EKSODOS 32:14 - KA BAIBL

¹⁴ Ynda kumta, U Trai u la kylla noh na kata ka basniew ïa kaba u la thmu ban leh ha u paidlang jong u.

Khasi CL Bible (BSI)

¹⁴ Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

EKSODOS 32:14 ပူးပေါင်းရင်းမြစ်များ

JENESIS 6:6

Bad U Trai u la kylla-ka-bamut ba u la lah thaw ïa u briew ha ka pyrthei, bad la pynsngewsih eh ïa u ha la ka dohnud.

2 SAMUEL 24:16

Te haba uta u angel u la kner ïa la ka kti sha Jerusalem ïa ka ban pynjot ïa ka, U Trai u la kylla-ka-bamut shaphang kane ka jingpynsniew, bad u la ong ha uta u angel uba pynjot ïa u paidbah, “Keiñ noh katto; to pynsangeh ïa la ka kti.” Te uta u angel U Trai u la don hajan ka kyntem u Araunah u nong Jebus.

1 KHRONIKL 21:15

Bad U Blei u la phah ïa u angel sha Jerusalem ban pynjot ïa ka: bad haba un sa pynjot noh, U Trai u la khmih, bad u la kylla-ka-bamut shaphang kane ka jingpynsniew, bad u la ong ha u angel uba pynjot, “Keiñ noh katto; to pynsangeh ïa la ka kti.” Bad u angel U Trai u la ïeng hajan ka kyntem u Ornan u nong Jebus.

SALM 106:23

Namar kata, u la ong ba un pynduh ïa ki, lymda u Moses uba la jied jong u, u la ïeng ha khmat jong u ha kata ka jingpyntwa, ïa ka ban pynphai noh ïa ka jingbitar jong u, ïoh ba un pynduh noh ïa ki.

SALM 106:45

bad u la ju kynmaw, ïa la ka jutang na ka bynta jong ki, bad u la ju kylla-ka-bamut katba kum ka jingkynrei ki jingisynei jong u.

EKSODOS 33:13

Mynta, namar kata, nga kyrpad ïa me, lada nga la shem ïa ka jingsngewbha ha khmat jong me, to pyni ha nga ïa ka lynti jong me, ba ngan ïoh ithuh ïa me, bad ba ngan ïoh shem ïa ka jingsngewbha ha khmat jong me: to khmih ruh ba kane ka jaid bynriew ka long u paidlang jong me.”

JEREMAÏAH 18:8

lada kata ka jaid bynriew, kaba nga la kren shaphang jong ka, kan phai na ka jingsniew jong ki, ngan kylla-ka-bamut shaphang kata ka jingsniew kaba nga la mut ban leh ïa ki.

JEREMAÏAH 26:13

Namar kata te, to pynbha ïa ki lynti jong phi bad ïa ki jingleh jong phi, bad to kohnguh ïa ka ktien U Trai U Blei jong phi; te U Trai un kylla-ka-bamut na kata ka jingsniew kaba u la kren pyrshah ïa phi.

JEREMAÏAH 26:19

“Hato u Hesekaïah u syiem ka Judah bad ki Judah baroh ki la pynïap ïa u? U la sheptieng ne em ïa U Trai, bad u la kyrpad ne em ïa ka jingisynei U Trai, bad U Trai u la kylla-ka-bamut na kata ka jingsniew kaba u la kren pyrshah ïa ki? Kumne ngi la leh sniew pyrshah ïa la ki jong ki mynsiem.”

JOEL 2:13

bad to kad ïa la ka dohnud, te ym ïa la ki jaiñkup,” bad to phai sha U Trai U Blei jong phi: naba u long uba aiei bad uba isynei lem, uba suki ban bitar, bad uba kynrei ha ka jingisynei, bad uba kylla-ka-bamut na ka jingpynsniew.

AMOS 7:3

U Trai u la kylla-ka-bamut shaphang kane: “Kan ym long keiñ,” ong U Trai.

AMOS 7:6

U Trai u la kylla-ka-bamut shaphang kane: “Kane ruh kan ym long,” ong U Trai U Blei.

JONAH 3:10

Bad U Blei u la ïohi ïa ki jingleh jong ki, ba ki la phai noh na la ka lynti basniew; bad U Blei u la kylla-ka-bamut na kata ka jingsniew, kaba u la ong ba un leh ïa ki; te um shym leh ïa ka.

JONAH 4:2

Bad u la duwai ha U Trai, bad u la ong, “Nga kyrpad ïa me, A Trai, kane kam shym long ka ktien jong nga, mynba nga dang don ha la ka ri? Namar kata, nga la pynkloi ban phet noh sha Tarshish: naba nga la tip keiñ ba me long U Blei uba aiei, bad uba dap ka jingisynei lem, uba tud ïa ka ban bitar, bad uba kynrei ha ka jingisynei, bad me kylla-ka-bamut namar ka jingsniew.

JINGKHEIÑ 14:20

U Trai ruh u la ong, “Nga la map keiñ katba kum ka ktien jong me:

DEUTERONOMI 10:10

“Bad nga la sah ha uta u lum, sawphew sngi bad sawphew miet, kumba ha ki sngi ki banyngkong: bad U Trai u la shahshkor ïa nga ha kata ka por ruh, bad U Trai um shym la sngewbha ban pynjot noh ïa me.

DEUTERONOMI 32:26

Nga la ong, “Ngan da pynsakma ïa ki haduh ki kyndong khoit, bad ngan ym pynsah shuh ïa ka jingkynmaw ïa ki hapdeng ki briew:”

DEUTERONOMI 32:36

Namar U Trai un bishar ïa la u paidlang, bad un kylla-ka-bamut na ka bynta la ki shakri; haba u ïohi ba ka bor jong ki ka la duh lehnohei, bad ba ym don ba la ker kut lane ba la pynsah.

NONGBISHAR 2:18

Te haba U Trai u la pynmih ki nongbishar ïa ki, ynda kumta, U Trai u la don lem bad uta u nongbishar, bad u la pyllait ïa ki na ka kti ki nongshun jong ki baroh ki sngi jong uta u nongbishar: namar U Trai u la kylla-ka-bamut na ka bynta ka jingud jong ki namar kita kiba la banbeiñ ïa ki bad ba la pynshitom ïa ki.

1 SAMUEL 15:11

“Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.