EKSODOS 31:18 - KA BAIBL

¹⁸ Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

Khasi CL Bible (BSI)

¹⁸ Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 31:18 ပူးပေါင်းရင်းမြစ်များ

2 SYIEM 11:12

Ynda kumta, u la pynmih noh ïa uta u khun u syiem, bad u la pynphong ïa u ka pansngiat, bad u la ai ka jingphla ha u; te haba ki la thung syiem ïa u, ki la pynsleh ïa u; bad ki la ïathab kti, bad ki la ïa-ong, “U Blei un pynim ïa u syiem.”

EKSODOS 24:12

Bad U Trai u la ong ha u Moses, “To wan kiew sha nga ha une u lum, to sah hangta ruh: bad ngan ai ha me ïa ki maw lyngkniap, bad ïa ki hukum bad ïa ki adong ïa kiba nga la thoh, ba men ïoh hikai ïa ki.”

EKSODOS 24:18

Te u Moses u la leit shapdeng uta u lyoh, bad u la kiew noh sha uta u lum: bad u Moses u la sah ruh ha uta u lum sawphew sngi bad sawphew miet.

EKSODOS 8:19

Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

MATHAÏOS 12:28

Hynrei, lada nga beh noh ïa ki ksuid da U Mynsiem U Blei, kumta te, ka hima U Blei ka la wan shisyndon ha phi.

LOUKAS 11:20

Hynrei, lada nga beh noh ïa ki ksuid da ka shynriah'ti U Blei, te kumta ka hima ka jong U Blei ka la wan ha phi.

2 KORINTH 3:3

kiba paw shynna ba phi long ka shithi U Khrist ïa kaba la trei minot da ngi, ïa kaba la thoh ym da ka sia, hynrei, da U Mynsiem U Blei u ba-im, ym ha ki maw lyngkniap, hynrei, ha ki doh lyngkniap ka dohnud keiñ.

DEUTERONOMI 10:4

Bad u la thoh ha kita ki maw lyngkniap, katba kum kata ka jingthoh ka banyngkong, ïa ki shiphew hukum keiñ, ïa kiba U Trai u la kren ha phi ha uta u lum, napdeng kata ka ding, ha ka sngi kata ka jingïaseng; bad U Trai u la ai ïa ki ha nga.

DEUTERONOMI 4:13

Bad u la pyntip ha phi ïa ka jutang jong u, ïa kaba u la hukum ïa phi ban leh, ïa kita ki shiphew hukum keiñ; bad u la thoh ïa ki ha ki ar tylli ki maw lyngkniap.

DEUTERONOMI 5:22

“Ïa kine ki ktien, U Trai u la kren ha ka jingïaseng lang jong phi baroh ha uta u lum napdeng kata ka ding, na uta u lyoh, bad na kata ka jingdum tliw tliw, da ka jingsawa bajam: bad um shym la kren shuh nalor kata. Bad u la thoh ruh ïa ki ha ki ar tylli ki maw lyngkniap, bad u la ai ïa ki ha nga.

HEBRU 9:4

kaba don ka pliang ksiar bathang iwbih, bad ka synduk ka jutang ïa kaba la suit baroh sawdong da ka ksiar, ha kaba la don u khiew ksiar uba don kata ka manna, bad uta u diengduh u Aaron uba la phuh, bad kita ki maw lyngkniap jong ka jutang;