EKSODOS 30:7 - KA BAIBL

⁷ Bad u Aaron un thang halor jong ka, ïa ka jingiwbih thang da ki musla man ka step: haba u shna ïa ki sharak, un thang ïa ka jingiwbih thang halor jong ka,

Khasi CL Bible (BSI)

⁷ Man ka step haba u Aaron u wan ban pynkhreh ïa ki sharak, u dei ban thang ïa ka jingiwbih halor jong ka.

EKSODOS 30:7 ပူးပေါင်းရင်းမြစ်များ

1 KHRONIKL 23:13

Ki khun shynrang u Amram: u Aaron bad u Moses: te ïa u Aaron la pynkyrpang, ba un pynkyntang ïa kiei kiei ki bakyntang tam, ma u bad ki khun jong u, ha la ka rta, ban thang jingiwbih ha khmat U Trai, ban shakri ha U, bad ban kyrkhu ha ka kyrteng jong U, ha la ka rta.

1 KHRONIKL 6:34

u khun u Elkanah, u khun u Jeroham, u khun u Eliel, u khun u Toah;

2 KHRONIKL 2:3

Te u Solomon u la phah sha u Huram u syiem ka Tyros, u da ong, “Kumba me la leh bad u Dabid u kpa jong nga, bad me la phah ha u ïa ki dieng Kedar ban thaw ka ïing ïa u ba un shong ha ka, kumta ruh, to leh bad nga.

2 KHRONIKL 2:4

Ha khmih, nga thaw kawei ka ïing ïa ka kyrteng U Trai uba U Blei jong nga, ban pynkyntang ïa ka sha u, bad ban thang ha khmat jong u, ïa ka jingiwbih thang da ki musla, bad na ka bynta u 'pu pyni uba ha la ka sngi, bad na ka bynta ka jingainguh thang mynstep bad ynda la janmiet, ha ki Sabbaton, bad ha ki bnai bathymmai, bad ha Ki Jingkhawai Niam ba la buh jong U Trai uba U Blei jong ngi. Kane ka long kaba ha la ka rta ïa ki Israel.

2 KHRONIKL 26:18

bad ki la ïaïeng pyrshah ïa u syiem Ussiah, bad ki la ong ha u, “Ym dei ka jong me, ko Ussiah, ban thang jingiwbih ha U Trai, hynrei, ka jong ki lyngdoh hi ki khun u Aaron, ïa kiba la pynkyntang ban thang jingiwbih: to mih noh na ka jaka kyntang; naba me la leh palat; lymne kan ym long burom ïa me na U Trai U Blei.”

2 KHRONIKL 29:7

Ki la khang noh ruh ïa ki jingkhang ka batsha, bad ki la pynlip ïa ki sharak, bad kim shym thang ïa ki jingiwbih lymne ainguh ïa ki jingainguh thang ha ka jaka bakhuid ha U Blei jong ki Israel.

SALM 141:2

Ai ban pynïeng ïa ka jingduwai jong nga kum ka jingiwbih thang ha khmat jong me; ïa kaba kyntiew ki kti jong nga kum ka jingainguh la janmiet.

EKSODOS 30:34

U Trai u la kren ruh ha u Moses, “To shim ha me ïa ki jingiwbih bathiang, ïa ka stakte, bad ïa ka onikha bad ïa ka galbanam; ïa kine ki musla bathiang lem bad ka luban: na kawei kawei men shim kumjuh.

EKSODOS 30:6

Bad men buh ïa ka ha khmat kata ka jingkah kaba hajan ka synduk ka jingphla, ha khmat kata ka jingtap-isynei kaba halor kata ka jingphla, ha kaba ngan ïashem bad me.

EKSODOS 30:8

bad haba u Aaron u tbeh ïa kita ki sharak la janmiet ruh, un thang ïa ka jingiwbih thang halor jong ka, ka jingiwbih thang keiñ kaba ha la ka sngi ha khmat U Trai ha ki pateng la pateng bynriew jong phi.

EKSODOS 40:27

bad u la thang ïa ka jingiwbih thang halor jong ka; kumba U Trai u la hukum ïa u Moses.

LEBITIKOS 6:5

lane ïa kaei kaei ruh ba u briew u la smai lamler shaphang jong ka; ïa kata hi keiñ, un ai pynburia noh baroh pat, bad nalor kata ruh, ka dei ba un nang ai shuh ïa ka basan bynta: bad ha kata ka sngi ba un sa kñia na ka bynta ka jingpalat, un ai noh pat ïa kata kaei kaei ruh ha u trai jong ka hi.

JINGKHEIÑ 16:40

ïa ka ban long ka jingpynkynmaw ïa ki khun Israel, ba uno uno ruh u nongwei, u bymdei na u symbai u Aaron, un ym wan hajan ban ainguh ïa ka jingiwbih thang ha khmat U Trai, ba ïoh un long kum u Korah, bad u paidlang jong u; kumba U Trai u la ong ha u da ka kti u Moses.

JINGKHEIÑ 7:56

kawei ka siang ksiar kaba shiphew shekel, kaba dap da ka jingiwbih thang;

LOUKAS 1:9

katba kum ka rukom ka kam lyngdoh, ka la dei ïa u ban thang ka jingainguh thang baiwbih, haba u la leit ha kata ka jaka kyntang ka jong U Trai.

KI KAM 6:4

Hynrei, ngi ngin ïaineh ha ka jingduwai, bad ha ka jingïalap ïa ka ktien.”

DEUTERONOMI 33:10

Kin hikai ïa ki jingbishar jong me ïa u Jakob bad ka hukum jong me ïa u Israel: kin buh ïa ka jingiwbih thang ha khmat jong me, bad ïa ka jingkñia ainguh thang halor ka duwan jong me.

1 SAMUEL 2:28

Nga ngam shym la jied ïa u ruh na ki jaid Israel baroh ban long u lyngdoh jong nga, ban leit kiew ha ka duwan jong nga, ban thang ka jingiwbih, bad ban phong ïa ka ephod ha khmat jong nga? ngam shym la aiti ruh ha ka ïing u kpa jong me ïa ki jingainguh baroh kiba da ka ding ki jong ki khun Israel?

1 SAMUEL 3:3

bad haba ym pat lip ka sharak U Blei ha ka templ U Trai, ha kaba la don ka synduk U Blei, u Samuel ruh u la thiah;