EKSODOS 32:29 - KA BAIBL

²⁹ Bad u Moses u la ong, “To pynkyntang ïa lade ha kane ka sngi ha U Trai, u briew baroh keiñ pyrshah ïa la u khun, bad pyrshah ïa la u para; ba ha kane ka sngi un ïoh ai ka jingkyrkhu halor jong phi.”

Khasi CL Bible (BSI)

²⁹ U Moses u la ong ha ki Lebi, “Mynta ka sngi phi la pynkyntang ïa lade kum ki lyngdoh ha ka jingshakri ïa U Trai da kaba pynïap ïa la ki khun shynrang bad ïa ki hynmen ki para shynrang, kumta U Trai u la ai ha phi ïa ki jingkyrkhu jong u.”

EKSODOS 32:29 ပူးပေါင်းရင်းမြစ်များ

2 KHRONIKL 35:3

Bad u la ong ha ki Lebi kiba hikai ïa ki Israel baroh, kiba la long ki bakhuid ha U Trai, “To buh ïa ka synduk ka jutang bakhuid ha ka ïing kaba u Solomon u khun u Dabid u syiem ki Israel u la tei; kan ym don jingkit shuh ha ki tyrpeng jong phi: mynta to shakri ïa U Trai U Blei jong phi, bad ïa ki Israel ki briew jong u.

EKSODOS 32:28

Te ki khun shynrang u Lebi ki la leh kumba u la ong u Moses: te ha kata ka sngi la kyllon ïap na uta u paidbah kumba lai hajar ki rangbah.

EKSODOS 32:30

Te ha kaba lashai, u Moses u la ong ha uta u paidbah, “Phi la leh ïa ka pop kaba khraw eh: mynta te ngan sa leit kiew sha U Trai; lehse nga lah ban pynlong ïa ka jingpynïasuk namar ka pop jong phi.”

PROBERB 21:3

Kaba leh ïa ka hok bad ïa ka jingbishar ka long kaba kham pdiang hun ha U Trai ban ïa ka jingkñia.

SEKHARAÏAH 13:3

Bad kan jia ba, haba uno uno shuh un ïathuhlypa, te u kpa jong u bad ka kmie jong u kiba la kha ïa u kin ong ha u, ‘Men ym ïoh im shuh; naba me la kren ïa ka lamler ha ka kyrteng U Trai’: te u kpa jong u bad ka kmie jong u kiba la kha ïa u kin sum ïa u haba u dang ïathuhlypa.

MATHAÏOS 10:37

Uta uba ieit ïa u kpa lane ka kmie nalor jong nga, ym dei ïa u ban ïoh ïa nga; bad uta uba ieit ïa u khun lane ïa ka khun nalor jong nga, ym dei ïa u ban ïoh ïa nga.