EKSODOS 32:3 - KA BAIBL

³ Te uta u paidlang baroh u la ïalaw noh ïa kita ki jingdeng ksiar kiba ha ki shkor jong ki, bad ki la ïawallam ha u Aaron.

Khasi CL Bible (BSI)

³ Kumta ki paidbah baroh ki ïalaw noh ïa la ki sohshkor ksiar bad ki wallam ïa ki ha u Aaron.

EKSODOS 32:3 ပူးပေါင်းရင်းမြစ်များ

JENESIS 24:22

Ka la jia ruh, ynda ki la lah dih kita ki ut, ba uta u briew u la shim ïa ka nod ksiar kawei, kaba shong kumba shiteng tola, bad ïa ki ar tylli ki khadu ïa ki ryndang kti jong ka kiba shong kumba shiphew tola da ka ksiar;

JENESIS 35:4

Ynda kumta, ki la ïa-ai noh ha u Jakob ïa kita ki blei bakhyllah baroh katba ki la don ha la ka kti, bad ïa la ki sohshkor kiba la don ha ki shkor jong ki; bad u Jakob u la tep rieh ïa ki hapoh u dieng Sning uba hajan ka Shekhem.

EKSODOS 32:2

Te u Aaron u la ong ha ki, “To law noh ïa ki jingdeng ksiar kiba ha ki shkor ki tnga jong phi, bad ïa ki jong ki khun shynrang jong phi, bad ïa ki jong ki khun kynthei jong phi, bad to wallam ïa ki ha nga.”

EKSODOS 32:4

Haba u la pdiang te ïa ki na ki kti jong ki, u la pynlong dur da ka atiar, bad u la thaw khun masi da kaba shu saiñ: ki la ïa-ong te, “Une u long u blei jong me, A Israel, uba la wallam artet ïa me na ka ri Ijipt.”

EKSODOS 33:6

Te ki khun Israel ki la ïalaw noh na lade ïa la ki jingdeng naduh u lum Horeb.

ISAÏAH 3:19

ki sohshkor, bad ki khadu kti, bad ki jingkah khmat;

ISAÏAH 46:6

Jar kiba pynsyrwa ïa ka ksiar na ka pla, bad kiba thew ïa ka rupa ha ka khulpi, ki khot nong ïa u bania, te u thaw blei ïa ka; ki dem ngon, bad ki mane.

JEREMAÏAH 10:9

Don ka rupa ba la shoh stang ba la wallam na Tarshish, bad ka ksiar na Uphas, ka kam jong u nongtrei bad ka jong ki kti u bania; ka babyrïong bad ka basaw bthuh ban long ki jaiñ jong ki; baroh ki long ka kam ki nongtrei kiba nang.