EKSODOS 32:10 - KA BAIBL

¹⁰ Namar kata, to iehnoh ïa nga mynta, ba ka jingbitar jong nga kan ïoh meh buk pyrshah ïa ki, bad ba ngan ïoh pynduh noh khoit ïa ki: bad ngan pynlong ïa me ïa ka jaid bynriew bakhraw.”

Khasi CL Bible (BSI)

¹⁰ Mynta, wat pyrshang ban pynsangeh ïa nga. Nga bitar ïa ki, bad ngan pynjot thiaw ïa ki. Nangta ngan pynlong ïa me bad ïa ki khun ki ksiew jong me ka jaitbynriew kaba khraw.”

EKSODOS 32:10 ပူးပေါင်းရင်းမြစ်များ

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

SALM 106:23

Namar kata, u la ong ba un pynduh ïa ki, lymda u Moses uba la jied jong u, u la ïeng ha khmat jong u ha kata ka jingpyntwa, ïa ka ban pynphai noh ïa ka jingbitar jong u, ïoh ba un pynduh noh ïa ki.

EKSODOS 22:24

bad kan sa meh ka jingbitar jong nga, te ngan pynïap ïa phi da ka waitlam; te ki tnga jong phi kin sa long ki riewkynthei, bad ki khun jong phi kin sa long ki khunswet.

EKSODOS 32:11

Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

EKSODOS 32:19

Ka la jia te, katba u la wan hajan ka jaka shong dara, u la ïohi ïa uta u khun masi bad ïa kata ka jingshad; te ka jingbitar u Moses ka la khie buk, bad u la bred noh dak ïa kita ki maw lyngkniap na ka kti jong u, bad u la lympat ïa ki ha trai uta u lum.

EKSODOS 33:3

sha ka ri kaba tuid da ka dud bad ka ngap; namar nga, ngan ym leit kiew ryngkat hapdeng jong me; naba me u paidlang ba-eh ryndang; ba ïoh ngan pynduh noh khoit ïa me ha kata ka lynti.”

JEREMAÏAH 11:14

“Namar kata, wat duwai na ka bynta kine ki briew, lymne wat pynmih ka jinglynñiar lymne ka jingduwai na ka bynta jong ki: namar ngan ym sngap ïa ki ha ka por ba ki lynñiar ha nga namar ka jingjynjar jong ki.

JEREMAÏAH 14:11

Bad U Trai u la ong ha nga, “Wat duwai na ka bynta une u paidbah ban ïoh jingbha ïa ki.

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

JEREMAÏAH 7:16

“Namar kata, me to wat duwai na ka bynta une u paidbah, lymne wat pynjam ka jingpyrta lane ka jingduwai na ka bynta jong ki, lymne wat pynlong ka jingïasaid ha nga: naba ngan ym sngap ïa me.

ESEKIEL 20:13

Hynrei, ka ïing Israel ka la ïaleh pyrshah ïa nga ha ka ri khlaw: kim shym la ïaid ha ki aiñ jong nga, bad ki la kyntait ïa ki jingbishar jong nga, kiba lada u briew un leh ïa ki, un ïoh im ha ki; bad ïa ki Sabbaton jong nga ki la lehbeiñ sang: ynda kumta, nga la ong ba ngan theh noh ïa la ka jingbitar shla halor jong ki ha ka ri khlaw, ban pynduh ïa ki.

JINGKHEIÑ 14:12

Ngan shoh ïa ki da kaba ïapthem, bad ngan pynsaphred ruh ïa ki, te ïa me, ngan pynlong ka jaid bynriew kaba kham khraw, bad kaba kham khlaiñ ruh ïa ki.”

JINGKHEIÑ 16:21

“To pynkyrpang ïa lade napdeng une u paidlang, ba ngan pynjot noh thiaw ïa ki shisyndon.”

JINGKHEIÑ 16:22

Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?”

DEUTERONOMI 9:14

to shah ïa nga, ba ngan ïoh pynjot noh ïa ki, bad pyndam noh ïa ka kyrteng jong ki napoh ki bneng; te ngan pynlong ïa me ka jaid bynriew kaba kham don bor, bad kaba kham khraw ruh ban ïa ki.’

DEUTERONOMI 9:19

Namar nga la sheptieng ïa ka jingbitar, bad ïa ka jingsngewsih sat, da kiba U Trai u la bitar pyrshah ïa phi ïa ka ban pynjot noh ïa phi. Hynrei, U Trai u la shahshkor ïa nga ha kata ka por ruh.

JAKOB 5:16

To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.