EKSODOS 32:16 - KA BAIBL

¹⁶ Bad kita ki maw lyngkniap ki la long ka jingthaw jong U Blei, bad ka jingthoh ruh ka la long ka jingthoh jong U Blei, ïa kaba la mut halor kita ki maw lyngkniap.

Khasi CL Bible (BSI)

¹⁶ U Blei hi u la thaw ïa kita ki mawlyngkniap, bad u la thoh ruh ïa kita ki hukum ha kita ki maw.

EKSODOS 32:16 ပူးပေါင်းရင်းမြစ်များ

Ka Kitab U Job 19:24

Ba da u khulom nar bad ka sisa la mut dak ïa ki ha u mawsiang junom!

EKSODOS 31:18

Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

EKSODOS 32:15

Te u Moses u la phai, bad u la leit hiar arsut na uta u lum, bad kita ki ar tylli ki maw lyngkniap jong ka jingphla ha ka kti jong u; kine ki maw lyngkniap ïa kiba la thoh halor baroh ar liang jong ki; halor baroh ar liang keiñ, la thoh ïa ki.

EKSODOS 32:17

Te haba u Joshua u la ïohsngew ïa ka jingsawa uta u paidbah katba ki ïarisa kynha, u la ong ha u Moses, “Don ka jingsawa kum ka thma ha kata ka dara.”

EKSODOS 34:1

Te U Trai u la ong ha u Moses, “To men shtah ar tylli ki maw lyngkniap kum kita ki banyngkong: bad ngan sa thoh halor kine ki maw lyngkniap ïa kita ki ktien kiba la don ha kita ki maw lyngkniap ki banyngkong, ïa kiba me la pynpait.

EKSODOS 34:4

Te u la shtah ar tylli ki maw lyngkniap kum kita ki banyngkong; kumta, u Moses u la khie la dang step, bad u la leit kiew sha u lum Sinai, kumba U Trai u la lah hukum ïa u, bad u la leit lam ha la ka kti ïa kita ar tylli ki maw lyngkniap.

2 KORINTH 3:3

kiba paw shynna ba phi long ka shithi U Khrist ïa kaba la trei minot da ngi, ïa kaba la thoh ym da ka sia, hynrei, da U Mynsiem U Blei u ba-im, ym ha ki maw lyngkniap, hynrei, ha ki doh lyngkniap ka dohnud keiñ.

2 KORINTH 3:7

Hynrei, lada kane ka jingpynïaid niam ka jingïap ba la thoh bad ba la mut ha ki maw, ka la long ha ka jingtyngshaiñ, katba kita ki khun Israel kim lah shuh ban khmih shaiñ ïa ka khmat u Moses namar kata ka jingtyngshaiñ ka khmat jong u ka ban dam noh;

DEUTERONOMI 10:1

“Ha kata ka por, U Trai u la ong ha nga, ‘To shtah ar tylli ki maw lyngkniap kum kita ki banyngkong; ynda kumta, to wan kiew sha nga ha uta u lum, bad to thaw ha me ïa ka synduk dieng.

DEUTERONOMI 9:15

Kumta, nga la phai, bad nga la wan hiar na uta u lum, bad uta u lum u la dang ing da ka ding: bad kita ki ar tylli ki maw lyngkniap kata ka jutang ki la don ha ki kti jong nga baroh ar.

HEBRU 8:10

“Naba kane ka long kata ka jutang ïa kaba ngan pynlong bad ka ïing Israel hadien kita ki sngi,” ong U Trai: “Ngan buh ïa ki hukum jong nga ha ka jingmut jong ki, bad ha ki dohnud jong ki ngan thoh ïa ki; bad ngan long U Blei jong ki, bad ki, kin long u paidlang jong nga;