EKSODOS 32:22 - KA BAIBL

²² Te u Aaron u la ïathuh, “Wat ai ba kan meh buk ka jingbitar u kynrad jong nga: me ithuh ïa une u paidlang, ba u dap keiñ da ka basniew.

Khasi CL Bible (BSI)

²² U Aaron u jubab, “Wat bitar ïa nga. Phi tip ba kine ki briew ki long kiba im sngi tang ban leh ïa kaba sniew.

EKSODOS 32:22 ပူးပေါင်းရင်းမြစ်များ

JENESIS 44:18

Ynda kumta, u Judah u la kynshur hajan jong u, bad u la ong, “Ko kynrad, to shah, nga kyrpad ïa me, ïa u shakri jong me ban kren kawei ka ktien ha ki shkor u kynrad jong nga, bad to wat sngewbitar ïa la u shakri: naba me long kum u Pharaoh.

SALM 36:4

U pyrkhat ïa ka jingbymhok halor la ka jingthiah; u buh ïa lade ha ka lynti ka bymbha; um isih ïa ka jingsniew.

EKSODOS 14:11

Ki la ïa-ong ruh ha u Moses, “Namar bymdon ki jingtep ha ka ri Ijipt, ba me la ïalam noh ïa ngi ban ïap ha kane ka ri khlaw? balei ba me la leh kumne bad ngi ban ïalam noh ïa ngi na ka ri Ijipt?

EKSODOS 15:24

Uta u paidbah te u la khñium ïa u Moses, ki da ïa-ong, “Ngin sa dih aïu?”

EKSODOS 16:20

Pynban, kim shym la sngap ïa u Moses; hynrei, don kiba la pynsah na ka haduh mynstep, te ka la man ksaiñ, bad ka la iwtung ruh: te u Moses u la bitar ïa ki.

EKSODOS 16:28

Te U Trai u la ong ha u Moses, “Slem haduh katno phin ym kohnguh ban sumar ïa ki hukum bad ki adong jong nga?

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

EKSODOS 32:21

Te u Moses u la kylli ïa u Aaron, “U la leh aïu une u paidbah ïa me, ba me la wallam ïa ka pop bakhraw kat kane halor jong ki?”

PROBERB 4:16

Naba kin ym thiah noh, lymda ki la leh sniew; bad ka jingïohthiah jong ki ka la duh noh, tad ynda ki la pynkyllon ïano ïano.

DEUTERONOMI 31:27

Namar nga ithuh ïa ka jingïaleh kiat jong me, bad ïa ka ryndang ba-eh jong me: ha khmih, katba nga dang im lem bad phi ha kane ka sngi, phi la ïaleh pyrshah ïa U Trai; sa katno tam te ynda nga la ïap?

DEUTERONOMI 9:24

Phi la long kiba ïaleh kiat pyrshah ïa U Trai naduh kata ka sngi ba nga la ithuh ïa phi.

DEUTERONOMI 9:7

“To da kynmaw, wat klet keiñ, kumno ba me la pynbitar ïa U Trai uba U Blei jong me ha kata ka ri khlaw: naduh kata ka sngi ba phi la wan mih noh na ka ri Ijipt, haduh ba phi la ïawan poi sha kane ka jaka, phi la ïaleh kiat pyrshah ïa U Trai.

1 SAMUEL 15:15

Bad u Saul u la ïathuh, “Ki la wallam ïa ki na ki Amalek: namar u paidbah u la pynim ïa ki babha tam na ki langbrot bad na ki masi, ïa ka ban kñia ha U Trai uba U Blei jong me.”

1 SAMUEL 15:21

Hynrei, shisha u paidbah u la shim na kata ka jinglute, ïa ki langbrot bad ïa ki masi, ïa ki babha tam keiñ na kita kiba la dei ban pynjot, ïa ka ban kñia ha U Trai uba U Blei jong me ha Gilgal.”

1 SAMUEL 15:24

Te u Saul u la ong ha u Samuel, “Nga la leh pop: namar ba nga la palat ïa ka hukum U Trai, bad ïa ki ktien jong me: naba nga la sheptieng ïa ki paidbah, bad ba nga la kohnguh ïa ki ktien jong ki.