EKSODOS 30:10 - KA BAIBL

¹⁰ Bad u Aaron un pynlong ïa ka jingkñia bapynïasuk halor ki reng jong ka, shi sien shi snem: da ka snam kata ka jingkñia sait pop bapynïasuk, shi sien shi snem keiñ, un pynlong ïa ka kuna halor jong ka ha ki pateng la pateng bynriew jong phi: ka long ka bakyntang tam ïa U Trai.”

Khasi CL Bible (BSI)

¹⁰ Shisien shisnem, u Aaron un pyndep ïa ka jinglehniam ban pynkhuid ïa ka duwan da kaba buh ha ki reng jong ka baroh saw tylli ïa ka snam jong ka jingkñia na ka bynta ka pop. Dei ban leh ïa kane man ka snem ha ki por baroh ki ban wan. Kane ka duwan ka dei ban long kaba khuid, kaba la pynkyntang sha nga, U Trai.”

EKSODOS 30:10 ပူးပေါင်းရင်းမြစ်များ

1 SYIEM 1:50

Te u Adonijah u la kyiuh na ka bynta u Solomon; bad haba u la khie joit, u la leit bat na ki reng jong ka duwan.

1 KHRONIKL 6:49

Hynrei, u Aaron bad ki khun jong u ki la ainguh halor ka duwan ka jingainguh thang, bad halor ka duwan ka jingainguh baiwbih, ïa ka kam baroh ka jong ka jaka kyntang tam, bad ban pynlong ka jingpynïasuk na ka bynta ki Israel, katba kum ïa baroh ba u Moses u shakri U Blei u la lah hukum.

EKSODOS 30:11

Bad U Trai u la kren ha u Moses, u ong,

EKSODOS 30:9

Wat thang halor jong ka, ïa ka jingiwbih thang bapher, lymne ïa ka jingkñia thang, lymne ïa ka jingainguh bam; lymne wat theh phi halor jong ka, ïa ka jingainguh dih.

LEBITIKOS 16:16

Bad un pynlong ka jingpynïasuk na ka bynta ka jaka kyntang, namar ka jingbymkhuid jong ki khun Israel, bad namar ki jingpalat jong ki ha ki jingleh pop jong ki baroh: bad kumta un leh ïa Ka Tabernakl ka jingïaseng, kaba shong lem bad ki hapdeng ki jingbymkhuid jong ki.

LEBITIKOS 16:18

Bad un mih noh na ka, sha ka duwan kaba ha khmat U Trai, bad un pynlong ka jingpynïasuk na ka bynta jong ka; bad un shim na ka snam uta u masi lyngraw, bad na ka snam uta u 'lang sohmoh, bad un thoh halor ki reng jong kata ka duwan baroh sawdong.

LEBITIKOS 16:2

bad U Trai u la ong ha u Moses, “To kren ha u Aaron u hynmen jong me, ba un ym wan ha la ka sngi ha ka jaka kyntang shapoh ka jingkah, ha khmat ka jingtap-isynei kaba halor ka synduk; ba un ym ïap noh: naba ngan mihpaw ma nga halor ka jingtap-isynei ha u lyoh.

LEBITIKOS 23:27

“Ha ka sngi ruh ka bashiphew jong une u bnai bahynñiew, kan long ka sngi ka jingpynïasuk: kan long ka jingïaseng bakhuid ïa phi, phin leh sngewsih ïa la ki mynsiem; bad phin kñia ïa ka jingkñia da ka ding ha U Trai.

LEBITIKOS 4:18

Bad un thoh na kata ka snam halor ki reng jong ka duwan kaba ha khmat U Trai, kaba ha Ka Tabernakl ka jingïaseng, ynda kumta, un theh noh ïa ka snam baroh kaba dang sah ha trai ka duwan ka jingkñia ainguh thang, kaba hajan ka jingkhang Ka Tabernakl ka jingïaseng.

LEBITIKOS 4:7

Bad uta u lyngdoh un buh khyndiat na kata ka snam ha khmat U Trai halor ki reng ka duwan ka jingiwbih thang baiwbih, kaba ha Ka Tabernakl ka jingïaseng; bad un theh noh ïa ka snam baroh jong uta u masi lyngraw ha trai ka duwan jong ka jingkñia ainguh thang, kaba don ha ka jingkhang jong Ka Tabernakl ka jingïaseng.

HEBRU 1:3

uba haba u long ka jingtyngshaiñ ka burom jong u, bad ka dur hi ka jinglong tynrai jong u, bad uba kyrshan ïa kiei kiei baroh da ka ktien ka bor jong u, haba u la lah pynlong ka jingpynkhuid ïa ki pop, u la shong ha ka kti kamon jong U Bakhraw Tam sha jrong;

HEBRU 9:25

hynrei, ym ba un ainguh ïa lade bunsien, kumba u rangbah lyngdoh u leit rung sha kata ka Jaka kyntang ha la ka snem ym da la ka jong ka snam;

HEBRU 9:7

Hynrei, sha kata ka ba-ar, tang u rangbah lyngdoh hi shi sien shi snem, ym khlem ka snam, ïa kaba u ainguh na ka bynta ïa lade, bad na ka bynta ka lait ka let jong u paidlang;

JINGPYNPAW 9:13

Bad u angel u bahynriew u la pynsawa; te nga la ïohsngew ïa kawei ka ktien sawa na kita ki reng jong kata ka duwan ksiar kaba ha khmat U Blei,