EKSODOS 32:32 - KA BAIBL

³² Hynrei mynta, lada men map ïa ka pop jong ki — te lada da kumwei, to pyndam noh ïa nga, nga kyrpad ïa me, na kata ka kitab jong me ïa kaba me la thoh.”

Khasi CL Bible (BSI)

³² To map ïa ka pop jong ki; hynrei lada men ym map, nga kyrpad ba men weng noh ïa ka kyrteng jong nga na kata ka kitab ha kaba me la thoh ïa ki kyrteng jong u paidlang jong me.”

EKSODOS 32:32 ပူးပေါင်းရင်းမြစ်များ

2 SAMUEL 18:33

Te u syiem u la sngewsih shibun, bad u la leit kiew sha kata ka kamra halor ka khyrdop, bad u la ïam: bad katba u leit, u la ong kumne, “Ko khun jong nga Absalom, ko khun jong nga, ko khun jong nga Absalom! A ban da nga la ïap ma nga na ka bynta jong me, ko Absalom, ko khun jong nga, ko khun jong nga!”

SALM 139:16

Ki khmat jong me ki la ïohi ïa ka tynrai bym pat long dur jong nga, bad ha ka kitab jong me la thoh ïa ki dkhot met jong nga baroh, kiba la thaw dur ïa ki ha la ka sngi, ha bym pat la don kawei na ki.

SALM 56:8

Me ñiew ïa ki jingïaid sakma jong nga, to thep ïa ki ummat jong nga ha ka lywa snieh jong me; hato kim don ha ka kitab jong me?

SALM 69:28

To ai ban pyndam noh ïa ki na ka kitab ka jingim, bad ban ym thoh ïa ki lem bad ki bahok.

EKSODOS 32:10

Namar kata, to iehnoh ïa nga mynta, ba ka jingbitar jong nga kan ïoh meh buk pyrshah ïa ki, bad ba ngan ïoh pynduh noh khoit ïa ki: bad ngan pynlong ïa me ïa ka jaid bynriew bakhraw.”

ISAÏAH 4:3

Te uta ïa uba la iehnoh ha ka Seïon, bad uta uba ïaisah ha Jerusalem, yn khot “u bakhuid” ïa u, ïa uwei uwei baroh keiñ ba la thoh hapdeng ki ba-im ha Jerusalem:

ESEKIEL 13:9

“Bad ka kti jong nga kan long pyrshah ïa kita ki nongïathuhlypa kiba ïohi ïa ka jingthala, bad kiba kren byrtong ïa ki jinglamler: kin ym long ha ka jingïaseng ki briew jong nga, lymne yn ym thoh ïa ki ha ka rejistor ka ïing Israel, lymne kin ym ïoh rung ha ka ri Israel; te phin sa tip ba nga long U Trai U Blei.

DANIEL 12:1

“Te ha kata ka por, un ïeng u Meikhal, uta u rangbah bakhraw uba ïeng na ka bynta ki khun ki briew jong me: bad kan long ka por kaba jynjar, kat kata ym shym la don naduh ba la long ka jaid bynriew haduh kata ka por: bad ha kata ka por, yn pynim ïa ki briew jong me, ïa kat u ban shem ba la thoh ha kata ka kitab.

AMOS 7:2

Te haba ki la lah bam ïa u phlang jong ka khyndew, ynda kumta, nga la ong, “A Trai U Blei, to map, nga kyrpad ïa me: kumno u Jakob un ïeng? naba u long u barit.”

MALAKHI 3:16

Ynda kumta, kita kiba la sheptieng ïa U Trai ki la ïakren paralok: bad U Trai u la shahshkor, bad u la ïohsngew, bad la thoh ïa Ka Kitab Ka Jingkynmaw ha khmat jong u, ïa kita kiba la sheptieng ïa U Trai, bad kiba la pyrkhat ïa ka kyrteng jong u.

MALAKHI 3:17

“Bad kin long ki jong nga,” ong U Trai ki paid, “ha kata ka sngi, ha kaba nga pynlong ïa ka jingkynshew la ka jong hi; bad ngan isynei ïa ki, kumba isynei u briew ïa la u khun uba shakri ïa u.

JINGKHEIÑ 11:15

Te lada me leh bad nga kumne, lada nga la shem ka jingisynei ha khmat jong me, nga kyrpad, to shu pynïap noh ïa nga, ba ngan ym ïohi ïa ka jynjar jong nga.”

