EKSODOS 32:27 - KA BAIBL

²⁷ Te u la ong ha ki, “Kumne u ong U Trai, U Blei jong u Israel, ‘To kieng u shynrang baroh ïa la ka waitlam ha la ka syngkai, bad to khie ruh shapoh bad shabar na kawei ka khyrdop sha kawei pat ka khyrdop jong kata ka dara, bad to pynïap noh ruh man u briew ïa la u para, bad man u briew ïa la u lok, bad man u briew ïa la u paramarjan.’ ”

Khasi CL Bible (BSI)

²⁷ bad u la ong ha ki, “U Trai U Blei ki Israel u hukum ïa uwei pa uwei na phi ban kieng ïa la ka waitlam, bad ïaid lyngba ïa ka jaka sher dara baroh na kane ka khyrdop sha kawei pat bad pynïap ïa uwei pa uwei u rangbah uba long u hynmen u para jong u, ïa ki paralok jong u, bad ïa ki paramarjan jong u.”

EKSODOS 32:27 ပူးပေါင်းရင်းမြစ်များ

2 SYIEM 10:25

Te u tang shu la lah ai ïa ka jingainguh thang, u Jehu u la ong ha kita ki nongap bad ha ki kaptan, “To rung, bad pynïap ïa ki; wat shah ba uwei ruh un mih.” Bad ki la pynïap ïa ki da ka syrti waitlam; bad ki nongap bad ki kaptan ki la bred ïa ki shabar, bad ki la leit sha ka shnong ka ïing u Baal.

EKSODOS 32:26

kumta, u Moses u la ïeng ha ka khyrdop ka jaka shong dara, bad u la ong, “Jar uba ha ka liang U Trai, to un wan ha nga.” Te ki khun shynrang jong u Lebi baroh ki la ïalum lang ha u.

EKSODOS 32:28

Te ki khun shynrang u Lebi ki la leh kumba u la ong u Moses: te ha kata ka sngi la kyllon ïap na uta u paidbah kumba lai hajar ki rangbah.

EKSODOS 32:29

Bad u Moses u la ong, “To pynkyntang ïa lade ha kane ka sngi ha U Trai, u briew baroh keiñ pyrshah ïa la u khun, bad pyrshah ïa la u para; ba ha kane ka sngi un ïoh ai ka jingkyrkhu halor jong phi.”

ESEKIEL 9:5

Bad ïa kita kiwei pat u la ong ha kaba nga ïohsngew, “To leit phi lyngba kata ka nongbah nadien jong u, bad to pom: ka khmat jong phi to kan ym riej, lymne wat isynei phi:

JINGKHEIÑ 25:5

Bad u Moses u la ong ha ki nongbishar jong ki Israel, “To pynïap uwei uwei ïa la ki briew kat kiba la pynïasoh ïa lade bad u Baal-peor.”

LOUKAS 14:26

“Lada uno uno ruh u wan ha nga, bad u bym isih ïa la u kpa bad ïa la ka kmie, bad ïa la ka tnga bad ïa la ki khun, bad ïa la ki hynmen hynbew ruh shynrang bad kynthei, ho-oid bad ïa la ka jong ka jingim ruh, um lah ban long u synran jong nga.

2 KORINTH 5:16

Kumta te, naduh mynta, ngi ngim ñiew ïano ïano ruh katba kum ka doh; toi lada ngi la ju ñiew ïa U Khrist katba kum ka doh, hynrei, mynta, ngim ñiew shuh.

DEUTERONOMI 13:10

Bad men lynthem ïa u da ki maw, ba un ïap keiñ; namar ba u la thew ban ñiat noh ïa me na U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw keiñ.

DEUTERONOMI 13:6

“Lada u para jong me, uba u khun ka kmie jong me, lane u khun jong me, lane ka khun jong me, lane ka tnga bashong lem jong me, lane u lok jong me, uba long kum ka mynsiem jong me hi, u ïapah ïa me ha kaba rieh, u da ong, ‘Ïa ngin ïaleit shakri ïa kiwei pat ki blei,’ ïa kiba mem ju ithuh, ma me, lymne ki kpa jong me;