EKSODOS 3:8 - KA BAIBL

⁸ bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

Khasi CL Bible (BSI)

⁸ bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKSODOS 3:8 ပူးပေါင်းရင်းမြစ်များ

JENESIS 11:5

Bad U Trai u la wan hiar ïa ka ban khmih ïa kata ka nongbah bad ïa kata ka kut, ïa kaba ki la lah ïatei ki khun bynriew.

JENESIS 11:7

Ïa, ngin ïaleit hiar, bad ngin ïa-pynbakla ïa ka ktien jong ki hangta, ba kin ym ïasngewthuh shuh ïa ka ktien paralok hi.”

JENESIS 15:13

Bad U Trai u la ong ha u Abram, “To tip shisha ba u symbai jong me un long nongwei ha ka ri ka bymdei ka jong ki, bad kin shakri ruh ïa ki; bad kita kin ïa-pynshitom ïa ki, sawspah snem;

JENESIS 15:14

bad ïa kata ka jaid bynriew ruh, ïa kaba ki kin ïashakri, ngan da bishar: bad hadien kata, kin ïamih noh bad ka spah shibun.

JENESIS 18:21

ngan leit hiar mynta, ngan da khmih ruh la shisha ne em ba ki la leh syndon kumba la long kata ka jingpyrta jong ki, kaba la poi haduh ha nga; te lymda kumta, ngan ïoh tip ïa kata.”

JENESIS 43:11

Ynda kumta, u Israel u kpa jong ki u la ïathuh ha ki, “Lada ka dei ban long kumta te, to leh ïa kane; to shim na kiei kiei ruh ki babha tam jong kane ka ri ha ki jingdiang jong phi, bad to ïaleit lam arsut sha uta u briew da ka jingai sngewbha, ïa khyndiat ka umkseh baiwbih bakordor, bad khyndiat ka ngap, ïa ki masla, bad ïa ka mirr, ïa ki kwai, bad ki soh Khyllam.

JENESIS 46:4

Ngan leit hiar ryngkat bad me sha ka ri Ijipt; bad shisha nangta ruh ngan ïalam noh artet pat ïa me: bad u Joseph un ïoh buh ïa la ka kti halor ki khmat jong me.”

JENESIS 50:24

Te u Joseph u la ong ha ki hynmen hynbew jong u, “Nga te ngan sa ïap noh: hynrei, U Blei shisha un wan khmih ïa phi, bad un ïalam noh ïa phi na kane ka ri sha kata ka ri ïa kaba u la smai ha u Abraham, ha u Isaak, bad ha u Jakob.”

1 KHRONIKL 1:15

bad ïa ki Hib, bad ïa ki Ark, bad ïa ki Sin;

NEHEMAÏAH 9:8

bad me la shem ïa ka dohnud jong u kaba ïaineh ha khmat jong me, bad me la thaw jutang bad u, ban ai ka ri ki Kanaan, ki Hit, ki Amor, ki Peris, ki Jebus, ki Girgash, ban ai keiñ ha u symbai jong u, bad me la pyndep ïa la ki ktien; namar me long u bahok.

SALM 12:5

“Namar ka jinglute ïa ki baduk, namar ka jingud ki bakyrduh, mynta ngan ïeng,” ong U Trai; “Ngan buh ha kaba suk ïa uta ha uba ki ïapyrsad.”

SALM 12:6

Ki ktien U Trai ki long ki ktien ki bakhuid; kum ka rupa ba la phrang ha ka shlem ha ka khyndew, ba la pynkhuid hynñiew sien.

SALM 34:8

A to mad bad to khmih ba U Trai u long u babha: suk uta u briew uba shaniah ha U.

SALM 91:15

Un khot kyrpad ïa nga, nga ruh ngan phai ktien ïa u; ha ka jynjar ngan long lem bad u: ngan pyllait ïa u, bad ngan pyndonburom ïa u.

EKSODOS 12:41

Te ynda la kut kita ki sawspah laiphew snem, ha kata ka sngi hi keiñ, ka la jia ba ki paidbah jong U Trai baroh ki la ïamih noh na ka ri Ijipt.

EKSODOS 12:51

Bad ka la jia ba ha kata hi ka sngi ba U Trai u la wallam ïa ki khun Israel na ka ri Ijipt da ki paidbah.

