EKSODOS 32:1 - KA BAIBL

¹ Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

Khasi CL Bible (BSI)

¹ Haba ki paidbah ki la ïohi ba u Moses um pat shym wan hiar na u lum hynrei u la sah slem hangta, ki la ïalumlang sawdong ïa u Aaron, bad ki la ong ha u, “Ngim tip satia ka la jia aïu ïa une u Moses, uba la ïalam ïa ngi ban mihnoh na ka ri Ijipt; kumta to thaw ïa ngi u blei u ban ïalam ïa ngi.”

EKSODOS 32:1 ပူးပေါင်းရင်းမြစ်များ

JENESIS 19:14

U Lot, namar kata, u la leit shabar, bad u la kren ha la ki pyrsa kurim, kiba la shongkurim bad ki khun kynthei jong u, bad u la ong, “To phin khie joit, to da wan noh na kane ka jaka; naba U Trai un sa pynduh noh thiaw ïa kane ka nongbah.” Hynrei, ha khmat la ki pyrsa kurim u la imat long kum uba kren biria.

JENESIS 21:26

Te u Abimelekh u la ong, “Nga ngam shym la tip mano ba la leh ïa kane: ma me hi ruh mem shym la ïathuh keiñ ha nga, nga ruh ngam shym la ïohsngew shaphang kata, hynrei, tang ha kane ka sngi.”

JENESIS 39:8

Hynrei, u la kyrngah, bad u la ong ruh ha ka tnga u kynrad jong u, “Ha khmih, u kynrad jong nga um tip shaphang kaei kaei ruh kaba don bad nga ha ïing, bad ïa kiei kiei baroh u la buh ha ka kti jong nga;

JENESIS 44:15

Bad u Joseph u la ong ha ki, “Kaei kane ka jingleh ba phi la leh? Phim tip ba u briew kat ma nga u lah ban khan shisha?”

JENESIS 44:4

Haba ki la poi shabar ka nongbah, te haba kim pat la jngai, u Joseph u la ong ha uba halor ka ïing jong u, “To ïeng, bad to khie leit beh hadien ïa kita ki briew; bad ynda me la lap ïa ki, to ong ha ki, ‘Hato balei ba phi la siew kylliang da ka basniew na ka bynta ka babha?

SALM 106:19

Ki la thaw khun masi ha Horeb, bad ki la mane ïa ka durblei ba la saiñ.

EKSODOS 13:21

Bad U Trai u la ïaid ha shuwa jong ki mynsngi ha u rishot lyoh, ban ïalam lynti ïa ki; bad mynmiet ruh ha u rishot ding, ban ai jingshai ïa ki; ba ki lah ban ïaid mynsngi bad mynmiet ruh:

EKSODOS 14:11

Ki la ïa-ong ruh ha u Moses, “Namar bymdon ki jingtep ha ka ri Ijipt, ba me la ïalam noh ïa ngi ban ïap ha kane ka ri khlaw? balei ba me la leh kumne bad ngi ban ïalam noh ïa ngi na ka ri Ijipt?

EKSODOS 16:3

bad ki khun Israel ki la ïa-ong ha ki, “A ban da ngi, ngi la ïap da ka kti U Trai ha ka ri Ijipt, mynba ngi la ïashong hajan ki khiew doh, mynba ngi la ïabam ïa u kpu ha ban da kdang; naba phi la wallam noh ïa ngi ha kane ka ri khlaw, ban pynïap ïa une u paidbah baroh da ka jingthngan.”

EKSODOS 20:23

Nalor jong nga wat thaw ïa ki blei da ka rupa, lymne wat thaw ha phi ïa ki blei da ka ksiar.

EKSODOS 24:12

Bad U Trai u la ong ha u Moses, “To wan kiew sha nga ha une u lum, to sah hangta ruh: bad ngan ai ha me ïa ki maw lyngkniap, bad ïa ki hukum bad ïa ki adong ïa kiba nga la thoh, ba men ïoh hikai ïa ki.”

EKSODOS 24:18

Te u Moses u la leit shapdeng uta u lyoh, bad u la kiew noh sha uta u lum: bad u Moses u la sah ruh ha uta u lum sawphew sngi bad sawphew miet.

EKSODOS 32:11

Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

EKSODOS 32:22

Te u Aaron u la ïathuh, “Wat ai ba kan meh buk ka jingbitar u kynrad jong nga: me ithuh ïa une u paidlang, ba u dap keiñ da ka basniew.

EKSODOS 32:23

Namar ki la ïa-ong ha nga, ‘To thaw blei ïa ngi, ba un leit ha shuwa jong ngi: naba une u Moses, uta u briew uba la wallam noh artet ïa ngi na ka ri Ijipt, ngim tip shuh la jia aïu ïa u.’

