingkhawai Niam ha u bnai u baphra, ha ka bakhatsan sngi jong uta u bnai, kum Ka Jingkhawai Niam kaba don ha Judah, bad u la leit kiew sha ka duwan; kumta, u la leh ha Bethel, u da kñia ha kita ki khun masi kiba u la lah thaw: bad u la buh ha Bethel ïa kita ki lyngdoh ki jaka bajrong kiba u la lah thaw.

2 SYIEM 10:20

Bad u Jehu u la ong, “To pynkyntang ïa ka jingïaseng bakhuid ïa u Baal.” Bad ki la pynbna ïa ka.

2 SYIEM 10:29

Hynrei, na ki pop u Jeroboam u khun u Nebat, da kiba u la pynleh pop ïa ki Israel, u Jehu um shym kynriah noh na kaba bud ïa ki, kita ki khun masi ksiar keiñ kiba la don ha Bethel, bad kiba la don ha Dan.

2 KHRONIKL 11:15

bad u la thung ïa u, ki lyngdoh ïa ki jaka bajrong, bad ïa ki 'lang sohmoh, bad ïa kita ki khun masi kiba u la thaw.

2 KHRONIKL 13:8

“Hynrei, mynta, phi mut ban ïaleh ïa ka hima U Trai ha ka kti ki khun u Dabid; bad phi long u paidbah byllien, bad phi don ryngkat bad phi ruh ki khun masi ksiar ïa kiba u Jeroboam u la thaw ha phi ban long ki blei.

NEHEMAÏAH 9:18

Shisha keiñ, haba ki la thaw ha ki, ïa u khun masi ba la saiñ, bad ki la ong, ‘Une u long U Blei jong me uba la wallam noh ïa me na Ijipt,’ bad ki la pynlong ïa ka jingpankwah bakhraw;

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 20:23

Nalor jong nga wat thaw ïa ki blei da ka rupa, lymne wat thaw ha phi ïa ki blei da ka ksiar.

EKSODOS 20:4

“Men ym thaw bleithaw ïa lade, lymne ïa ka dur jong kaei kaei ruh kaba don ha bneng sha jrong, lymne ha ka khyndew shapoh, lymne ha ka um hapoh ka khyndew:

EKSODOS 28:11

Da ka jingtrei u nongpruid ha u maw, kum ki jingpruid ka mohor keiñ, men pruid ha kita ki ar tylli ki maw ïa ki kyrteng ki khun Israel: men thaw ïa ki ban buh ha ki shrong ka ksiar.

EKSODOS 28:9

To men shim ruh ar tylli ki mawlynnai Oniks, bad to pruid halor jong ki ruh ïa ki kyrteng ki khun Israel;

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

EKSODOS 32:24

Te nga la ong ha ki, ‘Jar uba don ka ksiar, to law noh;’ kumta keiñ ki la ïa-ai ha nga: bad nga la bred te ïa ka ha ka ding, te la mih noh da une u khun masi.”

EKSODOS 32:3

Te uta u paidlang baroh u la ïalaw noh ïa kita ki jingdeng ksiar kiba ha ki shkor jong ki, bad ki la ïawallam ha u Aaron.

EKSODOS 32:35

Te U Trai u la pynïapthem ïa uta u paidbah, namar ba ki la ïathaw ïa uta u khun masi, ïa uba u Aaron u la thaw.

EKSODOS 32:5

Te haba u Aaron u la ïohi ïa kane, u la tei ïa ka duwan ha khmat jong u: bad u Aaron u la pynbna, u da ong, “Lashai kan long ka jingkhawai ha U Trai.”

EKSODOS 32:7

Te U Trai u la ong ha u Moses, “To khie leit da hiar noh; naba uta u paidbah jong me, ïa uba me la wallam noh artet na ka ri Ijipt, u la pynsniew ïa lade;

EKSODOS 32:8

ki la ïaid sakma noh kloi na kata ka lynti ïa kaba nga la hukum ïa ki: ki la ïathaw dur khun masi ba la shu saiñ ha ki, bad ki la ïamane ïa u, ki la ai jingkñia ruh ha uta, bad ki la ïa-ong, ‘Une u blei jong me, A Israel, uba la wallam noh artet ïa me na ka ri Ijipt.’ ”

ISAÏAH 30:22

Bad phin pyntngit ïa ka jingsuit ïa ki durblei rupa ba la mut, bad ïa ka jingsop la ki durblei ksiar ba la saiñ: men bred noh ïa ki kum ïa kaei kaei ka basang; men ong ha ka, “To khie noh nangne.”

ISAÏAH 46:6

Jar kiba pynsyrwa ïa ka ksiar na ka pla, bad kiba thew ïa ka rupa ha ka khulpi, ki khot nong ïa u bania, te u thaw blei ïa ka; ki dem ngon, bad ki mane.

ESEKIEL 23:8

Lymne kam shym la iehnoh ïa la ki jingleh nuti kiba naduh ka ri Ijipt; naba ha ka jinglong samla jong ka ki la thiah bad ka, bad ki la pynñiun ïa ki soh jymbuiñ ka jinglong sotti jong ka: bad ki la theh noh ïa la ka jingleh nuti halor jong ka.

HOSIA 10:5

Kiba shong ha ka Samaria kin sheptieng namar ki khun masi ka Beth-aben: namar u paidlang jong u un ïam bynñiaw halor jong u, ki lyngdoh jong u ruh kiba la shadkmen halor jong u, na ka bynta ka burom jong u, namar ka la leit noh na u.

HOSIA 13:2

Te mynta, ki nang ïai-leh pop, bad ki la thaw bleithaw ba la saiñdur na ka rupa, ki bleithaw keiñ kat kum ka jingnang jong ki, baroh phar ki kam u nongthaw dur: ki ong shaphang jong ki, “To ki briew kiba kñia kin doh ïa kita ki khun masi.”

KI KAM 17:29

“Te haba ngi long ki khun ki ksiew jong U Blei, ym dei ïa ngi ban mut ba Ka Jinglong Blei ka long syriem ïa ka ksiar lane ïa ka rupa lane ïa u maw, ba la pynlong dur da ka kam stad bad ka buit jong u briew.

KI KAM 7:41

Te ki la ïathaw dur khun masi ha kita ki sngi, bad ki la ïawallam ka jingkñia ha uta u bleithaw, bad ki la ïalehkmen de ha ki jingleh ki kti jong ki hi.

1 KORINTH 10:7

Lymne wat long phi kiba mane bleithaw, kum kiba na kita; kumba la thoh: “U paidbah u la shong ban ïabam ïadih, bad ki la ïaïeng joit ban lehkai.”

DEUTERONOMI 9:16

Nga la khmih ruh, te ha khmih, phi la lah leh pop pyrshah ïa U Trai uba U Blei jong phi; phi la lah thaw ha phi ka dur khun masi ba la saiñ: phi la phai noh kloi na kata ka lynti ïa kaba U Trai u la lah hukum ïa phi.

NONGBISHAR 8:24

Bad u Gideon u la ong ha ki, “Ngan pan kawei ka jingpan na phi, ba phin ïa-ai ha nga uwei pa uwei ïa ki sohshkor na ka jinglute jong u.” (Naba kita ki la don ki sohshkor ksiar, namar ki la long ki Ishmael.)

NONGBISHAR 8:27

Te u Gideon u la shna ka ephod da ki, bad u la buh ïa ka ha la ka shnong, ha Ophrah keiñ: bad ki Israel baroh ki la leit ïaklim ïa ka hangta: kata te, ka la long ka jingriam ïa u Gideon, bad ïa ka ïing jong u.