EKSODOS 13:5

Te ynda U Trai u la ïalam ïa me sha ka ri ki Kanaan, bad ki Hit, bad ki Amor, bad ki Hib, bad ki Jebus de, ïa kaba u la smai ha ki kpa jong me ban ai ha me, ka ri kaba tuid da ka dud bad ka ngap, men leh ïa kane ka kam ha une u bnai.

EKSODOS 3:17

nga la ong ruh, Ngan ïalam noh artet ïa phi na ka jingshitom ka ri Ijipt sha ka ri ki Kanaan, bad ki Hit, bad ki Amor, bad ki Peris, bad ki Hib, bad ki Jebus ruh de, sha ka ri kaba tuid da ka dud bad ka ngap.” ’

EKSODOS 34:11

“To men sumar ïa kata kaba nga hukum ïa me ha kane ka sngi: ha khmih, ngan beh noh na khmat jong me, ïa ki Amor, bad ïa ki Kanaan, bad ïa ki Hit, bad ïa ki Peris, bad ïa ki Hib, bad ïa ki Jebus.

EKSODOS 5:23

Namar naduh ba nga la wan ban kren ha u Pharaoh ha ka kyrteng jong me, u la pynsniew ïa une u paidbah; bad mem shym la pyllait noh satia ïa la ki briew.”

ISAÏAH 36:17

Haduh ba nga wan bad ngan shim noh ïa phi sha ka ri kaba kum ka ri jong phi hi, ka ri u Kew bad ka Waiñ, ka ri u kpu bad ki brisoh Waiñ.”

ISAÏAH 64:1

A ba men da kad ïa ki bneng, ba men da wan hiar, ba ki lum kin tuid noh ha khmat jong me;

JEREMAÏAH 11:5

ba ngan ïoh pynskhem ïa kata ka jingsmai kaba nga la smai ha ki kpa jong phi, ban ai ha ki ka ri kaba tuid da ka dud bad ka ngap, kumba ha kane ka sngi.” ’ ” Ynda kumta, nga la ïathuh bad nga la ong, “Amen, ko Trai.”

JEREMAÏAH 2:7

Bad nga la wallam ïa phi sha ka ri ba-dap kyrhai, ban bam ïa u soh jong ka bad ïa ka jingbha jong ka; hynrei, ynda phi la leit shapoh, phi la pyntngit ïa ka ri jong nga, bad ïa ka ri kynti jong nga phi la pynlong ka jingijli.

JEREMAÏAH 32:22

bad uba la ai ïa ki kane ka ri, ïa kaba me la smai ha ki kpa jong ki ban ai ha ki, ka ri kaba tuid da ka dud bad ka ngap;

ESEKIEL 20:6

ha kata ka sngi, nga la rah ïa la ka kti ha ki, ban wallam noh ïa ki na ka ri Ijipt sha kata ka ri ïa kaba nga la ïohi na ka bynta jong ki, kaba tuid da ka dud bad ka ngap, kaba long ka burom jong ki ri baroh:

LEBITIKOS 20:24

Hynrei, nga la ong ha phi, “Phin ïoh pateng ma phi ïa ka ri jong ki, bad ngan ai ïa ka ha phi keiñ ba phin ïoh ma phi ïa ka, ka ri kaba tuid da ka dud bad ka ngap: nga long U Trai U Blei jong phi, uba la pynkyrpang ïa phi na ki jaid bynriew.

AMOS 2:10

Nga la wallam ruh ïa phi na ka ri Ijipt, bad nga la ïalam ïa phi sawphew snem ha ka ri khlaw, ïa ka ban ïoh ïa ka ri u nong Amor.

JINGKHEIÑ 13:18

to khmih ruh ïa kata ka ri, kaba kumno; bad ïa kita ki briew kiba ïashong sah ha ka, la ki long kiba khlaiñ, ne kiba tlot bor, kiba khyndiat, ne kiba bun;

JINGKHEIÑ 13:19

ïa ka khyndew ruh ha kaba ki ïashong sah, la ka babha, ne ka basniew; ha kiba kumno ki shnong ki ïashong ruh, la ha ki ïingjaiñ, ne ha ki kut baskhem;

JINGKHEIÑ 13:27

Te ki la ïathuh ha u, ki la ong ruh, “Ngi la ïaleit poi ha kata ka ri ha kaba me la phah ïa ngi, shisha ruh ka long kaba shlei da ka dud, bad ka ngap; kine ruh ki soh jong ka.