EKSODOS 32:7

Te U Trai u la ong ha u Moses, “To khie leit da hiar noh; naba uta u paidbah jong me, ïa uba me la wallam noh artet na ka ri Ijipt, u la pynsniew ïa lade;

EKSODOS 33:3

sha ka ri kaba tuid da ka dud bad ka ngap; namar nga, ngan ym leit kiew ryngkat hapdeng jong me; naba me u paidlang ba-eh ryndang; ba ïoh ngan pynduh noh khoit ïa me ha kata ka lynti.”

ESEKIEL 20:8

Hynrei, ki la ïaleh pyrshah ïa nga, bad kim treh ban shahshkor ïa nga; uwei uwei baroh um shym bred noh ïa ki jingijli ki khmat jong u, lymne kim shym iehnoh noh ïa ki bleithaw ka ri Ijipt: ynda kumta, nga la ong ba ngan theh noh ïa la ka jingbitar shla halor jong ki, ban pyndep ïa la ka jingbitar pyrshah ïa ki hapdeng ka ri Ijipt.

HOSIA 12:13

Bad da u nongïathuhlypa, U Trai u la wallam ïa u Israel na Ijipt, da u nongïathuhlypa ruh la sumar ïa u.

MIKAH 6:4

Naba nga la wallam ïa me na ka ri Ijipt, bad nga la pyllait ïa me na ka ïing ka jinglongmraw; bad nga la phah ïa u Moses, u Aaron, bad ka Miriam ha shuwa jong me.

JINGKHEIÑ 14:22

Namar kita ki briew baroh kiba la ïohi ïa ka burom jong nga, bad ïa ki dak phylla jong nga ïa kiba nga la leh ha ka ri Ijipt, bad ha kata ka ri khlaw, bad kiba la pynshoi ïa nga kine shiphew sien, bad kim shym la shahshkor ruh ïa ka ktien jong nga;

MATHAÏOS 24:43

Ïa kane te phi tip, ba lada u trai ïing u la tip ha kano ka por ba un wan u nongtuh, un da la ap, bad un ym da shah ban prat ïa ka ïing jong u.

MATHAÏOS 24:48

Hynrei, lada uta u shakri bymman te un ong ha la ka dohnud, ‘U kynrad jong nga u tud ban wan;’

KI KAM 17:29

“Te haba ngi long ki khun ki ksiew jong U Blei, ym dei ïa ngi ban mut ba Ka Jinglong Blei ka long syriem ïa ka ksiar lane ïa ka rupa lane ïa u maw, ba la pynlong dur da ka kam stad bad ka buit jong u briew.

KI KAM 19:26

Bad phi ïohi bad phi ïohsngew ruh, ba ym tang ha Ephesos hi, hynrei, la jan ha baroh kawei ka Asia, une u Paul u la pynkohnguh bad u la pynkylla noh ïa u paidbah babun, u da ong, ba kim long ki blei kita kiba la thaw da ki kti;

KI KAM 7:40

ki da ong ha u Aaron, ‘To thaw ki blei ïa ngi, ki ban leit ha shuwa jong ngi; namar ïa u Moses, une uba la ïalam noh ïa ngi na ka ri Ijipt, ngim tip kaei kaba la jia ha u.’

DEUTERONOMI 31:8

Namar U Trai da lade hi, u leit ha shuwa jong me; un long ryngkat bad me, un ym iehnoh ïa me, lymne kyntait noh ïa me; wat sheptieng te, lymne wat khaw-eit.”

DEUTERONOMI 9:1

“To sngew, A Israel: Ha kane ka sngi men sa leit sha shiliang ka Jordan, ban ïoh leit hapoh ïa ka ban ïoh ïa ki jaid bynriew kiba kham khraw, bad kiba kham don bor ban ïa me, ïa ki nongbah bakhraw, bad ba la ker haduh ki bneng,

DEUTERONOMI 9:9

Mynba nga la leit kiew sha uta u lum ban pdiang ïa kita ki maw lyngkniap, ki maw lyngkniap kata ka jutang keiñ ïa kaba U Trai u la thaw bad phi, te nga la ïaisah ha uta u lum, sawphew sngi bad sawphew miet; ngam shym la bam kpu lymne dih um.

JOSHUA 7:13

To ïeng noh, pynkhuid ïa u paidbah, to ong ruh, ‘To pynkhuid ïa lade hamar kaba lashai: naba kumne ong U Trai, U Blei ki Israel, “Don kata ka basang hapdeng jong me, ko Israel: mem lah ban ïeng ha khmat ki nongshun jong me, ha ban da phin pynmih noh ïa kata ka basang napdeng jong phi.”

2 PETROS 3:4

bad ki da ong, “Hangno kata ka jingkular ïa ka jingwan jong u? namar naduh kaba kita ki kpa tymmen ki la ïohthiah noh, kiei kiei baroh ki ïaisah kumba ki ju long naduh myndanglong ka pyrthei.”