EKSODOS 32:13 - KA BAIBL

¹³ To kynmaw ïa la ki shakri, ïa u Abraham, ïa u Isaak, bad ïa u Israel, ha kiba me la smai da lade hi, bad me la ong ha ki, ‘Ngan pynroi ïa u symbai jong phi kat ki khlur ka bneng, bad ïa kane ka ri baroh shaphang kaba nga la kren, ngan ai ha u symbai jong phi, bad kin ïaïoh pateng ïa ka ha la ka rta.’ ”

Khasi CL Bible (BSI)

¹³ Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

EKSODOS 32:13 ပူးပေါင်းရင်းမြစ်များ

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

JENESIS 12:7

Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 15:18

Ha kata ka sngi, U Trai u la teh ka jutang bad u Abram, u da ong, “Ha u symbai jong me nga la ai ïa kane ka ri, naduh ka wah ka ri Ijipt haduh ka wah bah, kaba ka wah Ïuphratis:

JENESIS 15:5

Te u la ïalam shabar ïa u, bad u la ong, “To khmied mynta sha bneng, bad to ñiew ïa ki khlur, lada me lah ban ñiew ïa ki:” te u la ong ruh ha u, “kumta keiñ yn long u symbai jong me.”

JENESIS 15:7

U la ong ruh ha u, “Nga long U Trai uba la wallam noh ïa me na ka Ur jong ki Khaldi, ïa ka ban ai ha me ïa kane ka ri ban ïoh pateng ïa ka.”

JENESIS 17:8

Bad ngan ai ha me, bad ha u symbai jong me hadien jong me, ïa ka ri ha kaba me shong nongwei, ïa ka ri Kanaan baroh kawei keiñ, ïa ka ban long ka bynta trai ba-neh junom; bad ngan long U Blei jong ki.”

JENESIS 22:16

bad u la ong, “Nga la smai ha lade”, ong U Trai, “namar ba me la leh ïa kane, bad ba mem shym la bat noh wat ïa la u khun, ïa u khun marwei jong me na nga:

JENESIS 22:17

bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u;

JENESIS 24:7

U Trai uba U Blei jong ka bneng uba la shim noh ïa nga na ka ïing u kpa jong nga, bad na ka ri ki kur jong nga, bad uba la ïakren bad nga, bad uba la smai ruh ha nga, u da ong, ‘Ha u symbai jong me ngan ai duh ïa kane ka khyndew;’ un phah ïa la u angel ha shuwa jong me, bad me ruh men shim ka tnga ïa u khun jong nga nangtai keiñ.

JENESIS 48:16

uta u angel uba la pyllait im ïa nga na ka basniew baroh, un kyrkhu ïa kine ki samla; ïa ka kyrteng jong nga ruh bad ka kyrteng ki kpa jong nga u Abraham bad u Isaak, yn sa khot ha ki; to ai ba kin ïakha roi ruh kum ki dohkha ha ka jingbun hapdeng kata ka ri.”

EKSODOS 13:11

“Bad ynda U Trai te u la wallam ïa me sha ka ri ki Kanaan, kumba u la smai ha me bad ha ki kpa jong me bad un ai ruh ïa ka ha me,

EKSODOS 13:5

Te ynda U Trai u la ïalam ïa me sha ka ri ki Kanaan, bad ki Hit, bad ki Amor, bad ki Hib, bad ki Jebus de, ïa kaba u la smai ha ki kpa jong me ban ai ha me, ka ri kaba tuid da ka dud bad ka ngap, men leh ïa kane ka kam ha une u bnai.

EKSODOS 33:1

Te U Trai u la ong ha u Moses, “To ïeng, to leit noh nangne, ma me bad uta u paidlang ïa uba me la wallam artet na ka ri Ijipt, sha kata ka ri ïa kaba nga la smai ha u Abraham, ha u Isaak, bad ha u Jakob, da kaba ong, ‘Ha u symbai jong me ngan ai ïa ka.’

LEBITIKOS 26:42

ynda kumta, nga ruh ngan kynmaw ïa ka jutang jong nga bad u Jakob; bad ïa ka jutang jong nga bad u Isaak ruh, bad ïa ka jutang jong nga bad u Abraham ruh de ngan kynmaw keiñ; bad ngan kynmaw ïa kata ka ri ruh.

DEUTERONOMI 1:10

U Trai U Blei jong phi u la pynroi ïa phi, te ha khmih, mynta phi long paidbah kat ki khlur bneng.

DEUTERONOMI 7:8

hynrei, namar ba U Trai u la ieit ïa phi, bad namar ba un pyndep ïa ka jingsmai ïa kaba u la lah smai ha ki kpa jong phi, U Trai u la ïalam noh ïa phi da ka kti badonbor, bad u la pyllait noh ruh ïa phi na kata ka ïing ka jinglongmraw, na ka kti u Pharaoh u syiem ka ri Ijipt.

DEUTERONOMI 9:27

To kynmaw ïa ki shakri jong me, ïa u Abraham, ïa u Isaak, bad ïa u Jakob; wat khmih ïa ka jingleh kiat une u paidlang, lymne ïa ka jingleh bymman jong ki, lymne ïa ka pop jong ki:

HEBRU 6:13

Namar U Blei haba u la kular ha u Abraham, naba um lah ban smai dano dano ruh uba kham khraw, u la smai da lade hi,