EKSODOS 32:12 - KA BAIBL

¹² Balei ba kita ki Ijipt kin ïoh kren, da kaba ong, ‘Khnang ïa ka ban tyllep u la ïalam noh ïa ki, ban pynïap ïa ki ha ki lum, bad ban pynjot noh khoit keiñ ïa ki na khmat ka pyrthei?’ To phai noh na ka jingbitar ba-itieng jong me, to kylla noh ruh na kane ka basniew pyrshah ïa u paidlang jong me.

Khasi CL Bible (BSI)

¹² Balei ba ki nong Ijipt kin ïoh ong ba me la ïalam ïa la ki briew na ka ri Ijipt, da kaba me thmu ban pynïap ïa ki ha ki lum, bad ban pynjot thiaw ïa ki? Sangeh ban bitar; pynkylla noh ïa ka jingmut jong me, bad wat ai ba kane ka jingpynjot kan ngat ha ki briew jong me.

EKSODOS 32:12 ပူးပေါင်းရင်းမြစ်များ

JENESIS 6:6

Bad U Trai u la kylla-ka-bamut ba u la lah thaw ïa u briew ha ka pyrthei, bad la pynsngewsih eh ïa u ha la ka dohnud.

1 SYIEM 8:51

namar ki long ki briew jong me, bad ka bynta jong me, kiba me la wallam noh na ri Ijipt, napdeng ka lawar ding nar:

ESRA 10:14

To ai te ba yn thung ïa ki rangbah jong ngi na ka bynta u paidbah baroh, bad to ai ba kita baroh kiba don ha ki shnong jong ngi kiba la shongkurim ïa ki kynthei nongwei kin wan ha ki por ba la buh, bad lem bad ki, ki tymmen basan kawei pa kawei ka shnong bad ki nongbishar jong ka, tad ynda yn pynphai noh ïa ka jingbitar ba-itieng U Blei jong ngi na ngi, haduh ban da pyndep noh ïa kane ka kam.”

SALM 106:45

bad u la ju kynmaw, ïa la ka jutang na ka bynta jong ki, bad u la ju kylla-ka-bamut katba kum ka jingkynrei ki jingisynei jong u.

SALM 74:18

To kynmaw ïa kane, ba u nongshun u la krenbeiñ, A Trai, bad ba u paidbah uba bieit u la krenbeiñ blei ïa ka kyrteng jong me.

SALM 78:38

Ma u, hynrei, namar ba uba isynei eh, u la map ïa ka jingleh bymman jong ki, bad um shym pynduh noh ïa ki; bunsien ruh u la pynphai noh ïa la ka jingbitar, bad um shym pynkynroi ïa la ka jingbitar baroh.

SALM 85:3

Me la law noh ïa la ka jingbitar baroh: me la phai noh ïa lade na ka jingotshla ka jingbitar jong me.

SALM 90:13

To phai, A Trai; slem katno? bad to kylla-ka-bamut shaphang ki shakri jong me.

EKSODOS 32:14

Ynda kumta, U Trai u la kylla noh na kata ka basniew ïa kaba u la thmu ban leh ha u paidlang jong u.

EKSODOS 33:13

Mynta, namar kata, nga kyrpad ïa me, lada nga la shem ïa ka jingsngewbha ha khmat jong me, to pyni ha nga ïa ka lynti jong me, ba ngan ïoh ithuh ïa me, bad ba ngan ïoh shem ïa ka jingsngewbha ha khmat jong me: to khmih ruh ba kane ka jaid bynriew ka long u paidlang jong me.”

ISAÏAH 64:7

Ym don ruh uba khot kyrpad ïa ka kyrteng jong me, uba pynkhih ïa lade ban bat ïa me: namar me la buhrieh ïa la ka khmat na ngi, me la pynbam duh ïa ngi ruh da ki jingbymhok jong ngi.

ISAÏAH 64:8

Hynrei mynta, A Trai, me long U Kpa jong ngi; ngi long ka 'dewbyrtha, bad me u nongthaw khiew jong ngi; te ngi baroh ngi long ka kam ka kti jong me.

JEREMAÏAH 28:16

Namar kata, kumne u ong U Trai, ‘Ha khmih, ngan phah noh ïa me na khmat ka khyndew: ha kane ka snem men ïap, namar ba me la kren ïa ka jingïaleh pyrshah ïa U Trai.’ ”

ESEKIEL 20:14

Hynrei, nga la leh na ka bynta la ka kyrteng, ba yn ym pyntngit ïa ka ha khmat kita ki jaid bynriew, kiba ha khmat jong ki nga la pynmih noh ïa ki.

