EKSODOS 32:17 - KA BAIBL

¹⁷ Te haba u Joshua u la ïohsngew ïa ka jingsawa uta u paidbah katba ki ïarisa kynha, u la ong ha u Moses, “Don ka jingsawa kum ka thma ha kata ka dara.”

Khasi CL Bible (BSI)

¹⁷ U Joshua u la ïohsngew ïa ki paidbah ba ki ïarisa bad u la ong ha u Moses, “Nga ïohsngew ïa ka jingsawa kumba ïaleh thma ha ka jaka sher dara.”

EKSODOS 32:17 ပူးပေါင်းရင်းမြစ်များ

1 KHRONIKL 7:27

u Nun u khun jong u, u Joshua u khun jong u.

Ka Kitab U Job 39:25

Katba ka ronsing ka sawa u ong, ‘Ha! ha!’ bad u iw ïa ka thma na sha jngai, ka jingkyrhuh ki kaptan, bad ka jingkynha.

SALM 47:1

To thab kti, phi ki kynja bynriew; to risa ha U Blei da ka ktien ka jingkynha.

EKSODOS 17:9

Te u Moses u la ong ha u Joshua, “To jied ha ngi ïa ki rangbah, bad to mih noh ban ïaleh thma ïa ki Amalek: lashai ngan ïeng ha khlieh uta u lum bad u diengduh jong U Blei ha ka kti jong nga.”

EKSODOS 24:13

Te u Moses u la ïeng, bad u Joshua u shakri jong u; bad u Moses u la leit kiew sha uta u lum jong U Blei.

EKSODOS 32:16

Bad kita ki maw lyngkniap ki la long ka jingthaw jong U Blei, bad ka jingthoh ruh ka la long ka jingthoh jong U Blei, ïa kaba la mut halor kita ki maw lyngkniap.

EKSODOS 32:18

U te u la ong, “Kata kam long ka jingsawa kiba ïarisa na ka bynta kaba jop, lymne kam long ka jinglynñiar kiba ïashah jop; hynrei, ïa ka jingsawa kiba ïarwai ba nga ïohsngew keiñ.”

EKSODOS 32:6

Te la dang step ki la ïakhie, bad ki la kñia ïa ki jingkñia thang, bad ki la ïawallam ïa ki jingkñia bapynïasuk; ynda kumta, kita ki paidlang ki la ïashong ban bam bad ban dih, bad ki la ïaïeng joit ban ïalehkai.

JEREMAÏAH 51:14

U Trai ki paid u la smai da lade, u da ong, ‘Da shisha, ngan pyndap ïa pha da ki briew, kum da u 'ñiangdkoh; bad kin pynmih ka jingkynha pyrshah ïa pha.’ ”

AMOS 1:14

hynrei, ngan pynmeh ïa ka ding ha ka kynroh ka Rabbah, te kan bam duh ïa ki ïingbah jong ka, da ka jingkhynwin ha ka sngi ka thma, da ka 'erïong ha ka sngi ka lyer langthari:

AMOS 2:2

hynrei, ngan phah ka ding halor u Moab, te kan bam duh ïa ki ïingbah ka Kerioth; bad u Moab un ïap ha ka jingkhihwin, ha ka jingkynhui, bad ha ka jingsawa ka turoi:

JOSHUA 6:10

Te u Joshua u la hukum ïa uta u paidbah, u da ong, “Phin ym risa, lymne wat ai ba yn ïohsngew ïa ka ktien jong phi, lymne kan ym mih shikyntien na ka shyntur jong phi, haduh kata ka sngi ba ngan hukum ïa phi ban risa; hangta phin sa risa.”

JOSHUA 6:16

Te ha ka bahynñiew sien, haba kita ki lyngdoh ki la put da kita ki turoi, u Joshua u la ong ha uta u paidbah, “To ïarisa; namar U Trai u la ai ïa kata ka shnong ha phi.

JOSHUA 6:20

Kumta, uta u paidbah u la risa, bad kita ki lyngdoh ki la put da kita ki turoi: te haba uta u paidbah u la ïohsngew ïa ka jingsawa kata ka turoi, kumta, uta u paidbah u la risa da ka jingrisa bajam, te kata ka kynroh ka la kyllon kram, ba kumta uta u paidbah u la kiew sha shnong, uwei uwei baroh keiñ marpyrshah beit ïa u, bad ki la jop ïa kata ka shnong.

JOSHUA 6:5

Te haba yn put kynsan da kita ki turoi jubili, bad haba phin ïohsngew ka jingsawa kata ka turoi, u paidbah baroh un risa da ka jingrisa bajam; te ka kynroh ka shnong kan kyllon kram, bad uta u paidbah un kiew uwei uwei baroh pyrshah beit ïa u.”

NONGBISHAR 15:14

Ynda u la poi sha Lehi, ki Philistia ki la ïarisa, haba ki la ïakynduh bad u: te U Mynsiem U Trai u la wan borbah halor jong u, bad kita ki tyllai kiba ha ki kti jong u ki la long kum u 'saihon ba la thang ha ka ding, bad ki jingkhum jong u ki la hap noh na ki kti jong u.

1 SAMUEL 17:20

Te u Dabid u la khie dang step, bad u la iehnoh ïa kita ki langbrot bad u nongsumar, bad u la shim, bad u la leit, kumba la hukum u Jesse ïa u; te u la poi sha kata ka jaka shong dara, katba ki paidïapom ki dang ïaleit mih sha kata ka jaka ïaleh, bad ki da ïarisa ban sa ïaleh.

1 SAMUEL 17:52

Bad ki paidbah Israel bad Judah ki la ïeng, bad ki la risa, bad ki la beh ïa ki Philistia, haduh kaba poi ha Gath, bad haduh ki khyrdop ka Ekron keiñ. Te kita ki Philistia ki la kyllon ba la pynmynsaw ïa ki ha kata ka lynti sha Shaaraim, jin haduh Gath, bad haduh Ekron de.