EKSODOS 32:20 - KA BAIBL

²⁰ Bad u Moses u la shim ïa uta u khun masi ïa uba ki la thaw, bad u la saiñ ïa u ha ka ding, bad u la pynlwet jin ïa u, bad u la ber ïa ka ruh halor ka um, bad u la pyndih ïa ki khun Israel na ka.

Khasi CL Bible (BSI)

²⁰ U shim ïa uta u khun masi uba ki la thaw, u pynum ïa u ha ka ding, bad u tylliat pynlwet jin ïa u, bad u la khleh ïa kata ha ka um. Nangta u la pynlong ïa ki paid Israel ban dih ïa ka.

EKSODOS 32:20 ပူးပေါင်းရင်းမြစ်များ

1 SYIEM 15:13

Bad ïa ka Maakah ruh ka kmie jong u, u la pynduh noh na ka ban long syiem, namar ka la thaw ka dur ba-ijli ïa ki Asherah; bad u Asa u la pom noh ïa ka dur jong ki, bad u la thang ïa ka hajan ka wah Kidron.

2 SYIEM 23:15

Ïa kata ka duwan ruh kaba ha Bethel, bad ïa ka jaka bajrong kaba u la tei u Jeroboam u khun u Nebat, uba la pynlong ïa ki Israel ban leh pop, ïa kata ka duwan keiñ bad ïa kata ka jaka bajrong u la pynkyllon; bad u la thang ïa kata ka jaka bajrong bad u la pynlwet bin bin ïa ka, u la thang ïa kata ka Asherah ruh de.

2 SYIEM 23:6

Bad u la pynmih noh ïa ka Asherah na ka ïing U Trai, shabar ka Jerusalem, haduh ka wah Kidron, bad u la thang ïa ka ha ka wah Kidron, bad u la pynlwet bin bin ïa ka, bad u la khalah ïa kata kaba lwet halor ki jingtep ki briew bapoh.

2 KHRONIKL 34:4

Te ki la pynkyllon ïa ki duwan jong ki Baal ha khmat jong u, bad u la khet noh ïa ki durblei ka sngi, kiba la long hajrong halor jong ki; bad ïa ki Asherah, bad ki durblei ba la mut, bad ki durblei ba la saiñ, u la pynkheiñ lyngkhot lyngkhai ïa ki, bad u la pynlwet bin bin ïa ki, bad u la khalah ïa ka halor ki jingtep jong kita kiba la kñia ha ki.

EKSODOS 32:21

Te u Moses u la kylli ïa u Aaron, “U la leh aïu une u paidbah ïa me, ba me la wallam ïa ka pop bakhraw kat kane halor jong ki?”

PROBERB 1:31

namar kata, kin ïoh bam ïa u soh la ka jong ka lynti, bad yn pynkdang ïa ki da la ki jong ki buit.

PROBERB 14:14

Uba kylla dien ha ka dohnud yn pyndap ïa u da la ki jong ki lynti: bad ïa u briew u babha yn pynkdang na u hi.

DEUTERONOMI 7:25

Men thang ïa ki dur ba la mut ki blei jong ki da ka ding: men ym ikwah ïa ka rupa, lane ïa ka ksiar kaba halor jong ki, ïa ka ban shim ha lade, ba ïoh yn riam ïa me ha kata: namar ka long kaba ijli ha U Trai uba U Blei jong me:

DEUTERONOMI 7:5

Hynrei, kumne phin leh bad ki: phin ïa-pynkyllon ïa ki duwan jong ki, bad phin ïa-pynkheiñ lyngkhot lyngkhot ïa ki durblei jong ki, bad phin ïakhet noh ïa ki 'law kyntang jong ki, bad phin ïathang ruh ïa ki durblei ba la mut jong ki da ka ding.

DEUTERONOMI 9:21

Ïa ka pop jong phi ruh, ïa kata ka dur khun masi keiñ ïa kaba phi la lah ïathaw, nga la shim, bad nga la thang ha ding, bad nga la shoh ïa ka, bad nga la pynlwet jin, tad ynda ka la long ni kat u shyiap: bad nga la ber de ïa uta u shyiap ksiar ha kata ka wah duid kaba hiar na uta u lum.