JINGKHEIÑ 11:25

U Trai te u la wan hiar ha uta u lyoh, bad u la kren ha u, bad u la shim na kata ka mynsiem kaba la don ha u, bad u la ai ha kita ki hynñiewphew ngut ki tymmen basan: te haba kata ka mynsiem ka la shong sah halor jong ki, ki la ïathuhlypa, ki la wai noh ruh.

JINGKHEIÑ 14:19

Te nga kyrpad ïa me, to map ïa ka pop jong kine ki briew, katba kum ka jingisynei ka bakhraw jong me, bad kumba me la map ïa kine ki briew, naduh ka ri Ijipt jin haduh mynta.”

LOUKAS 10:20

Hynrei, wat kmen ha kane, ba ïa ki mynsiem la pyndem hapoh jong phi; hynrei, to kmen namar ba la thoh ïa ki kyrteng jong phi ha bneng.”

LOUKAS 23:34

Te U Jisu u la ong, “Ko Kpa, to map ïa ki; naba kim tip kaei ba ki leh.” Haba ki la ïabynta ïa ki jaiñkup jong U, te ki la ïakhalai.

Ka Shithi U Paul Sha Ki Nong Rom 9:3

Namar nga da lah ban kwah keiñ ban long ïa lade uba la tim noh na U Khrist, na ka bynta ki para jong nga kiba ki para jaid jong nga katba kum ka doh:

DEUTERONOMI 25:19

Namar kata, kan jia, ynda U Trai uba U Blei jong me u la ai ha me ïa ka jingshongthait na ki nongshun jong me baroh sawdong, ha kata ka ri ïa kaba U Trai uba U Blei jong me u ai ha me kum ka bynta pateng ban ïoh ïa ka, ba men pyndam noh khoit ïa ka jingpynkynmaw ïa u Amalek napoh ka bneng; men ym klet.

DEUTERONOMI 29:20

U Trai un ym riej ïa u, hynrei, te ka jingbitar U Trai bad ka jingsngewthut rhem jong u kin mih tdem pyrshah ïa uta u briew, bad kita ki jingtim baroh ïa kiba la thoh ha kane ka kitab kin ïaisah halor jong u, bad U Trai un pyndam noh ïa ka kyrteng jong u napoh ka bneng.

DEUTERONOMI 9:14

to shah ïa nga, ba ngan ïoh pynjot noh ïa ki, bad pyndam noh ïa ka kyrteng jong ki napoh ki bneng; te ngan pynlong ïa me ka jaid bynriew kaba kham don bor, bad kaba kham khraw ruh ban ïa ki.’

PHILIPPI 4:3

Ho-oid, nga kyrpad ïa me ruh, ko para baïakit lyngkor lem basngur, to men ïarap ïa kine ki kynthei, naba ki la ïatrei lem bad nga ha ka gospel, bad u Klemen ruh, bad kita ki para baïatrei lem jong nga, kiba ki kyrteng jong ki, ki don ha ka kitab ka jingim.

JINGPYNPAW 17:8

Uta u mrad khlaw ïa uba me la ïohi u la long, bad um long shuh; te u ban sa kiew noh na kata ka 'liewlong bakhlem trai, bad u ban leit noh sha ka jingpynjot. Te kita kiba shong halor kata ka khyndew kin ïasngewkyndit (ïa kiba ki kyrteng jong ki ym shym la thoh ha kata ka kitab jong ka jingim na myndanglong ka pyrthei), haba ki ïakhmih ïa uta u mrad khlaw kumno ba u la ju long, bad ba um long shuh, bad ba un sa long.

JINGPYNPAW 21:27

Bad da lei lei kan ym ïoh leit bsut sha ka kaei kaei ruh ka bymkhuid, lane uta uba leh ïa ka jingijli bad ka jinglamler: hynrei, tang kita keiñ ïa kiba la thoh ha kata ka kitab ka jingim jong uta U Khun langbrot.

JINGPYNPAW 22:19

te lada uno uno ruh un shim noh na kita ki ktien ka kitab jong kane ka jingïathuhlypa, U Blei un shim noh ïa ka bynta jong u na u dieng ka jingim, bad na kata ka nongbah ka bakhuid, bad na kita kiei kiei ruh ïa kiba la thoh ha kane ka kitab.

JINGPYNPAW 3:5

Uta uba jop, ïa uta, yn pynkup kumta ha ki jaiñkup balieh; bad ngan ym pyndam noh da lei lei ïa ka kyrteng jong u na ka kitab ka jingim, bad ngan phla keiñ ïa ka kyrteng jong u ha khmat U Kpa jong nga, bad ha khmat ki angel jong u.