ÏOANNIS 3:13

Te ym don uba la leit kiew sha bneng, hynrei, tang uta uba la wan hiar na bneng, U Khun u briew keiñ, uba don ha bneng.

ÏOANNIS 6:38

Naba nga la wan hiar na bneng, ym ba ngan ïoh leh ïa ka mon ka jong nga hi, hynrei, ïa ka mon ka jong uta uba la phah ïa nga.

DEUTERONOMI 1:25

Ki la shim ruh na u soh jong kata ka ri ha la ki kti, bad ki la ïawallam arsut ha ngi, bad ki la wan ïathuh pat ha ngi, bad ki la ong, ‘Kata ka ri ka long ka babha ïa kaba U Trai U Blei jong ngi u ai ha ngi.’

DEUTERONOMI 1:7

to phai phi, to nang ïaid ruh, bad to leit sha u lum ki Amor, bad sha ki jaka baroh kiba marjan ïa u, ha kata ka madan, ha kita ki lum, bad ha kata ka them, bad shaphang shathie ruh, bad sharud ka duriaw, sha ka ri ki Kanaan, bad sha u Lebanon, sha kata ka wah ka bakhraw, ka wah Ïuphratis keiñ.

DEUTERONOMI 27:3

bad men thoh ha ki, ïa ki ktien baroh jong kane ka hukum, ynda me la leit sha shiliang; ïa ka ban leit hapoh kata ka ri ïa kaba U Trai uba U Blei jong me u ai ha me, ka ri keiñ kaba tuid da ka dud bad ka ngap, kumba U Trai uba U Blei ki kpa jong me u la kular ha me.

DEUTERONOMI 28:11

Bad U Trai un pynroi kyrhai ïa me ha kiei kiei ki babha, ha u soh ka met jong me, bad ha u soh ki jingri jong me, bad ha u soh ka khyndew jong me, ha kata ka ri ïa kaba U Trai u la smai ha ki kpa jong me ban ai ha me.

DEUTERONOMI 6:3

To sngew, namar kata, A Israel, to sumar ruh ïa ka ban leh; ba kan long bha keiñ ïa me, bad ba phin nang roi ruh shibun eh, kumba U Trai, uba U Blei jong ki kpa jong me, u la kular ïa me, ha kata ka ri kaba tuid da ka dud, bad ka ngap.

DEUTERONOMI 7:1

“Ynda U Trai uba U Blei jong me u la wallam ïa me sha kata ka ri sha kaba me leit ban ïoh ïa ka, bad ynda u la beh noh ruh ïa bun ki jaid bynriew na khmat jong me, ïa ki Hit, bad ïa ki Girgash, bad ïa ki Amor, bad ïa ki Kanaan, bad ïa ki Peris, bad ïa ki Hib, bad ïa ki Jebus ruh, hynñiew keiñ ki jaid bynriew kiba kham khraw, bad kiba kham don bor ban ïa me;

JOSHUA 5:6

Namar ki khun Israel ki la ïaid ha ri khlaw sawphew snem, ha ban da u paidbah baroh, kiba long ki nongïapom kiba la mih na Ijipt, ki la duh noh khoit, namar ba kim shym la kohnguh ïa ka ktien U Trai: ha kiba u la smai ba un ym shah ba kin ïohi ïa kata ka ri kaba U Trai u la smai ha ki kpa jong ki ba un ai ha ngi, ka ri kaba tuid da ka dud bad ka ngap keiñ.

JOSHUA 9:1

Ka la jia ruh, haba ki syiem baroh kiba ha kane ka liang ka Jordan, ha ki lum, ha ki them, bad ha ki rud ka duriaw bah marpyrshah u Lebanon, ki Hit keiñ bad ki Amor, ki Kanaan, ki Peris, ki Hib, bad ki Jebus, ki la bna;

JOSHUA 9:7

Te u paidbah Israel u la ong ha ki Hib, “Lehse phi shong hapdeng jong ngi: namar kata, ngin ïateh jutang kumno bad phi?”