EKSODOS 32:15 - KA BAIBL

¹⁵ Te u Moses u la phai, bad u la leit hiar arsut na uta u lum, bad kita ki ar tylli ki maw lyngkniap jong ka jingphla ha ka kti jong u; kine ki maw lyngkniap ïa kiba la thoh halor baroh ar liang jong ki; halor baroh ar liang keiñ, la thoh ïa ki.

Khasi CL Bible (BSI)

¹⁵ U Moses u la leit hiar na uta u lum, u da rah ïa kita ki ar tylli ki mawlyngkniap ha kiba la thoh ïa ki hukum ha baroh arliang.

EKSODOS 32:15 ပူးပေါင်းရင်းမြစ်များ

SALM 19:7

Ka aiñ U Trai ka long kaba janai, kaba pynbha pat ïa ka mynsiem: ka jingphla U Trai ka long kaba skhem, kaba pynstad ïa uba shida.

EKSODOS 16:34

Kumba U Trai u la hukum ïa u Moses, kumta u Aaron u la buh ïa u ha khmat ka jingphla, ïa ka ban sumar.

EKSODOS 24:12

Bad U Trai u la ong ha u Moses, “To wan kiew sha nga ha une u lum, to sah hangta ruh: bad ngan ai ha me ïa ki maw lyngkniap, bad ïa ki hukum bad ïa ki adong ïa kiba nga la thoh, ba men ïoh hikai ïa ki.”

EKSODOS 24:18

Te u Moses u la leit shapdeng uta u lyoh, bad u la kiew noh sha uta u lum: bad u Moses u la sah ruh ha uta u lum sawphew sngi bad sawphew miet.

EKSODOS 31:18

Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

EKSODOS 32:16

Bad kita ki maw lyngkniap ki la long ka jingthaw jong U Blei, bad ka jingthoh ruh ka la long ka jingthoh jong U Blei, ïa kaba la mut halor kita ki maw lyngkniap.

EKSODOS 34:29

Te mynba u Moses u la wan hiar na u lum Sinai bad kita ki ar tylli ki maw lyngkniap ka jingphla ha ka kti u Moses, mynba u la wan hiar na uta u lum, u Moses um tip ba ka snieh khmat jong u ka la tyngshaiñ ber katba u la kren bad U.

EKSODOS 40:20

Bad u la shim bad u la thep ruh ïa ka jingphla hapoh kata ka synduk, bad u la phrung ïa kita ki dieng jingbah ha kata ka synduk, bad u la buh ïa ka jingtap-isynei halor kata ka synduk:

2 KORINTH 3:3

kiba paw shynna ba phi long ka shithi U Khrist ïa kaba la trei minot da ngi, ïa kaba la thoh ym da ka sia, hynrei, da U Mynsiem U Blei u ba-im, ym ha ki maw lyngkniap, hynrei, ha ki doh lyngkniap ka dohnud keiñ.

2 KORINTH 3:7

Hynrei, lada kane ka jingpynïaid niam ka jingïap ba la thoh bad ba la mut ha ki maw, ka la long ha ka jingtyngshaiñ, katba kita ki khun Israel kim lah shuh ban khmih shaiñ ïa ka khmat u Moses namar kata ka jingtyngshaiñ ka khmat jong u ka ban dam noh;

DEUTERONOMI 5:22

“Ïa kine ki ktien, U Trai u la kren ha ka jingïaseng lang jong phi baroh ha uta u lum napdeng kata ka ding, na uta u lyoh, bad na kata ka jingdum tliw tliw, da ka jingsawa bajam: bad um shym la kren shuh nalor kata. Bad u la thoh ruh ïa ki ha ki ar tylli ki maw lyngkniap, bad u la ai ïa ki ha nga.

DEUTERONOMI 9:15

Kumta, nga la phai, bad nga la wan hiar na uta u lum, bad uta u lum u la dang ing da ka ding: bad kita ki ar tylli ki maw lyngkniap kata ka jutang ki la don ha ki kti jong nga baroh ar.

HEBRU 9:4

kaba don ka pliang ksiar bathang iwbih, bad ka synduk ka jutang ïa kaba la suit baroh sawdong da ka ksiar, ha kaba la don u khiew ksiar uba don kata ka manna, bad uta u diengduh u Aaron uba la phuh, bad kita ki maw lyngkniap jong ka jutang;

JINGPYNPAW 5:1

Bad nga la ïohi ha ka kti kamon jong uta uba shong halor kata ka khet ïa ka kitab, ïa kaba la thoh shapoh bad shalor, ïa kaba la pyndait laha da ki hynñiew ki jingpyndait.