ESEKIEL 20:22

La kumta ruh, nga la kynran la ka kti, bad nga la leh na ka bynta la ka kyrteng, ba yn ym pyntngit ïa ka ha khmat kita ki jaid bynriew, kiba ha khmat jong ki nga la pynmih noh ïa ki.

ESEKIEL 20:9

Hynrei, nga la leh na ka bynta la ka kyrteng, ba yn ym pyntngit ïa ka ha khmat ki jaid bynriew, hapdeng kiba ki la don, kiba ha khmat jong ki nga la pynpaw ïa lade ha ki, ha kaba wallam noh ïa ki na ka ri Ijipt.

JOEL 2:17

Ai ba ki lyngdoh, ki shakri U Trai, kin ïam hapdeng ka khyrdop bad ka duwan, bad to kin ong, “To isynei ïa la ki briew, A Trai, bad wat buh ïa la ka bynta ban long ka jingrkhiebeiñ, ba ki jaid bynriew kin synshar halor jong ki: balei kin ïa-ong hapdeng ki jaid bynriew, ‘Hangno U Blei jong ki?’ ”

AMOS 7:3

U Trai u la kylla-ka-bamut shaphang kane: “Kan ym long keiñ,” ong U Trai.

AMOS 7:6

U Trai u la kylla-ka-bamut shaphang kane: “Kane ruh kan ym long,” ong U Trai U Blei.

JONAH 3:9

Uei ba tip la U Blei un kylla ne em bad kylla-ka-bamut, bad phai noh na kata ka jingbitar lep jong u, ba ngin ym ïap noh?”

SEKHARAÏAH 8:14

Naba kumne u ong U Trai ki paid: “Kumjuh kumba nga, nga la thmu ban leh sniew ïa phi, haba ki kpa jong phi ki la pynkhih bitar ïa nga,” ong U Trai ki paid, “bad ngam shym kylla-ka-bamut;

JINGKHEIÑ 14:19

Te nga kyrpad ïa me, to map ïa ka pop jong kine ki briew, katba kum ka jingisynei ka bakhraw jong me, bad kumba me la map ïa kine ki briew, naduh ka ri Ijipt jin haduh mynta.”

JINGKHEIÑ 16:21

“To pynkyrpang ïa lade napdeng une u paidlang, ba ngan pynjot noh thiaw ïa ki shisyndon.”

DEUTERONOMI 13:17

Te kan ym snoh ei ei ruh na kata ïa kaba la tim, ha ka kti jong me: ba U Trai un phai noh na kaba shit lep ka jingbitar jong u, bad un pyni ïa ka jingisynei ïa me, bad un isynei ïa me, bad un pynroi ruh ïa me, kumba u la smai ha ki kpa jong me;

DEUTERONOMI 32:36

Namar U Trai un bishar ïa la u paidlang, bad un kylla-ka-bamut na ka bynta la ki shakri; haba u ïohi ba ka bor jong ki ka la duh lehnohei, bad ba ym don ba la ker kut lane ba la pynsah.

DEUTERONOMI 9:28

ïoh ba kata ka ri na kaba me la wallam noh ïa ngi kan ong, “Namar ba U Trai um lah keiñ ban wallam ïa ki sha kata ka ri ïa kaba u la lah kular ha ki, bad namar ba u la isih ïa ka ruh, u la wallam noh ïa ki, ïa ka ban pynïap ïa ki ha kata ka ri khlaw.”

JOSHUA 7:26

Ki la kynton ruh halor jong u ka kynton maw ka bakhraw, haduh kane ka sngi; kumta U Trai u la phai noh na kaba shit lep ka jingbitar jong u. Namar kata, la kyrteng ïa kata ka jaka, “ka Them Akhor,” haduh kane ka sngi.

JOSHUA 7:9

Namar ki Kanaan bad ki trai-shnong kiba ha ka ri kin ïohsngew ïa kane, bad kin ker sawdong ïa ngi, kin ot noh ruh ïa ka kyrteng jong ngi na ka khyndew: te men leh kumno ïa la ka kyrteng bakhraw?”

1 SAMUEL 12:22

Naba U Trai un ym kyntait ïa la ki briew na ka bynta ka kyrteng kaba khraw jong u: namar U Trai u la ibit ban pynlong ïa phi u paidbah ha u hi.