EKSODOS 31:13 - KA BAIBL

¹³ “To kren ruh ha ki khun Israel, da kaba ong, ‘Shisha phin rakhe ïa ki Sabbaton jong nga: naba ka long ka dak hapdeng jong nga bad phi ha ki pateng la pateng bynriew jong phi baroh; ïa ka ban ïoh tip ba long ma nga U Trai uba pynkyntang ïa phi.

Khasi CL Bible (BSI)

¹³ “Rakhe ïa ka sngi Sabbaton, ka sngi shongthait jong nga namar ka long ka dak hapdeng jong nga bad phi pateng la pateng, ba phin ïoh tip ba nga U Trai nga la pynlong ïa phi ki briew jong nga hi.

EKSODOS 31:13 ပူးပေါင်းရင်းမြစ်များ

NEHEMAÏAH 9:14

bad me la pyntip ha ki, ïa ka Sabbaton bakhuid jong me, bad me la hukum ïa ki hukum ïa ki, bad ki aiñ, bad ka rukom, da ka kti u Moses u shakri jong me:

EKSODOS 31:12

Bad U Trai u la kren ha u Moses, u da ong,

EKSODOS 31:17

Hapdeng jong nga bad ki khun Israel, kane ka long ka dak ha la ka rta: ba ha ka bahynriew sngi, U Trai u la thaw ïa ka bneng bad ïa ka khyndew, bad ha ka sngi ka bahynñiew u la shong sngi, bad u la shong pyngngad.’ ”

ISAÏAH 56:2

Suk uta u briew uba leh ïa kane, bad u khun u briew uba bat khak ïa ka; uba sumar ïa ka Sabbaton ban ym pynkheiñ ïa ka, bad uba sumar ïa la ka kti ban ym leh ïa kano kano ka basniew.”

JEREMAÏAH 17:22

lymne wat kit shabar ïa ka jingkit na ki ïing jong phi ha ka sngi Sabbaton, lymne wat leh ïa kano kano ka kam: hynrei, phin pynkyntang ïa ka sngi Sabbaton, kumba nga la hukum ïa ki kpa jong phi;”

ESEKIEL 20:12

Nalor kata, nga la ai ruh ha ki, ïa ki Sabbaton jong nga, ïa ka ban long ka dak hapdeng jong nga bad ki, ba kin ïoh tip ba nga long ma nga U Trai uba pynkyntang ïa ki.

ESEKIEL 20:20

bad to sumar khuid ïa ki Sabbaton jong nga; bad kin long ka dak hapdeng jong nga bad phi, ba phin ïoh tip ba nga long U Trai U Blei jong phi.’

ESEKIEL 37:28

Bad ki jaid bynriew kin ïoh tip ba nga long U Trai uba pynkyntang ïa ki Israel, haba ka jaka kyntang jong nga kan long hapdeng jong ki junom junom.”

ESEKIEL 44:24

Bad ha ka jingïakajia kin ïeng ban bishar; kin bishar ïa ka katba kum ki jingbishar jong nga: bad kin rakhe ïa ki hukum jong nga bad ïa ki aiñ jong nga ha Ki Jingkhawai Niam jong nga baroh kiba la buh; bad kin kyntang khuid ïa ki Sabbaton jong nga.

LEBITIKOS 19:3

To sheptieng uwei uwei baroh ïa la ka kmie, bad ïa la u kpa, bad to rakhe ïa ki Sabbaton jong nga: Nga long U Trai U Blei jong phi keiñ.

LEBITIKOS 19:30

To rakhe ïa ki Sabbaton jong nga, bad to burom ïa ka jaka kyntang jong nga: Nga long U Trai keiñ.

LEBITIKOS 20:8

Bad phin sumar ïa ki hukum jong nga, bad to leh ïa ki: Nga long U Trai uba pynkhuid ïa phi.

LEBITIKOS 21:8

Namar kata, men ñiew kyntang ïa u: naba u ainguh ïa ka jingbam ka jong U Blei jong me keiñ: to ai ba un long u bakhuid ïa me: naba ma nga U Trai, uba pynkhuid ïa phi, nga long u bakhuid.

LEBITIKOS 23:3

Hynriew sngi yn ïoh ban trei jingtrei: hynrei, ha ka bahynñiew sngi yn long ka Sabbaton ka jingshongthait, ka jingïaseng bakhuid; phin ym trei jingtrei satia; ka long ka Sabbaton ïa U Trai ha ki ïing jong phi baroh.

LEBITIKOS 25:2

“To kren ha ki khun Israel, bad to ong ha ki, ‘Haba phin wan sha ka ri ïa kaba ngan ai ha phi, ynda kumta, to ai ba ka khyndew kan shongthait ka Sabbaton ïa U Trai.

LEBITIKOS 26:2

Ïa ki Sabbaton jong nga phin sumar, bad ïa ka jaka kyntang jong nga phin burom: Nga long U Trai.

AMOS 8:5

phi ïa-ong, ‘Lano un ïap noh u 'nai thymmai, ba ngin ïadie Kew? bad ka Sabbaton, ba ngin pynmih noh ïa u Kew? da kaba pynrit ïa ka ephah, bad pynheh ïa ka shekel, bad leh shukor da ki tarajur ka jingbymhok;

MATHAÏOS 23:17

Phi kiba bieit bad bamatlah! naba kano ka long kaba kham khraw, kata ka ksiar, lane kata ka templ kaba pynkyntang ïa kata ka ksiar?

ÏOANNIS 17:17

To pynkyntang ïa ki da ka jingshisha: ka ktien jong me ka long ka jingshisha.

ÏOANNIS 17:19

Te na ka bynta jong ki; nga, nga pynkyntang ïa lade, ba ki ruh kin ïalong kiba la ïoh pynkyntang khuid da ka jingshisha.

DEUTERONOMI 5:12

“ ‘To sumar ïa ka sngi Sabbaton, ïa ka ban pynkyntang ïa ka, kumba U Trai uba U Blei jong me u la hukum ïa me.

1 THESSALONI 5:23

Te U Blei ka jingsuk, ma u hi, un pynkhuid phar ïa phi; bad to ai ba yn sumar kyndong ïa ka mynsiem, bad ïa ka jingim, bad ïa ka met jong phi shitylli khlem jingrem ha kata ka jingwan U Jisu Khrist uba U Trai jong ngi.

JUDAH 1:1

U Judah, u shakri U Jisu Khrist, bad u para u Jakob, Ha kita ïa kiba la khot, kiba ieit ha U Blei U Kpa, bad ïa kiba la ri noh khnang ïa U Jisu Khrist: