EKSODOS 32:11 - KA BAIBL

¹¹ Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

Khasi CL Bible (BSI)

¹¹ Hynrei u Moses u la ïasaid bad U Trai U Blei jong u, bad u la ong, “Ko Trai, balei ba men bitar haduh katne ïa la ki jong ki briew, kiba me la pyllait na ka ri Ijipt da ka jingkhlaiñ bakhraw bad da ka bor?

EKSODOS 32:11 ပူးပေါင်းရင်းမြစ်များ

JENESIS 18:27

Bad u Abraham u la ïathuh bad u la ong, “Ha khmih mynta, nga la sngewshlur ban kren ha U Trai jong nga, la nga long tang ka 'dewmet bad ki dpei:

1 SYIEM 8:51

namar ki long ki briew jong me, bad ka bynta jong me, kiba me la wallam noh na ri Ijipt, napdeng ka lawar ding nar:

NEHEMAÏAH 1:10

Mynta, kine ki long ki shakri jong me bad u paidlang jong me, ïa kiba me la pynim da ka bor bakhraw jong me, bad da ka kti badonbor jong me.

SALM 106:23

Namar kata, u la ong ba un pynduh ïa ki, lymda u Moses uba la jied jong u, u la ïeng ha khmat jong u ha kata ka jingpyntwa, ïa ka ban pynphai noh ïa ka jingbitar jong u, ïoh ba un pynduh noh ïa ki.

EKSODOS 32:7

Te U Trai u la ong ha u Moses, “To khie leit da hiar noh; naba uta u paidbah jong me, ïa uba me la wallam noh artet na ka ri Ijipt, u la pynsniew ïa lade;

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

ISAÏAH 63:17

Ko Trai, balei me pynbakla ïa ngi na ki lynti jong me, bad me la pyneh ïa ka dohnud jong ngi na kaba sheptieng ïa me? To phai na ka bynta ki shakri jong me, ki jaid ka jingïoh kynti jong me.

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

SNGEWSYNEI 2:20

“To khmih, ko Trai, bad to i, ïano me la leh kumne! hato ki kynthei kin bam ïa la u jong u soh, ïa ki khun kiba dang kynoi ha ki kti! yn pynïap ïa u lyngdoh bad ïa u nongïathuhlypa ha ka jaka kyntang jong U Trai?”

ESEKIEL 20:9

Hynrei, nga la leh na ka bynta la ka kyrteng, ba yn ym pyntngit ïa ka ha khmat ki jaid bynriew, hapdeng kiba ki la don, kiba ha khmat jong ki nga la pynpaw ïa lade ha ki, ha kaba wallam noh ïa ki na ka ri Ijipt.

DANIEL 9:15

Te mynta, A Trai U Blei jong ngi, uba la wallam noh ïa la ki briew na ka ri Ijipt da ka kti badonbor, bad uba la pyndonnam ïa lade, kumba ha kane ka sngi; ngi la leh pop, ngi la leh bymman.

JOEL 2:17

Ai ba ki lyngdoh, ki shakri U Trai, kin ïam hapdeng ka khyrdop bad ka duwan, bad to kin ong, “To isynei ïa la ki briew, A Trai, bad wat buh ïa la ka bynta ban long ka jingrkhiebeiñ, ba ki jaid bynriew kin synshar halor jong ki: balei kin ïa-ong hapdeng ki jaid bynriew, ‘Hangno U Blei jong ki?’ ”

JINGKHEIÑ 11:11

U Moses te u la ong ha U Trai, “Balei ba me la pynjynjar ïa la u shakri? Balei ruh ba ngam shym la shem ka jingisynei ha khmat jong me, ba me la buh ïa ka jingkit jong kine ki briew baroh halor jong nga?

JINGKHEIÑ 14:13

Te u Moses u la ong ha U Trai, “Kumta ki Ijipt kin ïohsngew; namar me la wallam ïa kine ki briew da ka borbah jong me napdeng jong ki.

JINGKHEIÑ 16:22

Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?”

JINGKHEIÑ 21:7

Te namar kata, kita ki briew ki la wan ha u Moses, ki la ong ruh, “Ngi la leh pop, ba ngi la kren pyrshah ïa U Trai, bad pyrshah ïa me ruh; to duwai ha U Trai, ba un shim noh ïa kine ki bseiñ napdeng jong ngi.” Bad u Moses u la duwai na ka bynta uta u paidbah.

JINGKHEIÑ 27:4

Te namar ba um shym la don khun shynrang, balei ba yn pyndam ïa ka kyrteng u kpa jong ngi napdeng ki kur jong u? To ai te ïa ka bynta trai ha ngi hapdeng ki para u kpa jong ngi.”

1 SAMUEL 15:11

“Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.