EKSODOS 32:19 - KA BAIBL

¹⁹ Ka la jia te, katba u la wan hajan ka jaka shong dara, u la ïohi ïa uta u khun masi bad ïa kata ka jingshad; te ka jingbitar u Moses ka la khie buk, bad u la bred noh dak ïa kita ki maw lyngkniap na ka kti jong u, bad u la lympat ïa ki ha trai uta u lum.

Khasi CL Bible (BSI)

¹⁹ Haba u Moses u la poi hajan kata ka jaka sher dara na kaba u ïohi ïa uta u khun masi bad ïa ka jingïashad jong kita ki paidbah, u Moses u bitar lep. Hangta ha trai u lum, u lynthaw ïa kita ki mawlyngkniap kiba u rah haduh ba ki da pait.

EKSODOS 32:19 ပူးပေါင်းရင်းမြစ်များ

2 SAMUEL 6:14

Bad u Dabid u la shad katba u lah ha khmat U Trai; bad u Dabid u la phong da ka ephod linen.

SALM 119:53

Ka jingbitar lep ka la ngat ha nga, namar kita ki riewbymman kiba iehnoh noh ïa ka aiñ jong me.

EKSODOS 15:20

Te ka Miriam ka nongïathuhlypa, ka hynmen u Aaron, ka la shim ka kanjari ha la ka kti; ki kynthei baroh ruh ki la ïamih noh hadien jong ka da ki kanjari bad ki jingshad.

EKSODOS 32:11

Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

EKSODOS 32:18

U te u la ong, “Kata kam long ka jingsawa kiba ïarisa na ka bynta kaba jop, lymne kam long ka jinglynñiar kiba ïashah jop; hynrei, ïa ka jingsawa kiba ïarwai ba nga ïohsngew keiñ.”

EKSODOS 34:1

Te U Trai u la ong ha u Moses, “To men shtah ar tylli ki maw lyngkniap kum kita ki banyngkong: bad ngan sa thoh halor kine ki maw lyngkniap ïa kita ki ktien kiba la don ha kita ki maw lyngkniap ki banyngkong, ïa kiba me la pynpait.

JEREMAÏAH 31:32

ym kum kata ka jutang kaba nga la thaw bad ki kpa jong ki ha ka sngi ba nga la btin ïa ki na ka kti ban wallam ïa ki na ka ri Ijipt; ïa kata ka jutang jong nga ki la pynkheiñ, la nga la long u tnga ïa ki,” ong U Trai.

SNGEWSYNEI 5:15

Ka jingkmen ka dohnud jong ngi ka la duh; ka jingshad ka la kylla jingïam.

SEKHARAÏAH 11:14

Ynda kumta, nga la kdiah ïa uta uwei u diengduh jong nga, “Ki Jingteh” keiñ, khnang ba ngan ïoh pynkheiñ ïa ka jingïateh para hapdeng ki Judah bad ki Israel.

JINGKHEIÑ 12:3

Hynrei, uta u briew, u Moses, u la long uba jemnud tam na ki briew baroh kiba ha khmat ka pyrthei.

MATHAÏOS 5:22

hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

MARKOS 10:14

Hynrei, haba U Jisu u la ïohi ïa kata, u la sngewsih eh, bad u la ong ha ki, “To shah ïa ki khunlung ban wan ha nga, to wat khang ruh ïa ki: naba ïa kiba kum kita, long ka hima U Blei.

MARKOS 3:5

Te ynda U la khmih sawdong ha ki da ka jingbitar, ba U da sngewsih namar kaba eh ka dohnud jong ki, U ong ha uta u briew, “To kner noh ïa la ka kti.” Te u la kner noh, bad la pynkhiah bha ïa kata ka kti jong u.

1 KORINTH 10:7

Lymne wat long phi kiba mane bleithaw, kum kiba na kita; kumba la thoh: “U paidbah u la shong ban ïabam ïadih, bad ki la ïaïeng joit ban lehkai.”

EPHESOS 4:26

To bitar, hynrei, wat leh pop: to wat ai ba ka sngi kan sep noh ha ka jingkhih bitar jong phi:

DEUTERONOMI 10:2

Bad ngan thoh ha kita ki maw lyngkniap ïa kita ki ktien, kiba la don ha kita ki maw lyngkniap ki banyngkong ïa kiba me la pynpait, bad men buh ïa ki ha kata ka synduk.’

DEUTERONOMI 27:26

“ ‘Ka jingtim ïa uta u bymïaineh ha ki ktien jong kane ka hukum baroh ban leh ïa ki.’ Bad uta u paidlang baroh kin ïa-ong, ‘Amen.’